引用:
原帖由 dragonbone 於 18/3/2023 11:40 發表
哈哈,師兄,我無咁神,只係我唔識推人,人地問我拎,我會俾,我問人攞,都好似未試過唔得。
我都認同人分深淺內外既層次,只有越了解,才會越有趣,咁樣,先知呢個人有無令人回味既地方。 ...
哈哈,龍師兄你剩係第一步有人問你拎電話號碼已經唔容易啦,好多男士只能夠喺煩惱點樣攞女仔電話呢個位置度打轉,而且諗住攞咗個女仔電話就已經成功咗,其實攞到電話又如何呢?你短訊佢唔答甚至已讀不回,打俾佢唔聽電話又或者三兩下耍你走收線咪都係得物無所用囉。
抄牌並非成功,因為要自己去抄,真係冇乜用。不過都講下點樣可以令到女仔會俾個電話號碼你,仲係親自用手打自己個電話號碼入你手機度。
大家有冇試過同人握手呢?阿星嘅意思係,有冇記憶究竟對方伸出手俾你,你係點樣同對方握手嘅呢?答案就係,當對方伸出手,你就會好自然咁喺見到對方嘅手伸出就會好順暢咁都伸出手去同對方相握。呢個現象睇落好似好自然,但係其實大家有冇諗過,點解對方伸出手,你就會跟住伸出手呢?原來人喺好多時,都有呢啲自動波嘅行為,就好似人地伸出手同你握手,你就會好自動自覺咁都會伸出手去同佢握手咁。
咁如果伸出手嘅人喺你跟住伸出手準備同佢握手嘅一刻突然間轉方向,將佢嘅手喺你未握到佢之前就走去第二度,例如去搲鼻哥又或者搲屎忽呢?咁你伸出嘅手冇握到對方嘅手去完成握手嘅動作而停留喺半空,你點算?果一刻,你會腦袋一片空白,一時之間唔知點做,而人腦有一個好特別嘅設計,就係當有呢啲你預計要自動波去做嘅事情出現三次出乎意料之外嘅突發情況嘅時候,大腦係會突然之間當機,喺第四次再輸入指令嘅時候,係會自動跟從,聽教聽話嘅。你話如果呢個時候,塞部手機俾個女仔,用命令嘅語氣同佢講:「將你個電話號碼打入去,快!」嘅話,個女仔會點呢?
攞手機號碼真係非常之容易,不過攞咗咁又點呢?正如之前龍師兄都同意嘅剝洋蔥理論,冇內涵,都或者呃到蝦條食嘅,不過一嚟呃到都食唔到,就算食到都係食啲唔多食得落嘅嘢。咁其實都啱嘅,等佢哋掃下個場,啲高質嘅人先至會出現嘛。
好似龍師兄咁樣高質而食好西嘅人,就梗係人地同你抄牌,唔使自己郁手,不過阿星都係講下,因為識做嘅已經做咗,唔識嘅就點都唔識。😬