睇來Grace一早對你有意思！😉

邊樹係呢，阿星成日覺得佢阻住哂就真😬

人哋對你有興趣吖嘛！😬

興乜鬼嘢趣吖，打機又唔叻，又要同阿星打街霸，真係激死星😬

人哋都唔係想同你打機，想打茄輪之嘛！ 😬

唔知點解阿星硬係睇到師兄話佢想同阿星打飛機，人老咗老眼昏花真係唔由得你。😬

定係你自己想咋！😬

既然星期四係更新嘅好日子，更新下先～


那些年，星星同學會 第64話

呢個係一個回憶，係第一次三個人去食晏，亦都係以後阿星班朋友約極都約唔到佢哋出街嘅原因。每次阿星去Man度玩，Joyce同Grace就會約阿星第二日去食晏；如果Grace返咗學，就會係Joyce用好惡嘅語氣同阿星講：「出去陪我食飯！」

有時真係唔知得罪咗Joyce啲乜，咁鬼晦氣，不過算啦，雖然佢晦晦氣氣咁，但係阿星硬係覺得佢對阿星都算幾好人事，去親食飯都留多啲嘢俾阿星食，而且大部份時間都係佢請阿星，阿星只能夠間中請佢一兩次，就算係阿星請嘅果日，佢都好似有啲唔中意咁，典解佢對字阿星會貢晦氣嘅呢？

有女仔請食飯係好，慳返好多錢㗎，不過阿星雖然窮，都未至於窮到請個女仔食飯都請唔起嘅，而且下下要女仔請又真係唔係幾好意思嘅。

然後有一次，Joyce問阿星除咗食飯，仲有啲咩地方去，阿星諗下諗下，就同佢話不如揾晚落D啦，逢星期二Equinox同星期三Hippodrome都有Chinese night，可以去其中一間玩下。

查實阿星唔多中意落D嘅，真係太嘈同太多唐人。不過都知呢啲日子有中國人之夜，好多唐人喺度，啲啤酒只用膠杯賣，而啲煙灰缸就換哂綠色膠嘅款。點解？咪就係因為唐人飲酒會打交生事囉，啲鬼佬鬼仔都係打拳腳交多，但係唐人就比較實際，會物盡其用，用啤酒杯同煙灰缸兜頭敲。

攞你命3000好似冇放埋煙灰缸同玻璃啤酒杯入去喎，之但係點解會冇嘅呢？

Joyce諗咗一陣，就叫阿星陪佢星期二去Equinox玩一晚，好啦，食下煙飲下啤酒都好嘅，唔係下下去食飯都有啲寡。

待續😬

咁係咪喺果度有突破？

阿星冇突，Joyce冇破😬