星期一又更新下先～


那些年，星星同學會 第48話

攬下錫下瞓下，瞓瞓下阿星覺得有啲問題，問題出喺邊度？咪就係朝頭早六點零鐘嘅時候囉。唔明？你係咪後生仔嚟㗎？後生仔，朝頭早就梗係瞓到咁上下有啲嘢不自覺地起咗身啦。喺阿星同Grace攬到咁實嘅時候，呢啲嘢好難唔俾人發現囉。查實阿星都算醒瞓，個夢係咩真係唔記得咗，只記得阿星用力頂咗小星星幾下，都俾人阻住，然後阿星就即刻扎醒。攬住人地個妹仲用小星星頂咗幾下人哋，你話點解釋好？

望下Grace ，原來已經醒咗，用矇矓嘅眼望住阿星。有冇講過Grace 係冇乜化妝嘅，可能因為年輕皮膚白滑，唔化妝都好順眼。阿星都係第一次帶女仔返嚟屋企瞓，一帶就連續兩晚，依家仲要俾小星星嚟到咁樣頂撞，真係有啲唔好意思。

「………係咪想要呀？」Grace問。

「某某某，呢啲係自然反應嚟啫。」阿星當然要解釋下。

「我可以嫁！」蚊螆咁細聲。

「等一陣就會停㗎啦，自然反應嚟啫。」況且袋都冇，一陣搞出事阿星點解釋俾Man同Joyce知？

「我尋晚買咗……………」呢句真係聽唔到。

Grace個頭再一次耷到好低藏咗喺阿星心口度，雖然清晨時份氣温微涼，但係阿星就摸到佢有啲汗。

「你買咗啲咩？」搞到阿星滿頭問號。

「咪買咗咩囉，咦～～仲問，你係咪玩我嫁，扮哂嘢！」

阿星真係有啲猶豫，第二次帶佢入屋就同佢做，佢仲要係第一次，阿星真係未試過同第一次嘅女仔做，唔知自己技巧夠唔夠令佢滿足。

「真係聽唔明吖嘛，你買咗咩啫？」

「………………」

「喂喂，做咩唔出聲啫？個頭藏喺阿星心口阿星聽唔到你講嘢喎。」

「你呀，都唔知你係真傻定扮傻。我尋晚去揾你之前已經買咗…………買咗袋呀！衰人！要人講出口，搞到我好似好cheap 咁！」

待續😬

咁咪feel到幾大對！😬

咁咪係，人哋盛意拳拳，你都唔比面！😂

壓住阿星心口囉😬

好難嘅，一陣人哋唔開心咪令人一世囉😬

咁多顧慮？😂

當年係㗎，佢家姐曾經係阿星女友，雖然突然消聲匿跡啫，難保唔會突然間出現揾返阿星嘛，阿星都未對Joyce 死心，其實又點可以同人哋個妹搞埋一齊咁亂呢😬

Joyce咁好咩？😂

佢都有佢吸引阿星嘅地方嘅😬

例如呢？😉