樓主好跟潮流走, 今期玩突然喺度諗系列...

題外話, 想問問樓主用乜嘢 software 改圖成漫畫 look 呢 ? 見效果唔差.

阿星突然喺度諗，如果阿星又係咁多問題，又係一個處男，又係寫咁多故仔，可以同果位樓主搞返篤“孖住處男齊奔走”都得。今日阿星都係處，到夜晚之前都應該都仲係，有得諗。

AI MIRROR真係好好㗎，你都快啲試下啦😬

星師兄孖處男玩雙打又好, 玩單打都好, 應該幾好成績.. 原來處係可以廿四小時計一次數, 噢....不.....


AI MIRROR真係好好㗎，你都快啲試下啦😬 句子運用出神入化, 仲加入鏡仔咁 hit 嘅元素, get it, get it ...

吓，乜唔係段日計嘅咩？咁阿星啲處男演技咪嘥晒？

呢句咁深入民心，查實阿星想用嘺講好耐，不過真係冇機會咁解😬

咦，原來星期一囉喎，更新下先～


那些年，星星同學會 第112話

打後嘅日子，阿星的起心肝同Grace拍拖，Joyce再冇返英國，喺Man同Grace口入面亦都問唔到啲乜。Man未必知阿星同Joyce嘅嘢，而Grace，阿星相信佢係就算知都唔會講。

日子一路咁過，啲人成日講：『呢個世界冇話冇咗邊個唔得』係真嘅。Grace成日會嚟阿星度過夜，老竇大媽細媽連阿星個歲零嘅姪仔都已經同佢熟到唔熟。屋企人都認定佢係阿星嘅女朋友，阿星亦都冇否認，反正阿星單身，而且Grace亦都對阿星無微不至，女朋友feel到爆。

初初以為Grace好隨便，點知原來佢第一次就同阿星，佢玩到好似依家啲娘娘咁，俾隻手你摸下，等你期待下，而阿星呢，只係諗住你咁多人圍住，都唔輪到阿星啦，咪索性唔埋佢，串下佢，等啲兵嚟呵佢囉，點知咁先賴屎。人就係咁，人地叫你唔好，你就偏要做，犯賤。

Grace佢哋屋企有錢，而且佢讀書叻，又靚，身材正，人品又好；阿星呢，讀唔成書，遊手好閒，屋企又冇錢，又冇乜專長，有時諗下如果真係結婚，點養佢呢？係㗎，阿星真係有諗過同佢結婚㗎，因為成長背景，阿星好想快啲結婚離開呢個家。當然，世事冇咁“玩尾”好快阿星就知道發生咩事。

待續😬

咁快諗到咁長遠！😬

快啲完咗阿星嘅故事，唔好咩😬

咁都好！😬

完咗，阿星可以收工收皮同收埋，以後睇故仔食花生😬

唔係有新故仔咩？😬