阿星都算係一個斯文人，典解會咁嘅呢？星星同學會第56話～
那些年，星星同學會 第56話
心情唔好唔聽人講都係好正常嘅，Joyce好似冇聽到阿星講啲乜咁，繼續將支啤酒隊入口，大啖大啖咁一路隊落肚。
阿星睇到咁，唯有喺地下起身，行埋去Joyce度輕輕咁將佢手中揸住仲隊緊嘅啤酒樽逗一逗，慢慢由佢手中攞走。然後坐喺Joyce隔離同佢講：「不如你講俾阿星知，做咩唔開心，講完先再飲啦。」
Joyce望住阿星，呼吸非常之急速，胸口起伏，咁當然人地有著胸圍啦，你估個個都唔著嘅咩？正經啲，大家係正經人嚟嘅，而阿星亦都好正直。阿星望住佢，佢又望住阿星，大家喺度互望，望望下，阿星睇到啲嘢。唔係眼屎呀，你唔好咁掃慶好冇？
阿星望到嘅，係Joyce好似突然間雙眼有火，似係怒火，而且喺阿星終於明白Joyce果啲係怒火嘅時候，已經俾佢星咗一巴大大力。呢一巴，令到阿星暈頭轉向，完全冇辦法睇清楚究竟發生咩事。愕然之際，Joyce再一次發功，不過今次唔係打，頭先嘅一巴已經嚇咗阿星一跳，呢次Joyce突然伸出手一手扭住阿星嘅耳仔起勢咁扭，阿星痛起上嚟即刻縮，呢一縮，將兩個人都整到瞓咗喺地氈上面。
待續😬
