講開玩，而家就真係玩得好開心嘞，我有少少醉心左打拳果度。
男人的浪漫，永遠唔會遲。
我鐘意左打中，打得應target既拳套聲，爆汗爆心跳，呢D又同我而家上堂係心態上氣氛上完全兩碼子事既挑戰，但就正如星師兄講，要多謝另一半，無佢睇住，我又點可以任性出去學野呢。

反而最搞笑係我個教練，我係度練既時候，佢好鐘意睇有無女仔望，但真心唔同層次，佢既反應同速度，快到一個點，係靜與動之間，令我搵到唔同既挑戰。

至於上堂方面，係後生女同人妻們面前，我已提起男人的大忌，就係提自己有小朋友同太太，通常男人提呢D，女人多數都會滿不是味兒，而我提起，因為唔想有咩誤會滋長，因為.......小弟sense到多多少少有D味，而暫時黎講，我都真係要友情或傾得埋既異性就夠，當我諗多左都係咁話。

其實D女無所謂既,o岩心水唔會理你個status

其實每個人都有佢哋獨特嘅地方，有好多想法想去實現，但係好多時就係一啲人為嘅嘢例如行為，話語又或者態度限制咗佢哋，令到佢哋好想去實現嘅夢想冇辦法得到實現，呢個係最悲哀嘅。

男人千百年落嚟都係接受唔到女人比自己叻，呢種小器嘅心情好難要佢哋改變；但係話分兩頭，女人叻咗之後睇唔起自己嘅男人亦都係一個不爭嘅事實，女人有慕張汰弱嘅天性，大部份嘅女人都想自己嘅男人比自己強，咁啱遇到個男人越嚟越比自己弱雞，又好難怪女人唔嫌棄喎。男人有惰性，想懶，就好似之前龍師兄所講，收工返到屋企只會打機或者攤屍咁做大爺，呢啲都係天性使然，亦都係大男人主義嘅寫照。不過今時今日女權橫行，已經唔再係以前女人被要求三從四德嘅時代，當然，女人亦都未必識得咩係三從四德，只會覺得男人唔公平，你得，我唔得。

如果俾阿星揀，阿星寧願只女人成功，咁阿星就可以坐喺屋企入面相妻教子，大造文章，唔使出街拋頭露面，寫阿星中意寫嘅嘢。

女人嘅天性，都係著重把自己嘅資源分配喺屋企入面俾老公，父母，仔女；反而好少會分啲啲咁多多俾自己，用嚟做啲自己想做嘅嘢。令到阿星好詫異嘅係，原來好多媽媽，無論在職或者全職嘅都好，都一樣有咁嘅心態。

阿星都有做下家長義工，近期被要求幫家長同老師們做一啲減壓嘅工作坊，亦都被邀請去同中二嘅學生分享人生經驗。對於阿星嚟講，呢啲都係好寶貴嘅經驗，可以幫到人，又令到有人可以傳承，點解唔做呢？😬

師兄，其實......你無講錯，當然我當自己諗多左，即我想講既係，你知啦，男人唔想斷後路，通常同異性都會講自己點好既一面，show自己點吸引既舉止談吐，玩得爆自己屋企情況，某程度都係自斷米路，但我發現，當佢地知你點對屋企果個好時，佢地十居其九都會講點解你會識咁做，佢地屋企果個唔會云云。

最搞笑係，當我地講買某樣野時，我講到另一半未必俾，
佢地講:你撩佢啦。
我答:佢好難心動架。
人妻就會講: 你撩啦，你一次唔得兩次，撩撩下就得架啦，果樣野都係咁撩架啦，佢唔俾你就緊張遮。

跟手其他人妻都一齊笑，而講果個係平時最正經果個，我真係諗，妳地究竟有無當我係男人黎架......
所以有時我都半放棄，我同自己講佢地應該當我係女人埋一份...........

係架，女人唔知自己叻唔叻，成唔成功，係想與唔想實行之間，你鼓勵佢，佢可以會好黎料，你打沉佢，再搬出千萬個理由，可能已收佢皮。

當然，我覺得女人鐘意男人叻，係正常，女人鐘意男人，存在愛慕當然最好，即愛之外亦有仰慕，一個叻既男人愛自己，個女人都會自愛同裝扮自己多D，而當女人成功時，其實身邊既男人亦一樣成功，女人更會感激呢個男人愛自己之外仲早早已識欣賞自己。

我奉行強者理論，我只會欣賞你強我更強，咁樣大家先有良性既進步。

係架，師兄提到一點女人偉大，自從多左參加活動，我都覺好多本身叻既女人願意犧牲自己既事業同未可知既成功可能性，我已覺好偉大。我都講笑同另一半講，不如妳叻D，我係屋企湊小朋友都得架，當然佢先唔會中計啦，佢反轉頭只會叫我叻D，我賺既係佢既，佢賺既係買花帶喇~~

又唔一定,我又唔會主動去show好一面,會好似平時咁接觸其他人一樣
我唔會太多講自己屋企情況,同你做法相反,接觸上會有時好傾有時無交流咁.

師兄心理質素比我好呢。
我會講自己屋企，係因為會將另一半掛係口邊既男人，好多時都會令女人卻步遮。
而我真係幾珍惜同佢地既感情，所以我唔想有咩改變呢。
但我唔排除係我自己諗多左，所以都係唔好太情聖咁既蛋款會好D。

哇哈哈哈，龍師兄講出咗成件事嘅重點啦。其實如果個女人叻，男人鼓勵佢去做，而佢又做得成功，呢啲當然係個女人本身都有咁上下料，另外就係另一半嘅鼓勵導致女人嘅成功喇。叻嘅男人會鼓勵女人去擁有自己嘅事業，始終兩個人喺埋一齊點會冇磨擦呢？俾啲閒功夫佢做，你坐喺屋企都冇人得閒話你大少咁攤喺度乜都唔做啦。男人唔俾佢做嘢，佢咪日日喺屋企怨呢樣怨果樣，但係男人又嫌女人嫌三嫌四，呢啲咪惡性循環囉，都唔明點解啲男人咁保守，俾個女人出去搞佢嘅事業，男人出去滾，女人忙到甩碌，都冇時間啋你啦。

不過話又講返轉頭，女人叻，男人要更加叻呢個係不爭嘅事實，點都走唔甩。唔係女人始終會嫌，以前我未叻我覺得你好叻，依家我叻咗發覺你不外如是。你話唔長進嘅男人係男人嘅悲哀定係女人嘅無奈呢？

哈哈，龍師兄，點解龍嫂同阿星嫂都係講呢啲嘅呢？寧願賺錢買花戴，寧願你嘅即係佢嘅，佢嘅即係佢嘅，點都要扮你叻過佢，扮都要扮蠢呢？😬

過時過節

我心理質素唔係好,係比較講justification我唔係對方老公男友無必要為對方付出做聆聽者或幫忙,我去搵下錢買野俾自己或者同朋友去打波擴展人脈更好