星期三幾場出馬九隻 所以擺四班千二喺尾場 望完排位即刻投降 專注幾場出馬少嘅場合 1,2,6,7呢四場睇檔做人
第2場二班1650 又見到連連歡呼呢隻吸飛馬 成日引人落疊 開鑼日又追一段而拉哥騎上去注定大熱 對賭攻擊 先要歡欣福星 四月跑完之後做公公抖到季尾825場次復出其實跑得唔錯 出彎勒避再掟出去追返個第五 開操後係咁磨連積奇都話隻馬好好火 巴度雖然開戰三日仲係遊魂但預計呢場火燒唔熱點都要 半冷門要突破三班重磅樽頸位嘅同舟共濟 上季731場次贏谷二千二雖然對手水但孭重磅彈甩點都係好賽績 抖三個月跑1650唔會覺得短 獵人成季初急先鋒全面開火當要重視

第7場三班千二 萬眾力得又一檔 嚟到呢個分一定要靠形勢搭夠 拉哥跑左一日賽事熱身應該上力 單Q當然係同程四戰未甩前三嘅極速奔馳 賭過關熱食都要
反而頭場四班1650算難搞 又係向檔位埋手 獵人成全晚強陣日輝煌到依家未贏但有幾個P 拉哥主動攞返嚟騎又好檔 首選 Q腳之中本來有留意超級黃蜂但跑法得一招識放唔識追 有其他馬中途上嚟搞就麻煩 要返有班底嘅9歲老嘢威進駒 退化比想像中慢 依家跌到嚟42分覺得威哥未必咁好耐性俾佢落五班孭重磅 呢場分分鐘可能係最後一擊

第6場三班1650 合夥精英上季第一季服役雖然未贏但整體演出準 雖然初跑谷戰但曾試谷閘相信問題不大 獵人成今季大力支持班德禮連上季騎開嘅何堯都唔用 就算孭到135磅仍然首選 Q腳方面合約精神睇嚟同何堯唔多夾 落返三班用返涼瓜又一檔集合有利條件於一身 合夥精英要輸嘅話就係輸俾呢隻

[ 本帖最後由 KIRIN688 於 2022-9-20 16:07 編輯 ]

第六場嫌萬眾力得評分在泥績中上揚，回到草地甚吃虧，縱使一檔亦只覺邊線。第七場兩「合」正路，包裝風雲重拾正軌可再上，最強對手，但三匹就分頭普通。

第一場1及2檔是機會馬，我也同時考慮3及4檔兩匹。機緣巧俠已回落到低於贏馬評分，操練積極有出擊意，疑問是7歲轉8歲有可能退化，但有賠率可博。飛輪鑽皇上季千六兩度與大登殿接近，具指標性，與威進駒表現相若，但飛輪鑽皇減分多較上風，上仗熱身路短，敗不足據(當然若更近就更有信心)，有兩馬搶放，步速會合，可博。

稍後再講天足貓及美滿星雲兩場。

飛輪鑽皇呢啲馬半冷嘅話仲可以拖 但到依家仲係三零部隊難言有信心 順便搭下 今季點睇肥航成績

[ 本帖最後由 KIRIN688 於 2022-9-21 15:54 編輯 ]

飛輪鑽皇落飛，中段係威係勢但轉彎開始力弱，應是狀態欠佳，稍後再近才看。實力之前算有連續證明，上不上名倒不重要。

第五場，鼓浪精綵四班田草千二兩場對強手皆輸得近，後轉戰谷草皆抽外檔便走勢含蓄順勢減分，今落到五班而檔位不差，頗超級，坐穩已夠贏。天足貓四班田草千二一檔亦曾入位，頭五名對手皆見過能力，水準高，其後兩仗排外檔則甚差，似乎是有實力而要有形勢才好之馬，現降班有好檔，試閘不俗，騎練鬥志好，有望一席。醒目勇駒是另一匹降班有好檔之馬，上仗四班路短衝勢頗佳，今次回到正宗路程兼有熱身之利，前列份子。

第八場，美滿星雲前仗田草千四外疊前置，一度在直路出頭，末段未能抗衡強手但所負不遠，上仗遇變化地大失水準，不必在意，今次轉谷草縮程賺級數，有黃金一檔，試閘夠快，可望守內欄跟隨放頭馬後突圍。木火同明四班有優勢，上仗落班縱使外疊亦入Q，今次形勢類似，試閘走勢佳，亦有贏面。保險腳選上校，此程最佳，上季尾在田草減分，回落到低於贏馬評分，此場唯一放頭馬兼排好檔，可輕鬆自造步速，有望放入一席。

星期日上演今季第一場G3慶典杯 可惜出馬少得可憐 連千四都咁少馬跑 大魔頭退休後無乜好馬買嚟可以預期呢幾年呢啲分級賽出馬持續偏少（唔計國際賽）呢場賭錢分頭欠奉 索性睇馬算 全日心水揀頭兩場泥地同尾場二班千二
PS：尋晚谷戰有人影到魔頭入場係咁同韋賊密密斟 魔頭似乎有好嘢益韋賊😏

[ 本帖最後由 KIRIN688 於 2022-9-22 19:06 編輯 ]

頭場四班泥地1650 首選木火兄弟 開鑼日跑千四追得唔錯 今次雖然初跑泥地但試幾個泥閘都有走勢 本場出馬唔多更有利前置跑法 Q腳要返大道至正 過多三個月就8歲呢啲馬唔會有保留 本來予定俾拉哥家陣換返火車潘其實仲好 執二檔機會提升
第二場五班泥地1650 都係向獨沽一味泥地有競爭力嘅馬埋手 跑得寶寶以上季293場次同程留後彈甩贏水準計 泥地必超五班 熱身後強配班德禮正路之選 旅英系又玩轉倉 旅英福星上季霍老爺散倉去柒頭叻都係得個近字 質素唔高勝在同程有上名根據 轉威哥後手法唔同左希望憑呢樣改變會有耳目一新表現

[ 本帖最後由 KIRIN688 於 2022-9-24 12:05 編輯 ]

大摩入場支持埋齋馬馬主，可能又有馬代購進口。

前面問及燉廄，打開馬匹列表，不少表面退步中馬匹，廄主令馬回魂能力低，老表醒好一場即大敗，這類馬無期望，只有少量未知數新馬或可爭取一點成績，整體看來會進一步向下。

明日不吸引，實力相對平均但狀態又不明，賠率卻聚向一邊。

尾場二班千二又係混戰一場 上星期貼中艮志騰雲但本場對手比起上星期强一截 再加兩磅孭133雖然有一檔但難以睇好 首選要返少爺仔 當銳而馬雅喺上季尾拎返帥權 雖然無閘但上季除初出前嘅基本考閘外之後都無試 高佬新睇嚟係想隻馬有fresh 上季尾816場次二班半賽事千四米孭135磅都入P水準計跑返正常二班孭磅有利得多 抽二檔又睇可否跟前啲 對手之中型佬全出夠三隻 檔位計以戰養戰算好跑 上季煞科同駿馬風采同場分列二三輸俾金鑽貴人 本場走位形勢可能同上場差唔多但駿馬風采嗰場留後啲勁勢撲上睇嚟效果比跟前更好 索性一對要哂

跑得寶寶正路，我另取同程與之跑近的日日夠，都是擅泥之馬。博冷就選八騎士，屢在四班近，後來健康有問題，現在休後降班而見試閘狂追，有權一網打盡。旅英福星及巴基勇士都屬長期似就快好而失望之馬，不否定機會，但賠率嚴重偏低兼檔位普通。

https://m.discuss.com.hk/index.php?action=thread&tid=30677046&page=30
隔離肥航關注組幾多人 搭左兩句😆

星期三嗰兩場三班千二全無賭頭 心水揀頭兩場四五班搭尾場單棍算數 呢三場都先要左韋賊嘅馬 勝出魅力 奇妙年華同三江飛輪 尾場Q當然搭埋上場搏殺失手 今場增程更合嘅燊榮之星
頭場五班學當年熊良錫話齋 幾乎隻隻都垃垃圾圾似是而非 勝出魅力已經算庸中蛟蛟之輩 30分而竟然只孭121磅著數到暈 出閘順利嘅話贏面九成 對手之中排一二檔嗰兩隻算有威脅 一舖成名累積五W已經全場最多但步入8歲戰力只會有跌無升 加上一見個馬房唔多開胃 排隔離二檔嘅縱橫十六睇嚟係遲熟份子到上季中後先嚟了 雖然初跑谷戰但憑田草級數加檔位理應有一席
第二場Q腳要返早已操起嘅香港精神 之前試1050泥閘唔駛點俾就自動波反映個態嚟得早 田雞唔騎得換巴度影響有限
刨刨下第七場似有可博冷 美麗邂逅同鴻運飛鷹上場串Q但係咪會翻版Q未必 美麗邂逅加磅到135又檔位外移 鴻運飛鷹嗰場一支箭飛上嚟用力咁多隨時有走樣嘅可能 搏方仔嘅紫雲冰 同阿仔相當合拍升班輕磅又好檔 另一隻希斯初出PP宏才 外地贏兩場都係放但試谷閘教留好位效果唔差 隨時一出劏人

[ 本帖最後由 KIRIN688 於 2022-9-28 08:04 編輯 ]