引用:
原帖由 licklickson 於 27/6/2023 18:55 發表
點解咁講?
好簡單,識一個女仔,大部份男人都係以上床為最終目標係咪?
俾你同佢上到床喇,床上面嘅真面目一定會表露無遺。你唔係話俾阿星知你係床上君子啩?
好喇,床上翻雲覆雨之後,個女仔仲唔知道晒你係一條死鹹濕佬,阿星會切…………個西餅你食。
佢知道你床上面對住佢四圍摸,心諗會唔會你喺公司都會四圍摸呢?又,有關係嘅男女或多或少都有啲蛛絲馬跡俾人睇到,你喺公司做咩都好,一定會有人留意到。
除非呢位女同事係同你冇任何工作關係,如果有工作關係,女人好中意借啲意同你接觸,想見多啲你;而如果你係管理層,對方係你嘅下屬嘅話,仰慕嘅態度就會呼之欲出。但係久而久之見慣你床上面對佢多手多腳多小星星,就會對你嘅神格有所懷疑,因為你返工一個樣,床上一個樣,女人會覺得你虛假。
再講,如果你下屬做錯嘢,你會唔會鬧?如果個下屬係你嘅情人,你鬧唔鬧得落?唔鬧點服衆?鬧咗返去罰脆頂痰罐。
太多論點不能盡錄,你話係咪喺度揾食千祈唔好喺度揾食呢?😬