引用:
原帖由 羅湖之友 於 2023-4-28 05:39 發表 
尋晚放我飛劍位淫兄話今晚請我揼骨當補償😂想叫我上黎陪玩者，補償都係借口🤭又被魔鬼誘惑左上去😂雨蒙蒙情況下原來都無阻師兄們北上決心，都幾多人
本身揀左飲符水，但唔知係咪最緊玩既幾好服務，去符水呢D老牌機場感覺無 ...
星期六同埋幾個朋友一齊坐火車返上去，人頭湧湧，不過過關時間都唔算好耐，過關後直接打的去朋友間公司，因為佢仲有個會要開，開完先一齊LUNCH🙈
去到佢公司樓下，吊啊，棟野靚到好似去左金鐘，中環咁，保安又嚴，無登記都唔比上去，上到去老闆親自出門迎接我地，咁多年無見緊係抱下或搭下膊頭啦🤣以前羅湖五虎終於可以一聚🍻老闆仲未開完會，叫我地入佢間房坐住等，叫左個靚女入黎斟茶遞水🤤
老闆間房大得可憐，有酒吧台，又可以玩哥爾夫球，仲有得掟標，又有張品茶枱，間房大過我屋企😅證明佢呢幾年真係好努力，而家先有咁既成果👍佢間寫字樓月租30萬😅
無幾耐老闆開完會，帶我地去附近食中式菜，間野好高檔，不過味道我覺得一般，感覺比較清淡，食飽老闆就搶埋單🤣之後帶我地四周行下，感覺佢呢邊環境好高尚，一D都無羅湖，福田果種FEEL，行街街既女女都好正，打扮又新潮🤤今次一行可以話擴闊左視野，而家既大陸真係唔同晒！
行完一輪又攰攰地，但又未到晚飯時間，老闆話上公司坐，傾下計，傾到5點幾老闆就車我地去食飯，原來老闆已經訂左房同我地食海鮮😋😋果度係老闆既食堂，除左留左房仲攞左兩支珍藏XO，睇怕都要係深圳過夜🥲
老闆前晚已經落定海鮮ORDER，所以好快就食得，大陸呢D地方飲酒好得意，會有個壺仔比你，每人平均分配好份量，所以想偷雞飲少D都唔得😭一路食，老闆就一路劈我地🥲海鮮都未食完，兩大支XO已經飲完，好純，真係靚酒🤣呢餐海鮮食左萬2蚊人仔未計兩支XO，當然又係老闆找數，我都無袋咁多人仔上黎🙈
[
本帖最後由 羅湖之友 於 2023-5-1 06:22 編輯 ]
