引用:
原帖由 dragonbone 於 13/12/2022 12:03 發表
HAHA......其實我唔明,乜咁樣問,真係會俾??
女生都係信任我先俾佢既秘密我時,我會係網上修修改改再講,其實已經係最大限度,試問我又點會分享俾其他人。
而師兄講中左一個情況,女生都會問番我,故事中果個係唔係佢,為左某程度 ...
各人有各人唔同嘅諗法嘅,有尐人會覺得問雖然未必有,但係唔問就一定冇。
好多時候如果火緊嘅人未必會喺果一刻諗到咁深入,會考慮到女伴嘅感受,呢樣嘢真係要好好學習。始終女人都係柔弱嘅存在,縱使佢哋幾咁叻,都始終喺某程度上比男人弱。嗱嗱嗱,阿星唔係話女人弱呀,世界上大把女強人,不過總會有女人想喺男人面前表現柔弱,令到男人不自覺地想保護佢哋,縱使其實女人比男人仲要體格強壯,老虎都打死幾隻。阿星話總會有,即係總會有例外,呢尐說話一定要講,唔係就會俾人話阿星講嘢唔得嚟全面。
講故仔當然要加入戲劇元素先可以令到故仔生動同吸引啦,唔通愛情動作片就只係得愛情動作情節咁寡咩,咁直接就睇美國尐成人電影咪得囉。
女:「今日天氣好好呀。」
男:「係呀,不如做愛囉。」
女:「Oh yeah!」
唔會囉,男女攻防,總有尐盡在不言中嘅非言語交流,如果大家互望兩眼跟住下一幕就已經係床戲,仲邊會有人睇呢?
寫故事嘅目的其實可以係好純粹,表達下自己嘅感受,抒發下情感,搞下笑,諸如此類。正如龍師兄所講,娛人又娛己,何樂而雅不為呢?😬