星期三全泥戰 心水三四五六呢四場千二米
第三場四班第二組澳華威威同火神神樂又同場 都係繼續要準到無人有嘅澳華威威 至於火神神樂俾腎虧潘注定大熱更不可信 Q方面寧願搏燉馬馬房初跑泥地嘅勝利神駒 嚟左咁耐只試兩個泥地大閘跑得算唔差 近幾場雖然放頭但今季復出第一場就係守好位贏反映唔一定自己放 搵智弘大師減十磅加埋一檔跑法相對彈性
第四場四班第一組澳華威威上場就係輸俾今場焦點馬實力哥 雖然加到135頂磅但繼續好檔就算唔買W都要買Q 腳方面摩仔引入嘅花果猴王之前三班同程跑得接近 輸多幾場轉下眼落到四班再減五磅 檔位大幅內移機會提升
第五場二班杯仔場合其實都無乜好講 兩個月前同班同程包Q嘅魅力寶駒同晶晶日上都抽好檔 熱食都要過關
第六場嘅三班正路選擇凱旋時光 型佬全啲手法極似師父神仙 馬一起就連珠炮發 當然一沉嘅例如伊臣呢啲就唔駛買 Q方面昇瀧駒新勝同程但留住二三位衝未證明過 搏WQ有風險 揀獵人成隻閃電 今季兩勝谷千二反而泥地少跑 但對上一場同程孭132磅都衝到個第五 今場只孭123磅有利

[ 本帖最後由 KIRIN688 於 2024-4-2 20:04 編輯 ]

昨日有不少馬失準，可能因為地濕影響，三班千六尤甚。現在熱Q實在不會賭，遨遊武士搭金駿星都死火，另一場巴閉仔搭大浪圖田更恐怖，反過來後者冷到似掛名出賽，隔晚大熱Q而臨場另一條可以落到不夠4倍跑出，我也由嫌熱變成冷到要縮沙。

唯一可賭的是直路賽，勝利之皇搭紅逸舍合理而好分，該場總算有兩匹必殺熱門，我有兼顧縮程的輝煌精英但沒有賭T，忌了初出的至合拍。

第三場若然扭一扭有勝利神駒就好分得多，若補回火神神樂作保險腳可補本。


第四場實力哥搭花果猴王正路，現在則頗熱。鑽飾璀璨上次負於實力哥半個馬位，亦會好近，當然兼顧就回報低。


第二場看好三匹泥地同程表現穩定之馬，最多歡笑穩健搏到贏，日日獎及東風壹號都減夠分回到同程，唯目前賠率比預期低，亦有暗湧。稍後再講第七場。

第七場，皇者烽火泥地準繩，上仗草地落敗不作準，前仗同程鬥足一條直路不敵頭馬得第二，雖檔位稍差，但預期夠快切入二疊，爭勝要角，首選。妙算歡騰目前性能改變，由前領變成大後上，前仗僅追不及，上仗似礙於形勢只能末段稍追，今次檔位更內移是否有幫助則說不定，有能力之馬，兼顧。蟲草之凰季中突然打通經脈，轉倉前後復現以往最佳時水準，部署似趁好盡搏，同倉馬勝利神駒今日一併轉來泥地顯出擊意，蟲草之凰同父馬不少擅泥，有得鬥，第三選。

妙算歡騰呢啲又係跑心情 至於爆出嚟嘅年年友福似係食正好形勢但全晚放頭大後上都有馬入嚟 佢再出同程要視乎排乜檔
星期日兩場G2加埋兩場三班

第五場三班千二第二組當然揀三連勝嘅快狠準 雖然排最外檔但馬有前速預期夠快殺埋欄 就算二疊望空都唔擔心 Q方面俾多次機會愛馬善 最近三甲不入嗰兩場意外多多 腎虧潘唔心息仲排一檔 雪茄鄭要護級當然搏

第七場G2短途錦標 決定對賭金鑽貴人 今季由比卡超杯到今日幾乎個個月都見到佢出 雖然話上兩場叫做有籍口但對比上季明顯銳氣無哂 就繼續要返打比嗰日場千二前三馬 尤其嫡愛心 上場讓威力奔騰八磅今場平磅而檔位全部外移 首選 白頭佬嗰對都係要賢者無敵 又係信唔過腎虧潘 仲要條友前一日飛澳洲跑大賽行色匆匆 返嚟隨時腳軟

尾場少有安排三班二千米押尾 型佬全呢場三隻就要兩隻四歲馬 難以置信呢隻古摩陣營賣出嚟明顯越長越好 打比嗰場跑第五被前三馬彈開只因為嗰三隻跑得好 雖然個第五無威脅但用力唔多 返嚟呢場雖然孭135頂磅但以今場唔少對手都見盡估計讓得起 Q腳就要同馬房嘅明亮天下 澳洲個績已經贏到千七又有軟爛地根據所以一出贏千二跌眼鏡  星期日可能落雨隨時跑高一皮 上場上千六場地有變就越衝越勁 跳程上二千估計更合腳法 仲要出馬唔多仲好追 三重彩腳加多隻跑二千米尚算準繩嘅發財秘笈

[ 本帖最後由 KIRIN688 於 2024-4-4 15:07 編輯 ]

越洋賽事日本三歲馬女三冠頭關櫻花賞跑阪神千六米 揀四隻玩複式三重彩同四重彩 團體馬Sunday racing今場又四隻 首選川田嘅皇后徑 喺二月東京跑同程G3皇后杯排檔差仍然一條直路殺哂 再之前已經喺阪神贏千八應該四平八穩 抽埋二檔更好跑 同主另一隻上年贏G1阪神兩歲馬女嘅百塔意城雖然今年初出但近幾年唔少練馬師部署趨勢都係攞夠賞金就會留力直接跑正賽 無熱身跑fresh可能更好 北村宏司都叫實而不華加上騎左兩次知點跑 而上年阪神兩歲馬女輸俾百塔意城嘅橡木城同樣今年初出 社台方面早搵左拉哥助陣 計騎師功力當然無得比 要得百塔意城一定要拖埋橡木城 餘下一席就要嗰場阪神兩歲馬女跑第七 上場復出換豐哥即勝同場同程分級賽G2鬱金香賞嘅傾心

重心場次第八場G2主席錦標都係對賭永遠美麗 上場雖然話場地變化益左加州星球但連紅運帝王都跑唔贏 傾向相信季初到依家搏完點都要回氣 依家個八檔都唔算好跑 成熱門攻擊 型佬全四隻再要返越駿歡欣 當打而今場排十檔減少塞車風險 首選 其他馬方面觔斗雲今季大器晚成 上場金杯路程其實有啲長但都係只輸俾浪漫勇士同遨遊氣泡兩隻老虎 落返嚟首本千六又好檔當然要拖 冷門安遇 G1唔夠跑 而G3又成日孭重磅 難得呢場G2因為賽例只孭123磅好好跑 抽四檔好位加上田雞手風順 串QT要埋佢

[ 本帖最後由 KIRIN688 於 2024-4-7 01:24 編輯 ]

十八掌門就激死我 唔係排最外檔必然拖
星期三賽事告仔呢排攻勢未停 今期又要睇住
第三場最高班雖然得八隻但有兩三隻擺前應有步速 先要喜旺駒 形勢最有利又好檔個磅又好跑 Q方面曾經諗智取神駒但一見腎虧潘就有保留 寧願要返上場512場次贏馬嘅亞機拉 嗰場教留有效果 呢場雖然排七檔但如果成功攝入二疊四位機會唔低得過喜旺駒

尾場顏色大皇同瑰麗人生同樣抽好檔應該係呢兩隻對峙局面 攞嚟過關最合
第五場戲肉西洋會杯又買檔做人 美麗歡聲連場抽檔差但成日接近 呢場終於有好檔機會提升 對手方面勝利同盟終於上力所以上場入冷Q 丁仔終於有隻似樣嘅牌面馬梗搏


第八場告仔一對又同場 開心勇駒夠前速跑法主動而又龍串鳳有一檔之利好難唔飛 揀多隻喺大千氣象同展宏圖之間揀後者 何堯傷後復出點都要操返狀態

[ 本帖最後由 KIRIN688 於 2024-4-9 15:37 編輯 ]

第三場是否有步速，要視乎一先生走位，預期喜旺駒順留而不會跟隨電訊巴打，若一先生輕鬆越過喜旺駒切入一疊，智取神駒及亞機拉會樂於前後切入二疊，則會慣常慢步速，若一先生只能守二疊，估計智取神駒會跟隨之，但亞機拉有點尷尬，搶前到前領位置或留到智取神駒後面皆有可能，搶前就有機在一先生不禮讓下拉快步速。智取神駒今次算雙重加磅兼路短，喜旺駒負磅就減到相當有利水平。接近的賽事。

第五場看好十二神將，田草硬淨的千六頭馬，上仗無謂地增程保住位置，表現尚可，今次回到千六轉谷草，對手進一步減弱，排四檔易取位，若非不適應谷草或夜馬，贏面較高，少數潘頓騎而不扯飛之馬。勝利同盟上場改回留後跑法下與升班再輕勝的展宏圖串Q，拋開今次同場的美麗歡聲、同寶寶及紅海勁，高於一般四班谷草之馬，排好檔會與上仗一樣貼欄，坐亞望冠。美麗歡聲特擅谷草，近仗排外檔影響小，排內檔貼欄一仗雖稍好但只在中下組別有威脅，今次有好檔而對手強，估計仍是三三四四。保險腳或可博冠寶駒，有班底之馬，七歲不太老，上仗狀態稍起負頸位得亞，壓倒同寶寶及美麗歡聲，水準不高，但若狀態再進，趁對手有閃失可有一席。

第八場機會馬不少，展宏圖連捷姿態好，方興未艾，仍排好檔，機會似在告仔一對之上。大千氣象早前贏馬亦如斬瓜切菜，上仗上二千路長大敗不作準，縮回千六有惡氣。極速奇兵在四歲大賽落敗亦不足據，回到三班及贏馬路程，亦為爭勝份子。


另外第二場，多多配合繼續有好檔，爭勝要角。勝多多在田草千二接近後回到谷草，近兩次皆負於龍城強將個幾馬位，估計在谷草排好檔已夠爭一席甚至挑戰前駒，次選。開心高球檔差磅重，預期三三四四，保險腳取回炯炯有神，上仗轉倉降班欠衝刺，表現失望，但始終是有底質的年輕馬，今次減三磅，比其他馬較大機會推翻大局。

28/4 三場G1 正式名單
女皇杯
香港：浪漫勇士 直線力山 將王 知足常樂 觔斗雲 錶之五知 越駿歡欣 大至尊
日本：先見 北橋 滂薄無比
英國：譽滿杜拜

冠軍一哩賽
香港：金鎗六十 永遠美麗 美麗同享 遨遊氣泡 錶之銀河 神虎龍駒 紅運帝王
日本：大宴重酬 傲蹄巴魯 鑽彩
英國：勇大帝

主席獎
香港：加州星球 維港智能 幸運有您 嫡愛心 賢者無敵 威力奔騰 禾道小子 綠族無限
日本：消暑樂祭 旭日朗途
英國：堅信

[ 本帖最後由 KIRIN688 於 2024-4-17 01:09 編輯 ]