引用:
原帖由 star_platina 於 2023-3-29 21:55 發表
呢啲斯德哥爾摩症候群患者其實真係冇乜好講,對佢哋嚟講呢啲先係天經地義嘅事,所以正常人佢哋反而睇唔起,而且去到一個地步係非君不嫁或者非卿不娶等等嘅扭曲情緒。
最大嘅問題係只要佢一日唔覺得有問題,就永遠唔會有問 ...
係讀書既時候,我男女性既朋友比例係50/50,我自問都算係百搭,男女都可以好好傾,而讀書時既生活就好簡單,學業外就係玩,所以好多時男或女有感情問題,又唔知點解好鐘意搵我傾,所以中學既我都好鬼專家架,但其實我本身唔係好有拍拖經驗喎,而我見好多情況就係師兄講果種,2個人拍拖,1方悶左,另一方唔捨,悶左果個再衰,唔捨得果個都會遷就,我看在眼裡就火滾,咁當然我又做唔到D咩呢。
但久而久之我就明,其實衰格先果一方可以衰,某程度係唔捨得果個製造出黎,而唔捨得果個仲會合理化成件事添。
記得以前既我會好激氣,而家....... 唔會了。
其實小弟都俾人飛過,更做過唔捨得果個,係後黎個老友扶番我起身,我先知,幾時都要將自己做得好做得足,先對得住自己又睇得起自己。