HAHA，所以女生唔同時期追求既野都唔同。
大家都後生既，要既唔係安穩，而且衝衝衝，要新鮮要變化，我後生，真係想我定定地都幾難，係而家，好多選擇都做左，人大左，先會叫心態都改變，而呢種改變，以前唔覺，而家先知，原來都對好多女生黎講，又係賣點。
即另一個層次既女生都鐘意穩定生活，成熟思想既男人，咁呢個時期既女生，追求既野又會好唔同，而我覺得呢種女生展現果種美又會好唔同，即真係會覺得，後生既靚，係靚，但未必吸引得過輕熟女既美，半熟女既女人味，佢地散發出黎既感覺都好吸引人。

最近因為私人事務，都接觸唔同既女性，真架喎，邊隻type吸引自己，我會交由感覺決定。
唔知師兄有無睇我之前講既出租單位，遇上3種唔同女性，我覺得已經唔錯，而近日嘛.......

因為工作關係，認識了一位會計師，聽電話時把聲幾好聽，但心想呢D可能都係阿姐級保守又老老土土，只係把聲好聽果隻，點知見時佢應該30出頭左右，黑背心窄牛黎同我傾約，我即時心諗乜咁時尚既喂，HAHA........ 唔好誤會佢要撩我開單，會計師係唔需要做呢D野。


之後走時係街度俾個公益機構既後生女做問卷調查，佢問到口窒窒，佢同事就行埋黎講佢第一次，叫我俾個機會佢，我見傾完約有時間就無咩所謂，點知好搞笑，走時個後生女問我可唔可以同佢影相，佢講想做個紀念，講真，我估成熟D既女人一定唔會咁講，感覺係後生女先會大無畏，其實都幾搞笑。


我覺得唔同年紀既女生吸引地方都唔同，當然我知佢地要求男人既層次分別更加大，呢個係我幾時都感興趣既課題，而師兄講得啱，我都鐘意打機，但而家既我，都會忙完正經事先，HAHA........

有無咁忙啊..................陰公。
好好，我過黎下，HAHA.......

無思分享 -- 賣旗。

我估買旗大家試得多，講緊既係，星期六時總會有學生係街，又或地鐵站口賣旗，你會選擇走開?定還是幫忙呢?我好多時都會簡單望一下係咩機構跟住好爽快就會買。
今時今日，賣旗都已經同以前幾唔同，小朋友再細一D既小學生，幼稚園學生都已經有，咁陪佢一齊既媽媽就會旁邊"磅"住一齊賣，佢地一個拎放錢既袋，一個手拎住個旗去準備貼你心口。
有時佢地開心，仲會問可唔可以一齊影相，嘩，咁有時真係單純想買枝旗，但見到個小朋友既媽媽又後生又靚，都真係好開心架。

話說終於輪到我，我講緊既係，終於到我陪小朋友一齊去賣旗，好有趣好好玩既係，你企唔同既地方，佢地既消費力都好唔一樣，我試過去一個較多外國人住既地方賣，佢地真係簡單都會$10,$20咁樣買一枝旗，咁當然知道佢地係好心啦，佢地又爽疏又多靚女睇既情況下其實呢個活動又幾唔錯，HAHA...... 記得有一位小姐，真係幾靚，OL黎既，正當佢一出口門，我同小朋友就趕果去，嘩，佢居然俾$100啊，我同小朋友當然好開心，正當我諗緊係唔係應該將枝旗貼佢心口時，小朋友好快就拎左枝旗貼落佢度。

其實賣旗好多時係幫D有需要既人，大家記得盡下人事啦~~~~

返去有冇鬧佢，衰仔同老豆爭食！😬

HAHA......唔會，我小朋友係女仔黎。

咁仲衰，咁都唔益老豆！😬

dragonbone師兄嘅經歷真係令小弟嚮往⋯⋯

HAHA....... 師兄，要食都唔會揀呢D機會啦，係咪先?
男人要食，我覺得要識睇場合，揀對方，仲有氣氛，其中一樣唔夾都唔好勉強。

大家男人我都唔謙，其實我呢D真係算唔上什麼大不了，而且我發現港男今時今日都真係仲好有市場。
搞笑既係近排返國內工作，同老友食飯聚會，旁邊枱幾個女生不時望埋黎，我都不以為然，係老友同我講，而家國內女生好鐘意D男人識講廣東話，我講笑，乜咁簡單架咩?咁佢當然補充講個樣要似番個正常人啦，咁我地眼耳口鼻都齊既，HAHA.....

師兄，我真係小菜一碟，早幾日先俾師妹講我唔了解女人啊，HAHA......事實，女人，我仍然虛心了解中。

好耐冇上黎。。大家好嘛