星期二 ~~ 無思分享
6月,有好多心儀既電影會上,其一,當然就係Flash,但吸引既唔係男主角,而係Flash,係,係有分別架下,即個角色吸引。
人既能力越多專長當然越吸引,如果唔係呢?要揀一兩樣又會係咩呢?其實快,就真係方便架。
而且仲有久違了由Michael做回廿年前的蝙蝠俠,當然仲有呢一代大大舊果位,同埋電影係唔係從來未出現過既Super Girl呢?
真心平行宇宙玩得好,係可以好好玩,試問有無想過,宇宙會有另一個自己,以同一能耐,但比自己活得成功或更精彩呢?如果係,都可能會想認識一下。
再黎既輕鬆點,近日睇了Ghosted,一套我覺得搞笑愛情特工劇,以唔太認真既心情去睇,係一流,當中有咩人?主要我係睇美隊,即係Chris Evans,唔再大隻既佢都一樣有型,仲有性感女星Ana,加上客串既有美隊2號同寒冬戰士,同埋.....Deadpool中既Ryan,整體OK,戲中簡單就係一個普通既男人愛上了身手不凡的女特工,喂喂,男人生活從此不一樣,如果現實有機會會咁,唔知大家又想唔想呢?其實都真係幾有趣架喎,HAHA......