引用:
原帖由 一夜狂歡 於 2022-9-18 09:34 發表
上到車先發覺Amy換咗衫,我問:點解換咗衫嘅?返工衫唔好咩?Amy答話:慣咗啦!但凡放工有街去我一定換衫,着住套suit超冇癮,好似出去sell保險咁,尤其夜一夜落吧更加格格不入。聽完之後我話:原來咁大條道理,不過返工衫始終太密實,依家好 ...
諗諗下Amy今晚個裝扮似足正話見到嗰個菲姐,論身材大家不相伯仲,菲姐稍勝少少但個粧就濃咗啲,所以容易引起男人性衝動,Amy自然好多但我仍然好衝動,好嘞中環到咗喇,啲哥話太平記門口唔停得車,於是喺就近放低我地自己行過去,唔駛問佢坐的我出錢冇走雞。間餐廳真係好舊下,好似去咗幾廿年前咁嘅款,真係好有電影感。我同Amy講:冇介紹錯喎,好似以前睇過花樣年華套戲入面嗰個場景一模一樣,咦!咁我地咪變咗朝偉同曼玉。Amy隨即答話:你就想喇,第二世啦。隨便揀個卡位坐低之後,開始見真章嘞,打開個靚靚餐牌睇下,發覺唔駛點睇因為冇眼睇,份份都三位數字起跳,我同Amy講:妳有經驗妳揸fit啦,我食乜都冇所謂。最後Amy叫咗牛尾湯、燒乳鴿、瑞士雞翼、乾炒牛河,好奇怪份份都係叫一份話同我share,咁好人同我慳荷包?後尾先發覺原來唔係。