為咗食而食嘅話，阿星應該冇咁多女伴，而係有好多炮友😬

熱屎辣辣，出多段星仔嘅故事先。星星同學會第14話～


那些年，星星同學會 第14話

Emma屋企管得好嚴，食飯都返屋企食，查實佢就住喺學校對面，行返去就食飯。阿星趁佢食晏果時叫一叫佢，將份好細包又貴嘅朱古力俾咗佢。佢望下阿星，又望下包朱古力，一時間表情好複雜，阿星咁大個仔都未見過。通常阿爸阿媽嘈，啲表情好簡單，一味得個惡字。但原來一個人啲表情可以咁複雜，想笑，想嬲，怕醜，仲有好多阿星唔明嘅表情。相信大家都記得，阿星係喺一個倫敦偏遠嘅鄉下地方讀書，雖然搭地鐵搭到，但中國人好少，同佢地同年齡嘅中國人又少，更加唔好講高大啦。

Emma攞住包朱古力好開心，同阿星講咗兩句，大致係叫阿星等佢食完飯再講。阿星點點頭，返去食學校嘅炸物晏晝去。一般政府學校，食堂唔大，二三百人總坐得落。阿星坐埋一邊，同班真係阿星一齊食，佢地食啲乾糧，好重香料味，啲味又令阿星想起Sahi。Sahi阿星現在都依稀記得咩樣，一頭曲髮好黑好濃，好瘦，應該得四呎十一左右。阿星個人生得高大，未去英國時已經好似入樽個樱木花道咁高，相對Sahi就好嬌小玲瓏，好好抱。

阿星一路諗要唔要揾佢同佢傾下，又諗下好唔好揾返Sharon，再諗既然Helen係玩阿星，好唔好掉位唔再望到佢。諗諗下Emma攞咗張嘢嚟，咦，你咁早返嚟做乜？佢俾咗張摺埋嘅紙仔阿星，叫阿星記得去，跟住就走咗。打開張紙，哦，原來係張戲飛。

待續😬

好兩少冇猜feel!😬
之後有冇喺戲院摷人？😉

搓搓下先過癮嘅。
師兄真係知星仔心😬

係男人都想咁！😬

當其時係星仔，男仔嚟咋😬

破咗處仲係好男仔？😉

咁果日都仲係嘅😬

咁都得？😂

男仔好多嘢都得嘅，男人，好似阿星咁樣嘅一個老男人就乜都唔得喇😬