打機可以溝到女幾好喎！😬

咁當中梗係有其他事發生過啦，齋打機點會有咁嘅結果呢😬

仲做咗乜嘢？😉

Joyce 係咪有分享同星師兄講…？

咁多嘢做過，邊講得哂咁多呢😬

師兄好似坐喺隔離睇住阿星同Joyce 咁喎，唔通你係阿星嘅舊識？😬

我就冇乜高大既舊朋友，哈哈。

女人有野想講，男人會感覺到。

感覺唔到，係冇心去感受吧。

查實阿星得5呎爭吋半，不過中意話自己係高人咋😬

又到聖誕前返工嘅最後一日，更新下故仔先～


那些年，星星同學會 第55話

阿星見佢都咁豪爽，就一路打機一路飲，返正咁夜除咗打機都冇嘢好做，班友又唔出現，依家又冇車走，今晚都係要喺度過埋夜，聽朝先返屋企。有酒飲又唔區呀，同Joyce吹陣水咪早啲喺梳化度瞓。

阿星攞起支啤酒，飲咗兩啖，見到Joyce 果支已經飲咗一半，使唔使咁急呀？都未開始傾偈就飲咁多。

查實阿星隱隱覺得Joyce 唔係嚟揾阿星飲酒，而係自己喺度飲，揾個人睇住佢飲啫。

阿星飲兩啖，Joyce 飲好多啖，好快，Joyce 手上面支啤酒已經飲哂。阿星見佢咁，都估到佢係心情唔好，而且想揾個人訴下苦，所以唔出聲，等佢飲完會有咩講。不過原來心情唔好，除咗可以飲完吐苦水之外，仲有一個選擇係整多支繼續飲。Joyce 飲完第一支，就起身返入厨房攞多幾支啤酒出嚟，開咗一支俾自己，然後又開多一支，唔理阿星支啤酒飲完未，就隊埋阿星度，夾硬要阿星接住。

「快啲飲！你飲得咁慢！」Joyce揸住自己支啤酒，一路催阿星快啲快啲。
阿星飲啤酒唔可以好似飲水咁，因為會飲到一肚水，一陣成睌起身疴尿就麻煩。咁但係開咗唔飲又好浪費嘅，一路同佢飲，睇下佢想點啦，Joyce 咁飲法應該好快會醉，都係睇住佢好啲，一陣佢劏都有人執手尾，不過梗係最好唔好劏，嘔落地氈阿星到時都唔知點幫佢洗。

喺Joyce 飲第4支啤酒嘅時候，阿星忍唔住都要開口叫佢停一停。

「喂喂，慢慢飲啦，阿星又唔會走咗去，有咩唔開心要講啦，自己一個飲悶酒冇意思喎，嚟，放低支酒，講俾阿星聽做咩唔開心好冇？」見你飲到咁，聽下你想講乜喇。

待續😬

之後借醉行兇！😬