引用:
原帖由 dragonbone 於 29/7/2022 16:36 發表 
我唔係唔鐘意女生痴身，但女人好特別，知道一件事，講到出口感受又另一回事。
即我係會做去表達鐘意，關心同緊張。
但女生有部份總係喜歡要你講出口，尤其你係唔會講出口既人時，HAHA....
我會講: 你要條仔講出口愛妳，妳就會開 ...
其實個個男人都中意女仔黐住嘅，有人嗲下係好爽嘅事。不過嗲同問啲沉船問題係兩回事，嗲，可以係見面嘅時候或者通訊嘅時候做，請女伴越多越好，令男伴週身痕，好想嚟見你；但係問一個假設性嘅將來問題就唔同，會引發好多對現實嘅問題同想法，令到雙方都不得不屈服嘅殘酷嘅現實面前。
其實大家一開始都知道係一段冇結果嘅感情，不如大家喺短暫而激情嘅時間入面好好珍惜大家，令到大家都感受到對方嘅關心，正如龍師兄所講，做出嚟女伴未必會感受到，咁咪講出嚟令佢笑下囉；然後分手嘅時候就好好咁祝福對方，令到對方慶幸身邊曾經有過你嘅陪伴，喺回憶入面有一點漣漪，少一點遺憾咁咪幾好😬
