Part 14
由我地到左Miki屋企開始，Miki同Wendy大部分都處於Hang機狀態，一直在做觀眾。
直到Ally斷片訓左，佢地先開始可以做到野，幫Ally梳洗下，幫佢換件衫，而我原本都飲左啲酒，好耐又未試過3點幾都未訓，我已經攰到唔想郁。
Miki搞掂完Ally就出返黎廳，見到筋疲力盡既我，Wendy都已經頂唔順直接係第二間房訓左。
Miki: 今晚辛苦哂你啦，冇你我地都唔知點樣Ally，點樣settle down佢，我地都方寸大亂…
我: 哈哈，其實我都只係識灌佢飲酒等佢斷片XD
Miki: 都好勁架啦，如果要Ally飲，我驚係我同Wendy斷片先。
我: 酒呢啲野到大個少少先接觸啦，你睇下Ally醉到咁，好彩搵到佢，一陣係公園俾執屍真係大獲。
Miki: 知道啦，不過我都估唔到Ally原來咁大獲，果陣都只係知佢分左手，原來…仲有咁多野發生。
我: 所以有咩要講出黎，唔好自己屈埋屈埋啦，知道無?
Miki 知啦，我而家變左架啦，有咩會出聲，但你要聽我呻喎。
我: 乖啦…
其實我已經接近冇電狀態…Miki見到我攰到開始唔識應
Miki: 咁夜不如你休息下聽朝先返去啦，可以拉開張Sofa變床俾你訓下。
其實我有啲唔好意思，但我真係攰到hi hi，就算地下我都可以直接訓落去。
我同Miki一齊整好張sofa，Miki拎左啲枕頭同被俾我，仲拎左張男裝睡衣俾我，一睇咁老積應該係佢阿爸的。
Miki: 我屋企得呢啲可以俾你換住先咋，要你屈就下…
我: 唔緊張，有件通爽啲換已經好好啦。
Miki: Ally冇嚇親你吖麻，我地都未見過Ally咁，可能真係好受打擊…希望佢冇乜野啦。
我: Haha…我都見過下風浪既，雖然佢都幾癲下…
Miki: 男人係咪都鍾意大胸架?
我: 下?點解咁問?
Miki: 我見Ally咁靚都輸俾個大胸既…
我: 其實都唔關事既…胸大係會容易啲俾人留意，但都鍾唔鍾意係睇相處既，講到尾都係佢男朋友賤格。
Miki: 佢男朋友勁衰囉，Ally對佢勁好架，成日都買野同佢一齊食，又就佢。
我: 有啲男人係成日都唔知足架，所以你要小心啲識男仔呀。
Miki: 學校啲男仔我冇興趣，成日做埋啲低B野囉，我先唔會理佢地。
我: 哈哈，Miki姐你好高要求喎…
Miki: 都唔係好高姐，起碼都做少啲低B野，識照顧下人…
我: 實會有機會遇到既。
Miki: 係呢，你之前係咪都拍過拖架?
我: 有呀，仲拍左2年幾3年…
Miki: 咁耐，但之後…分左手?
我就同Miki講左我大學既女朋友，講之後點解分左手，後面我都交代少少，我先skip左佢。
Miki: 估唔到原來係咁，怪唔得開頭你個人咁cool，冇乜笑容咁
我: 呢啲係要時間消化既…
大家靜左陣，Miki著住條粉藍色連身裙做睡衣，係第一次見佢著裙嗰條，沖完涼頭髮仲有少少濕既Miki，好靚，好好睇…我突然好想錫埋去。
Miki: 都好夜啦，你不如沖個涼先，舒舒服服休息啦，我叫左Nely聽朝唔好叫醒我地，訓到自然醒啦。
Miki都眼訓到眼都撐唔開咁濟，於是佢入左房訓，我沖埋涼就做廳長訓覺。
第二朝我訓到11點幾12點終於醒左，我見成個廳冇人，唔知佢地係邊，於是我Whatsapp Group搵佢地，原來Miki同Wendy見我未醒，所以係房到自己睇野。
Miki見我醒左就拎左牙刷俾我刷牙，Miki同Wendy話落去買外賣返黎食，順便幫我同Ally買埋，叫我抖多陣，我繼續訓左係sofa發下呆，冇耐Ally都醒左走出黎。
Ally望左過黎，我: Ally姐，醒啦你
Ally點左下頭就走左廁所刷牙洗面，之後就出左黎廳。
我: 點呀Ally姐，訓得爽唔爽?
Ally: 嗯…尋晚唔該哂你。
我: 講呢啲，心情有冇好返啲呀?
Ally: 唔諗咪好啲囉，話冇事就假架啦。
我: 都要時間既，呢個世界好大既，以後再識過個囉。
Ally: 咁易咩…話事話，我尋晚我做過啲咩?我剩係記得係海濱話同你去開房，你唔好當真呀…
我: 我當真就捉左你去開房啦XD
Ally: 唓，男人都係鹹濕架啦，鍾意大波架啦…
我: 又要飲酒出黎飲啦麻。
Ally: 唔洗啦，講兩句姐，我仲有冇做啲咩?
我諗左下，都係直接話俾佢知做過啲咩…
Ally: 下!!!!!!!我咁癲架咩?
我: 緊係啦，好在仲有Miki佢地係到捉住你，唔係真係唔知你做咩。
Ally: 咁咪益左你囉...我記得你下面硬左架。
我: 大佬，你咁樣我都唔硬我先驚，到時真係不舉啦。不過Miki佢地好快同你著返件衫啦。
Ally: 鹹濕你就鹹濕啦，Miki佢地唔係到都唔知你會做啲咩啦。
雖然自從分左手之後我就冇掂過女仔，都超過成年了，但我都仲有理智既。
我: 咁你又放心，乘人之危我唔會做的，有反應還有反應，理智還理智。
Ally: 聽住先啦...唉，返到學校都唔知點面對其他人。
我: 唔好刻意理人，正常地返學校就得，慢慢大家就會唔記得架啦，唔掂咪搵我地傾囉。
傾傾下發現Ally心底入面係會同Miki比較，無可否認佢地係好FD，當初Miki俾人杯葛都係Ally幫手搞返好啲關係，Miki先冇再俾人孤立。
但始終Ally都係比較自負，大家都係靚女，但Miki始終都係俾人睇高一線，唯一Ally可以自信既係佢有個高大又陽光既男朋友，估唔到呢個男朋友俾左綠帽佢戴，以前積落既自信又好似瞬間崩坍左。
Ally: Miki係好體貼既人黎既，所以我唔想比較，但我又會抆自己。
我: 咁人總係不自覺比較既，但至少友情大過呢份比較都ok la。
Ally: 咁緊係啦，Miki咁又單純，我唔係身邊佢俾人呃都似。
我: 你甩左拖係咪準備做女護衞保護佢XD?
Ally: 呢個建議唔錯，首先要防備而家坐係sofa呢條鹹濕佬。
屌你-.-早知尋晚乜都唔理就地正法左你，忍得咁辛苦仲要俾你話我鹹濕佬。
跟住我地都係吹廢水，Miki佢地都買左野返上黎一齊食，之後我就返左屋企，佢地3個女仔繼續Girl Talk。
~打住咁多先，下集見~