真希望慧今次能把握自己的幸福。期待續作。謝謝。

阿Mark星期嚟咖啡室一兩次，為咗保持咖啡室清靜，唔打擾仼何客人邊享受咖啡，邊做佢哋嘅嘢，我唔會主動走埋阿Mark度，陪佢傾偈。

直至有一次⋯⋯
「今晚方便出去飲杯嘢嘛？」
阿Mark點咖啡嘅時候，細聲問我。
我講咗咖啡室幾點閂門做回應。
嗰晚，我哋喺附近一間酒吧坐低，慣性咁沉默咗接近半分鐘。
「呢幾年好嘛？」
阿Mark首先破冰。
「唔算得係好，不過我都滿足，為咗囡囡，辛苦啲都要！」
「係喎，你仲要照顧囡囡，佢讀緊小三？」
「過埋暑假升中學喇！」

「哦，哈哈⋯⋯」
阿Mark一面尷尬。
「⋯⋯佢叫⋯⋯呀，係Tracy。」
幾年嚟，佢竟然忘記咗以前好喜歡嘅囡囡咁，佢攞起部手機，嘗試搵囡囡嘅電話號碼。

「佢轉咗電話號碼。」

[ 本帖最後由 Jindaoonline 於 2023-1-23 01:51 編輯 ]

囡囡上咗小學，我同佢換咗手機，改埋個英文名，避免再因為我而拖累佢俾幼稚園同學啲家長追查，或者被欺凌。

「升中學，大個女喇！」

「係呀，佢去咗嫲嫲度！」

咖啡室營業到夜晚，囡囡無可能一個人留喺屋企無人照顧，逼於無奈，平日佢都喺佢嫲嫲度住，到我放假先接佢返我屋企。

「你同先生一齊？」

「唔係呀，一直分開到而加！」

又一陣嘅沉默。

「歐洲好玩嘛，Leo話收到你明信片，話你喺阿拉斯加渡蜜月。」

「你仲有同Leo來往？」

阿Mark表現出有啲唔開心。

「無呀！早兩年佢返過嚟，見過一面！」

「淨係飲過一次咖啡！」

我怕自己講得唔清楚，又惹起誤會，即刻補充。

「哈哈，阿拉斯加喺美洲唔係喺歐洲，唉，唔係渡蜜月⋯⋯」

以為阿拉斯加喺歐洲，我有幾無知就可想而知，難怪「一點綠」堂年想將本地海灘呃我係歐洲嘅。

「呢幾年我四圍去，阿拉斯加之後，我係去過歐洲，最後去咗日本半年⋯⋯」

我靜靜喺度聽阿Mark呢幾年點過，佢話結婚無幾耐就向對方提出分開，以自我放逐方式去沉澱自己，想清楚未來路向，阿拉斯加係佢歷時兩年幾三年流浪旅程嘅第一站。

「Mark⋯⋯」

我聽完都好黯然，唔識得點安慰佢。

「無事啦，我終於受到感召，所以決定返嚟！」

「Mark，你喺外邊咁耐，成熟咗好多，仲留埋鬚添！」

阿Mark留啲鬚除咗唔係灰白色，其他睇落極似木谷，當然木谷無佢咁俊朗，一直以嚟佢未見過木谷，理應唔會模仿佢。

「我留咗鬚八、九個月喇，一開始就鐘意呢個做型，而加只係定時修剪吓。」

阿Mark每星期嚟咖啡室嘅次數多咗，喜歡接近收舖時候上嚟，做我最後一個顧客。

喺唔騷擾到其他客人嘅情況下，我哋會傾吓閒偈，佢好似熟悉營商之道，提出咗好多做生意嘅意見，不過佢更有興趣係同我講番我嘅往事。

做完我嘅客人，埋完單，就幫我手，清潔，整理好咖啡室嘅設備同枱椅，準備第二朝營業，然後一齊離開，雖然同佢再無再同我喺其他地方見面，但係我哋之間嘅心靈，隨住多次嘅相處，已經非常接近，我相信佢約會我係遲早嘅事，我等待佢。

[ 本帖最後由 Jindaoonline 於 2023-1-23 02:02 編輯 ]

直至一晚。

「食咩蛋糕？我請客！」

我指住玻璃櫃裡面，剩番未賣出去嗰三幾件切餅。

「咁破費？！」

「隔咗夜，唔賣得俾客！」

我好多時都隨心請嚟飲咖啡嘅客人食蛋糕，當係公關工作，但係今次係𠱁阿Mark開心。

「咩呀，你當我係垃圾桶，哈哈！」

所有客人走晒，剩得佢一個，佢放肆同我講笑，舉起手，作狀要打我。

「哈哈⋯⋯」

我走開閃避，但係最終俾佢從後攬住，係分開之後嘅第一次身體接觸。

雖然話分開咗，畢竟我哋曾經經歷過患難，亦相愛過。

嗰晚收拾好鋪頭，我哋無分頭離開返屋企，佢唔需要開口，好自然咁就手拖住手。

「返你舊居睇吓！」

我舊居？咪即係佢舊居囉，不過已經人去樓空，佢個單位賣咗，老公個單位再唔知佢黑處理喇！

佢無言無聲慢慢行，我雙手繞住佢手臂，將頭挨貼佢膊頭，乖乖跟住佢，間唔中互相對望，微笑一吓。

喺我哋住過嗰座大廈兜咗一圈，就好自然行咗去街坊熟悉不過嘅林蔭小徑，呢度係區內出名嘅情人幽會地方，沿途設置喊好多俾樹叢遮蔽長椅，係情侶嘅散步嘅熱點。

阿Mark對呢度應該好熟悉，不過離開得太耐，對一切似認識，但又似好陌生，莫非佢未帶過女朋友嚟過呢度。

佢之前好妒忌Leo，但係今次就有意無意提起佢。

喺呢度我想番起以前好多同Leo嘅舊事，每逢老公唔喺度，晚飯之後，阿Mark佢幫我看管住囡囡之際，我同Leo就製造機會單獨相處，以倒垃圾之名，成日行嚟呢個地方。

我哋亦都係喺呢度第一次接吻，而且接吻嘅時間越嚟越長，阿Mark替我照顧住囡囡嘅時間亦越嚟越耐。

Leo好快唔滿足只係舌頭交纏，佢隻手開始唔規矩，喺樹遮擋之下，邊錫邊愛撫我。

喺邊一晚，邊一棵樹下面，佢除我衫，錫我身體，我一一仲記得。

嗰陣時，怕俾人撞見，怕俾人聽到蝕骨嘅呻吟，但唔想佢停止嗰種刺激。

我從來唔會向阿Mark講我同Leo嚟呢一度，相反，我向木谷提及過。

[ 本帖最後由 Jindaoonline 於 2023-1-23 02:19 編輯 ]

阿Mark攬住我膊頭，行入一個完全無路燈嘅樹叢，係我同佢嘅第一次嚟呢度，但係我無可能估唔到阿Mark帶我嚟呢度嘅目的。

歲月令佢成熟，本來跳紥紮嘅大男仔性格收斂晒，換轉一股成熟男人嘅韻味，對我呵護溫柔，照顧有加，感覺年紀比我大好多。

一舉手，一投足都令女性懾服，加上我長年孤獨寂寞，渴望有一啲慰藉。

「慧，我捨棄過你，你對我失望可以理解，但係最低限度，我希望你能夠原諒我，所以返嚟睇你！」
一面行，佢一面同我講。

佢對我一齊嗰時，講過嘅情話，雖然唔算得係乜嘢山盟海誓，但都烙印喺我心。

我從來無埋怨過佢離開我，一直以嚟，佢對我好，默默忍受住我同Leo，Leonard嘅戀情，甚到經過木谷嘅摧殘，對我都不捨不棄，只係我一次又一次令佢失望。

阿Mark而加接受番我，我好生感動。

「只要有一刻你真愛過我，我就滿足！」

我停低咗落嚟，喺黑暗中抬高頭望住佢。