好啦,臨瞓前出多段啦~
那些年,星星同學會 第39話
Grace將啲手指纏住佢枕住阿星隻手啲手指,將塊面喺阿星手臂度磨。啲頭髮一路擦到阿星個鼻好鬼痕。
「喂喂,唔好玩啦,再玩唔得掂!」其實好想佢快啲走,屋企人喺樓下,好怕俾佢地知道有個女仔喺阿星房。
「黐耐啲都唔得!」Grace嬲嬲地。「你記唔記得我尋晚講過咩嫁!」
「你話好攰,唔敢揸車,想喺度訓嘛!」
短暫性失憶呢樣嘢阿星都唔知俾人話過幾多次,攬住個女仔俾佢話好似都係第一遭。
「仲有嫁!車入面果啲!」
「…………」
「喂,我…………想去厠所呀。」Grace有啲唔好意思。
鬆開手,帶咗佢去厠所,佢又怕有人上嚟撞到,死命拉住阿星唔俾阿星出去:「咁點呀?疴唔疴?」
「你留低陪我呀!」
陪?點陪呀?
「擰轉唔准望呀!」
聽到啲滴水聲,阿星心頭有啲異樣。
「得啦。」 Grace過嚟勾住阿星手,另一隻手扣住阿星俾佢勾住嘅手臂嘅手指。
「洗洗手好喎疴完尿。」 阿望住佢。
「人地急嘛!等等啦。」
洗完手,同佢入返房阿星先至敢再去疴尿。阿星就冇咁大胆當住人面前疴嘞!返入房,個衰妹又上返床,仲冚埋被添。
待續😬