幾場看法接近。

第四場四班一千，加非凡試好前速縮程夠爆，超額認購上仗好，疑問是失準，感覺是跑心情同形勢，與騎師無關，跑出水準就前列。快如龍上仗亦衝得勁，進步中之馬亦夠爭勝。

第八場三班千二，美麗邂逅不似在進步期，雙重加磅就不管誰騎都放棄，好處是與好友心得鬥放增加同歸於盡機會。電玩精英劣檔變好檔，夠贏了，目前大熱。旋風飛影近戰復起不少連田草都近，前列馬。保險腳取回閃電，上仗嫌跟得太前，今仍有好檔，磅位此起彼落下仍有機

另外第三場四班千六，極速奇兵前置馬田草輸近轉谷草而檔位可以，已夠贏，稍「失望」是已經大熱。路路爽亦是田轉谷，亦是越來越近，檔位則稍差，但亦有機入二疊，賠率吸引，值博。金發銀發有實力但似等跑千四，皇者驕傲、都靈勇士及成才近績相當接近，似乎檔位會定勝負，故保險腳取成才。


第六場四班千二，超好運另一匹姚廄田草輸近轉谷草之馬，上仗一度突圍後負於強手，此組無同等對手，夠速度排七檔無礙切入，跑出上仗水準應勝，馬膽。配腳取金哥兒、勇創派對及真感，前兩駒此班同程有根據，真感上仗贏同班回四班，健康養回，狀態巔峰，路短亦可能夠爆一段。

星期日主力國際賽四場 其他場次根本睇都無睇一眼
第四場香港瓶哩半 都係外隊天下 最早嚟香港嘅大帝操練心律不正被迫退出得返九隻 古摩軍團今年派四隻一場一隻 呢隻熱心已經證明遠征能力 上場BC馬女草地輸俾旋進軌跡只因Frankie跑得太好非戰之罪 北三馬女分齢讓磅只孭117磅就算莫雅超兩磅都係119磅非常有利 一檔更有利用均速跟前跑優勢 首選 日本隊無左大帝都有三隻 其中兩隻上場都係拉哥贏 反而呢場傾向換連達文嘅輕風飛 偏向遲熟所以無跑三冠系列 但已經一再證明喺哩半有競爭力 今年跑七場但中間成個暑假係休息 下半年只跑兩場 社台集團呢件黃黑直間綵衣今次派佢同先見嚟香港跑似有備而來 至於拉哥揀騎嘅生活格調要彈就係第一次面對年長馬仲要係遠征 預唔會有分頭索性三重彩加佢就算

[ 本帖最後由 KIRIN688 於 2023-12-7 21:18 編輯 ]

第五場香港短途錦標跑千二 金鑽貴人上年輸呢場就塞車 今年得十隻跑 有兩隻快馬維港智能同日本隊隻加市冠冕 當然想步速有咁快拉咁快 不過隻馬依家跑千二似乎係慢腳 同埋部署上有啲為獎金就跑 唔否定有三甲機會但要贏唔敢太樂觀 其他主隊馬更不用講 尤其福逸 上場馬會短途只可講恰如其分 本來搵莫雅但古摩唔放人 至多三三四四 扒下冷先要幾忠心嘅喜菲皇女 跑法上中置後追都得 雖然歐洲短途水準係唔高但香港依家水準已經無先前神仙壟斷嗰陣咁勁 9檔就要睇維港同加市係咪會互燒 古摩嘅教化寓言勝出率極低 似係嚟盡跑爭下獎金 反而日本另一隻消暑樂祭勝在跑法機動 本身體重超過1150磅夠哂噸位 最重要係鞍上人換更硬淨嘅杜滿樂 以過往咁多年國際賽A欄利出面衝 唔排除呢隻馬有入位機會

[ 本帖最後由 KIRIN688 於 2023-12-8 16:55 編輯 ]

第七場香港一哩錦標肯定係四場之中最亂嘅一場 主隊馬王金鎗六十季內初出整個14檔而再大一年 戰力仲會有幾多？另一邊加州星球雖然換蘇銘倫但跑法俾其他對家睇哂 換唔換走蔡仔似乎分別不大 兩隻美麗系上場馬會一哩大戰一場隨時兩敗俱傷 好話唔好聽外隊整個4:0都唔奇 歐洲隊兩隻賽績一般 而新加坡馬王林家準將只因係最後一次有馬過嚟國際賽志在參與 反而日本大軍今場出五隻 信心方面似乎比上年強好多 稍為下風就係棒球大魔神佐佐木主浩名下嘅神姫 雖說跑法機動但今年贏G2係馬女賽 最有可能招呼加州星球應該係佢 野田小子第三次嚟但今次跑一哩 馬有質但北村友一始終俾唔到信心 頂盡四五名爭下獎金 餘下三隻日軍首選匯兩川 一哩冠軍錦標臨場換藤岡康太都照贏可見實力 雖然體重唔足一千磅但身形睇唔出 蘿蔔會搵得布宜學肯定唔係陪襯 嗰場第二繼續拉哥騎嘅神志勇進似佬受惠一檔慳哂先入Q 整個11檔際遇必然同支鎗一樣被動 反而嗰場三甲不入嘅秀逸小島更要留神 川田嗰場跑法同上年連達文一條直路殺哂天淵之別毫無誠意但都係最後一百先力弱唔算差 呢次個四檔好跑得多 Q選

[ 本帖最後由 KIRIN688 於 2023-12-9 16:00 編輯 ]

最高榮譽香港杯二千米主隊都係得浪漫勇士可以抗衡但覺士盾幾經辛苦先贏 得六星期時間回氣到底係咪夠唔知 投注立場頂多四重彩呢啲會拖 古摩派盧森堡出戰計級數當然高但之前英國冠軍錦標有少傷無跑就嚟香港 本來有賺體力優勢但整個10檔算有啲難跑 希望靠級數搭夠 日本隊三隻前年香港杯第二嘅滂薄無比再大一歲 今年雖然再贏中山記念但之後表現普通 今場個二檔又拉哥騎返睇幫到幾多但無冠軍相 另一隻喺女皇杯跑過嘅先見同川田相當合拍 係上場天秋對著怪獸春秋分當然無得跑 有左次沙田經驗走位上應該可以更好 而SUNDAY RACING今年都有三隻出 呢隻利森名園絕對係暗牌馬 贏完9月產經賞一心等呢場香港杯目標明確 換上連達文雖然執最外檔但換嚟分頭 先見要贏呢場係要過自己友嗰關

[ 本帖最後由 KIRIN688 於 2023-12-9 19:03 編輯 ]

尾場一度想出帖簡單揀驕陽明駒、增有及神虎龍駒，但開飛已熱到不合理，神仙前面亦全軍覆沒，不如觀賞，可謂慳返。增有有得衝而不勁，始終要跑較長路程。我亦看輕了舞林密碼，今日頗有進步。

至於今日大賽，瓶賽較可賭，你說的熱心及輕風飛，加上真強，可算賽績較好而且互串仍有分頭，結果開較冷門一對。熱心今日表現不似預期。雷神不揀輕風飛，可能看將來，實際年幼未夠級數。


其他三場本地馬王全勝。短途馬雖無早季之壓倒性但仍最強，金鑽貴人賠率合理地反映穩陣程度，贏馬姿態與預期差不多，幸運有您入Q則出奇，而且啡燈，維港智能再次失望，消暑樂祭似乎遠征未跑出水準。另外金鑽貴人賽後報告氣管多血，下次小心。


金鎗六十蓄銳免次仗併發症，結果跑出原有水準，暫未退步，今日利外疊衝加上慢步速，14檔反成為助力，下次能否維持就難料，屢見馬王由次仗起退化。遨遊氣泡一有慢步速就表現不同，難中。加州星球不力守放頭位置最終大敗，跑法有疑問，亦可能因前仗一拼提前退化。


浪漫勇士遠征歸來不久，今次變相另一次遠征，頭千七與過去無異，尾三百就明顯減弱，但確實鬥心好，結果狀態不足仍贏到。下次董事盃浪漫勇士可能再挑戰金鎗六十，彼此非十足下拼搏後能否維持水準是疑問，其他馬可能是最佳偷雞機會。盧森堡入Q最正路，只是面對眾多變數亦派不夠一百，先見其實亦有機會贏，但日本騎師低一截。

古摩今年算俾面大機構 呢隻盧森堡之前係睇少左佢 轉彎踩一段 返到嚟再爆一程 呢啲真係級數 可惜之後應該未必再嚟
國際賽後嘅星期三晚都係海軍鬥水兵 第三場喺五班前後三W嘅揚威四方fit得交關 上四班輕磅跑首本路程坐二望一 對手之中上場爆左劑嘅建測羣英今場個十檔應該無上次咁好形勢 除非放頭自造步速 但同場又有跑法相近但求快活同龍船快 所以再追多次大登殿 上場算有塞車籍口雖然未必贏到但肯定再近啲 跑返千八應該啱路程
第八場論文退出浪漫老撾補入嚟又有餐士 同馬房有忠誠駒轉倉初出估計負責開路 始終都係呢個路程首本不得不揀 鴻兄上場提過嘅機緣醉夢逐漸上力 嗰場阻完撲返上嚟第四幾肯追馬 要彈就係9檔唔知點搞 如果涼瓜肯留住衝一段應有計 馬房要爭取成績必砌
尾場無時間打 有財有勢搭合夥雄心呢條Q預左會熱都要過關

[ 本帖最後由 KIRIN688 於 2023-12-12 21:15 編輯 ]

這場有暗湧。建測羣英上次賺形勢贏馬，但可以再用上季420場次看，評分及檔位較接近今次，早段夠快入二疊，彎位出三疊加速上前追趕超班頭馬精彩生活，一度進佔第二位，但過早發力及蝕位而補不住亞軍，今次由當時水平較弱的鍾易禮換上周俊樂，一定發揮更好，若能攝入二疊仍是前列份子。飛馬將軍有班底，上仗檔差蝕位而與建測羣英接近，今次檔位形勢相反則有力反先，兩馬機會接近。梁家俊棄騎龍船快，上仗第四，季初田草千六外檔放頭輸不足一馬位入位則不俗，今次欠前領馬有權單騎放領複製該仗形勢，機會馬。聰明導彈上仗降班稍近，未似夠，但回到谷草由十磅仔回配贏馬配搭，若再回起則有力爭勝。揚威四方當起，但始終贏弱旅升班，仍感有機會又非全面看好，類似的極速滿貫上四班未能有作為。大登殿僅十八個月前入Q一次，往往受形勢所限，加上年紀不輕慢慢退步，上次輸完要斬倉。明天再揀。

建測羣英又贏 但再加分應該差唔多到頂

星期日集中四場短途賽
第三場四班直路賽龍蛇混雜 未上陣過新馬有五隻 睇試閘嚟講錶系八百幾萬拍賣馬手機錶霸算比較有好感 幾個閘何堯都教留住衝 今場個一檔易走生位 而本身個種又早熟 首選 Q方面本來考慮萬事快但上場幾失望下 唔知係咪之前同程撼完攻頂同氣勢後落左 扒下半冷就要157場次拉快步速返嚟都有第四嘅占士德 縮返落嚟直路賽而之前試閘同樣教留一留 又見輗多福差唔多九成九前段扯得快 有偷襲本錢
第五場泥地三班千二 全組得三隻今季贏過 愛國商人隻泉龍駒係其一 跑泥地真係高一班 呢場對手整體仲差過上場198場次贏馬 又好檔要再贏難度唔高 Q腳就揀同泉龍駒上場都有份一齊出嘅八心八箭 嗰場係抖四個月後加埋轉倉初出第一場 整個11檔係咁四五疊望空 返到嚟都無話散左輸俾泉龍駒只係五個馬位合格有餘 跑左場上力始終同程四戰有三P係難忽視
第七場二班直路賽杯仔場合形勢簡單得多 賢者無敵近期fit爆呢個路程跑後追威力更強 布文仲未出得腎虧潘即刻攞嚟騎 升班減15磅好好跑 對手之中呢個路程全場贏馬最多嘅當家精神上場連谷一千都首度上名 跑返首本直路賽抽埋近看台9檔足以一戰

尾場三班千二伍仔呢排係咁搏馬得手 綠族無限季內初出實在贏得出色 加7磅都係128磅要再贏難度唔大 Q方面能文能武上場無啦啦又上無根據谷1650仲要有飛梗係唔買 包尾輸條街意料之中 落返嚟千二又好檔換艾道拿必然無人信

[ 本帖最後由 KIRIN688 於 2023-12-16 19:02 編輯 ]