引用:
原帖由 一夜狂歡 於 2023-8-15 08:06 發表
張太驚訝回應話:唔係掛,你咁做得嘢都會俾人炒?咁其他人呢?我無奈地話:人有三衰六旺,呢樣嘢唔到你話事,唯有聽天尤命。張太問我點解咁冇信心,我話:主要原因係同新嚟阿頭唔係好夾,佢仲搵咗個新人嚟頂我個位,變咗我多咗出嚟,我個部門 ...
我唔會因為張太喺我面前爆粗而唔自在,反而仲開心,因為佢係幫緊我,我鍾意佢嘅爽朗,毫不掩飾,諗咗一陣佢繼續話:若然你真係咁唔好彩俾人炒咗,或者冇癮唔想再做落去嘅話,不妨考慮下過嚟幫我手,橫掂我地仲請緊人,你瓣數同我地相近而且有經驗,好易上手。直腸直肚嘅張太俾咗個咁好offer我,唔知點多謝佢先好,呢次封晒餂本門嘞,不過諗緊如果遲啲真係俾人炒,咁最少出多個月糧,自動辭職就乜都冇,醒目嘅張太話:放心啦,我唔會待薄你嘅,就照依家幾多人工加多10%俾你,加埋其他福利,肯定好過你依家。我回應話:多謝張太你咁睇得起我,不過…. 未講完張太截住我話:唔駛急!你慢慢考慮清楚先啦,有興趣嘅話隨時俾個電話我,我循例會約你上我公司做個interview,咁就成事㗎喇,為咗拉近同張太距離,我話:張太你以後叫我林仔得㗎喇,唔駛開口埋口叫我林生咁見外。張太收到話:林仔吖嘛,得嘞,最後同你講,記得返去同我吊爆條攔攤佢,知道冇,係咁先啦,拜拜!