引用:
原帖由 天剎沽星 於 16/3/2023 16:37 發表
佢想係拍拖o個種..
所以唔想教呢D
拍拖好吖,阿星又多樹講下先,真係唔開工唔知咁多嘢做,一開工就做到坐咗响度,幾日都上唔到嚟。
其實揾個三觀肆正嘅女仔係首要條件啦,不過唔深入認識又真係未必知道佢嘅價值觀同你有幾咁唔同。
咁唯有爽爽快快走埋去同佢傾下偈,勾起佢嘅好奇心,等佢忍唔住,喺未離别嘅時候就已經為咗想同你再一次見面而主動抄你牌或者同你攞電話自己打佢個號碼入去叫你一定要揾佢之類,呢個係上策。
次一等嘅,係講到咁上下你自己話走,佢會提出下次幾時見面,叫你約佢,等你問佢攞電話,呢個係中策。
最壞嘅情況,係未講到最後,佢自己話要走,你想攞電話,佢有意無意又俾又唔俾咁,呢個情況,你已經入咗佢個格局,再冇轉彎嘅餘地,只能夠俾佢勾住嚟走,佢話要食飯就食飯,你食麵就肯定俾佢大巴大巴咁星到滿天星斗喇,呢個係下策。
三個策略嘅大前提係,個女仔由對你好有興趣到最尾只係稍稍有興趣。問題嚟喇,點樣先可以令到個女仔對你好有興趣呢?有冇聽過洋蔥理論?一個男人嘅內涵,就要好似剝洋蔥咁,一層又一層,每打開一層,都令到人有唔同嘅感受;每睇到一層嘅內涵,都令到人驚嘆;每聽到一層嘅見識,都令到人不得不佩服,呢啲咁樣嘅男人先至令人欲罷不能。
男人最忌係咩?就係叻唔切,乜都攞晒出嚟講俾人知。好似阿星咁,識得倒屎呢啲唔係人人都識嘅技能,就梗係唔會周街講俾人知啦。
真人不露相,阿星喺家長會入面識到一位家長,係一位排舞師,你可能會話阿星:唏,曉排舞有幾咁出奇呢?排舞師喺香港可能都唔出奇嘅,但係係一位遺體修復師,相信就未必咁多人會識啦。呢位爸爸阿星同佢傾咗一輪,原來遺體修復先係佢正職,搞到阿星真係好好奇,佢嘅工作究竟係點樣修復遺體,點解同點樣入行呢。
阿星約咗佢做訪問,佢亦一口答應,希望可以將佢嘅故事寫出嚟,作為一個人嘅故事,一個父親嘅故事,一個令人敬佩嘅故事同大家分享。
呢位爸爸,咪就係一個洋蔥囉,一層又一層,充滿味道。😬