凍冰冰嘅下午更新~
那些年,星星同學會 第53話
Grace 半合嘅眼慢慢張開,望到阿星望住佢,即刻想掙扎,但係隻左手俾阿星隻右手捉實;右手就俾阿星左手㩒住喺阿星嘅頭髮上面,Grace 坐喺床度根本冇辦法郁,郁咗兩下郁唔到之後,即刻嗔話:「耶~~~你捉住人哋隻手唔俾人郁,又搞到人咁痕~~~~」
阿星笑笑,然後話:「唔舒服咩?」
Grace 眼仔碌碌咁,然後話:「唔話你知!」然後紅都面哂。
「唔舒服要講喎,一陣再刺激啲驚你頂唔順咋。」嚇下你先得。
Grace 真係睜大雙眼,望住阿星話:「會好刺激嘅咩?你同姐姐做果陣都好刺激?」
突然間提起Joyce,阿星真係唔太中意,原本都冇諗起佢,Grace一提出都即刻後悔,知道自己講錯嘢。阿星放開捉住咗舉起嘅左手,瞓返落床度,小星星原本好有興致做好哂戰鬥準備,依家都已經收咗皮,冇哂鬥志。
Grace 即刻哄埋嚟,個頭伏喺阿星心口上面,即刻細細聲同阿星道歉:「你唔好嬲啦,我講錯嘢,對唔住呀。」一路星星眼咁望住阿星,又真係好抱歉嘅樣。
「阿星自己唔開心啫,唔係怪你。」查實又唔關Grace 事,都要安慰返佢嘅。
Grace 索咗兩下鼻,眼紅紅咁望住阿星,好似啲無家可歸嘅小貓咁,想埋嚟,又唔敢埋嚟,又真係唔忍心要佢咁橙橙。阿星又唔係咁鐵石心腸嘅人嚟,搞到Grace 咁樣又真係唔捨得,唔捨得咩?咪就係唔捨得佢眼紅紅咁囉。即刻伸手過去拖佢埋嚟用力抱下,輕輕錫下佢,同佢話:「阿星仍然未忘記到Joyce,俾啲時間阿星好冇?」
Grace個頭墊喺阿星膊頭上面,輕輕點頭,然後開聲,聲音有啲沙啞:「你唔好嬲喎。」傻妹,點嬲得落呢?
待續😬