好呀！😬

星期五嘅第三回～


那些年，星星同學會 第57話

大家可能會諗，挑，咁舊嘅橋，我都有得出啦，阿星你啲故仔冇乜新意喎！俾阿星講埋先得㗎，唔好咁心急先啦。當你諗住撲向你嘅女仔有得食嘅時候，呢啲想法已經出賣咗你，令你變成一隻只用下半身思考嘅生物。阿星其實都唔好得幾多，不過話哂阿星同Joyce都咁熟，其實都好難擦出火花，所以阿星當時真係冇呢啲咁嘅諗頭，起碼果一刻冇啦。

阿星同Joyce 兩個瞓咗喺地氈上面，相信唔係瞓咗好耐，不過Joyce 非常之唔安份，直頭可以用“啷嚟”去形容，阿星瞓喺地氈度，Joyce伏喺阿星身上，一路打一路踢，好似想將所有嘅怒火都發洩哂喺阿星身上。喂喂喂，好痛喎，你停得未呀？屌！仲唔收手，阿星最後忍唔住痛，一手推開佢，然後鬧鬼佢：「痛呀死婆！叫你講俾阿星聽咩唔開心呀，唔係叫你發洩喺阿星身上呀！你黐撚線㗎！」對唔住，阿星查實平時好斯文嘅，除咗需要嘅時候會講粗口之外，平時係唔會講粗口嘅，但係呢個Joyce 真係欺人太甚，真係唔屌唔心息。

Joyce 俾阿星推開咗之後，攤咗喺地氈上面一路喊，喊到咩儀容都冇哂。你喊到咁嘅樣，阿星又唔係幾好意思再鬧落去喇。一個人喊苦喊忽喊到咁嘅貓樣，都總係有啲原因嘅。阿星行埋去，哄埋Joyce 度一路望住佢個喊樣一路問：「起身啦，阿星借個膊頭你喊！」

當然，講呢啲其實人哋喊到咁都未必聽到，就算聽到都未必會做。見你雙手遮住塊面喊到咁，阿星伸出雙手捉住佢兩邊膊頭，將佢拉返起身，然後輕輕攬住佢，用手輕拍佢個頭，一路話：「一陣喊完你好幫阿星洗乾淨返件衫呀，話哂件衫都新過。你啲鼻涕忍住呀，一陣流落阿星件衫度阿星成身鼻涕你就真係冇陰功。仲有呀，你頭先打咗阿星咁多下，好請阿星飲茶補返數添呀，啲點心一鎚計你一籠啦，大家均均真真，你咪諗住諗縮數呀，阿星記得你打咗幾多下㗎，嗱，呢度一下，呢度又有，呢度都有……………」

然後有人終於開聲。

待續😬

咁有冇計埋之後抽返幾多水！😬

飲返餐茶，食幾籠點心好啦，呢啲嘢有得補償已經好好，你知家陣超時返工冇ot補水仲要係應份㗎嘛，有餐茶飲下已經算係咁😬

咁幾時先可以？

要問下啲老闆幾時先可以有ot出喎😬

你唔係包架咩？😉

你話阿星包出定係阿星包ot呢？😬

包py吖嘛！😬

有包呢啲嘅咩？阿星唔知嘅？😬