原來今個星期冇出到故仔,唔怪之得阿星周身唔聚財。Shanie 第2話~
Shanie 2
Shanie 高過Cassy ,熱情度亦都有過之而無不及,阿星輕輕攬下佢條纖腰,用面珠掂下佢面珠嚟表達問好,佢就伸出雙手勾住阿星條頸用力咁攬實阿星。喂喂,雖然阿星唔多介意,但係喺阿Cassy 面前又真係唔係咁好,即係咁,雖然你瘦啲,估計應該冇Cassy 嘅偉大,不過就憑啱啱你請阿星食嘅波餅,阿星斷估阿Shanie 你應該都有32B望C嘅,不過驗證嘅嘢,都係唔好搞,整多個Cassy 咁嘅女仔,阿星會好唔得閒。
輕輕推開Shanie ,阿星禮貌地對佢笑笑,都唯有係咁,查實阿星真係唔慣太熱情,起碼對唔係好熟嘅人就唔會咁熱情。同阿Cassy 就梗係熟啦,大大話話都大家都睇哂摸哂錫過哂對方成兩個月,乜都熟啦,仲要係熱情火辣嘅時候。不過又唔可以喺Shanie面前表現得太過親熱,唔係一陣Shanie 問起Cassy 就麻煩。
唔知啲女仔係咪都中意食西餐飲餐酒,覺得好有格調,阿星同Cassy 同埋Shanie 三個人都開咗兩支紅酒,呢,阿星平時飲開果隻平嘢,Cabernet Sauvignon赤霞珠,阿星喜歡智利赤霞珠收尾嘅苦刦味,亦都喜歡南澳赤霞珠嘅容易入口但收尾微辣,雖然兩種都係用同一品種嘅紅葡萄釀製,可能就係因為地理位置嘅差異,令到釀製出嚟嘅紅酒會有咁嘅分別,阿星平時會喜歡智利嘅苦刦,自己一個人嘅時候品嚐下孤獨嘅凄凉,而南澳嘅赤霞珠就適合三幾個人淺嚐即止嘅清談聚會。當然,阿星要揸車,都係飲咗兩杯,留返一陣返到屋企自斟自飲過其大癮。
Cassy都係一個酒筲箕,飲完酒除咗比起平時更加多嘢講之外,係有少少面紅紅咁,成個紅蘋果咁,望落好可愛。除咗同佢上床大戰嘅時候佢塊面會咁紅之外,其實平時好少見,而且通常佢面紅咗之後一係就用雙手掩面唔俾阿星睇;一係就將個頭埋喺阿星心口度,都係唔俾阿星睇。阿星絕對有理由相信Cassy呢一刻係唔知道自己塊面紅咗嘅。
待續😬