生意冇任何進賬，幾難出公數，照例有大食大，老陳埋單搞掂，咪睇老陳成日頓起個老細款，原來只不過係銀樣蠟槍頭空心老官，反而靚妹攻於心計，將來可能有所發展，老陳滿腔熱誠，點知出師不利衰多口，家陣冇晒心機，對住部電腦發吽哣，今晚我要搵地方慶祝，自然諗計提早較腳啦，我問老陳：陳生我可唔可以早啲走？正話勸張太嗰陣俾佢省到立立擰，依家個頭好痛，我想返屋企休息下。老陳開綠燈話：啱嘅！你都幫公司盡晒力，返去唞下啦，我陣間都走先。靚妹見我可以早走條氣唔順話：你估我信唔信你吖嗱，其實你乜都冇同張太講過，喺度作嘢邀功，正一偽君子。俾靚妹篤正死穴，費事越描越黑，於是嗱嗱聲走人，靚妹意猶未盡，繼續追擊話：做咩呀淆晒底，身有屎呀？唔敢回應呀？最後又向我隊中指，我理得佢死，盡快趕返屋企做自己嘢，準備今晚另一個節目，近排欠落人周身債，入不敷支唯有就住玩，朋友介紹喺九龍最旺嗰度有間飛機場，好玩又抵玩，即本去試試。

返到屋企已經四點幾，冲番個涼再瞓番粒鐘，唞足精神準備今晚出征，唔較鬧鐘真係出事，紥醒已經七點幾，嗱嗱聲着衫走人，差啲唔記得啪番四分一粒台灣野鹿大補丸，久疏戰陣，谷埋谷埋今晚聽定精液横飛，肚仔餓餓於是落大記晚飯先，食咩好呢？睇咗一陣啱嘞，一於鐵板牛扒餐，增加體力實行精上加精，唔到你唔信，咁谷法真係好快有反應，冇耐有個短裙姐姐喺收銀點餐，阿妹好肉地條裙又短到死，睇到細佬失晒控，即時一柱擘天，撳都撳唔住，最欏命阿妹仲坐正隔離，側邊望落去成個大脾走晒出嚟，天旋地轉，我兩眼已經發晒青光，冇耐阿妹又起身走去欏餐，又白又滑又好肉嘅大脾喺我面前切卓咁轉，條短裙仔飄下飄下，好想揭嚟睇下，阿妹入面條T-back底褲係咩顏色，你又知人地入面着T-back？ 唔俾係正經底褲嚟㗎？呢啲女着到咁性感，十居其九係T-back 冇走雞，有版你睇，好似茵茵姐，除咗嗰幾日唔方便之外，條條都係T-back , 係引死啲仔咁又點呀？你話啲女幾咁勁先得架。

條女見我成日𥄫住佢，開始對我眼超超，我咋帝睇唔到而且我就嚟食完，冇幾耐有條友行入嚟坐正條女對面，睇落似係佢條仔，條女即刻起身喺佢耳邊，一路口噏噏一路望住我，嘩條女成條靚腿完完整整露晒出嚟，但此情此景我又點敢再望落去吖？想死咩！條友成手纹身聽完開始對我怒目而視，嘩大佬，唔會係上週六翻版係嘛？家陣我係起身又唔係唔起身又唔係，好似一身蟻咁，突然之間電話響起，我梗係第一時間接啦避開佢哋眼神，你估係邊個原來係茵茵姐，唉茵茵姐妳喺度就好啦，不過妳呢通電話都救咗我一命，我故意大聲接電話進行轉移視線，我問：茵茵做咩咁耐唔搵我，知唔知人地好掛住妳啫？Amy話：死嘢冇時間同你講咁多廢話，我想你幫我手搵秋仔，佢失咗蹤呀。咁大鑊我問：幾時嘅事呀？喺邊度失蹤呀？你哋唔係一齊做嘢嘅咩？問Amy當中，我乘機射哩眼望一望隔離兩條友，好彩冇乜動靜，Amy繼續話：其實我係下晝同佢一齊去見客，之後各自返屋企，再約話出嚟食晚飯再飲嘢直落，點知條友一路都冇現身，手機又唔覆，直頭完全消失咗咁，我有啲擔心所以諗住call你幫手。

依家趁機拖住講電話，搵機會甩身先得，隔離兩個都唔係乜嘢善男信女，我裝過條女變咗佢哋有藉口向我發難，我同Amy講：妳放心喎，秋仔一向無尾飛舵，遲啲自然就會出現㗎啦，由佢啦。Amy繼續緊張話：你鋪話法，秋仔約親佢都從來唔敢失拖嘅，佢仲緊張過我呀。我趁機話：約唔到佢咪約我囉，我隨傳隨到嘅，依家我就可以直接過嚟搵你。Amy回應係：約你有L用呀廢話！我大把嘢要同秋仔斟呀，你替到佢咩？俾Amy hurt 一hurt我沉默咗一陣，Amy 繼續話：咁我依家就約你同我一齊去搵秋仔，你去定唔去先？Amy 姐好似落最後通牒咁款，女神在上唯有就範喺啦，Amy最後話：我想上佢屋企𥄫下，嗱依家我哋一齊坐地鐵去牛頭角站，去到再聯絡，唔好遲呀。同Amy講完一輪電話太投入，竟然唔記得咗隔離兩條友仲𥄫實我，Amy叫我盡快我於是起身走人。

當我一起身向門口行過去嗰陣，突然之間覺得背脊一陣涼意仲濕鬼晒，我拎轉頭一睇，原來短裙女喺我後面手揸住個杯，肯定係偷襲我，將成杯凍檸茶潑落我度，我大聲嘈話：喂你咩事呀？成杯嘢倒落嚟，痴咗線呀？條女得戚話：你條仆街裝我底褲咪潑鳩你囉，唔L順呀？我反駁話：我幾時裝你底褲呀小姐？你唔好屈得就屈喎。條女繼續食住上話：睇住你㗎嘞仲唔L認，我入嚟咁耐你裝足咁耐，乜都俾你睇晒啦仆街。講完又向住佢條紋身仔扮嘢話：唔制呀! 條能樣蝦我呀，你仲唔幫拖。大鑊喇呢次，條八婆擺明玩嘢，搵我嚟向佢條仔攞彩，死嘞一時之間唔知點應付，完全處於下風，輪到紋身仔上場，佢兇神惡殺話：吊你老母！裝完我條女底褲唔認數呀？當冇事呀？咁你咪好L着數。聽落似係一個局，我問：咁你哋想點呀？條仔話：嗱俾次機會你，過兩棟過嚟，咁我哋當乜事都冇發生過。頂你講嚟講去，原來係昆水呃錢黨。

原本今晚可以享受飛機餐，依家變咗質冇得玩，先係Amy急call唔到唔得，再嚟俾兩條掠水黨纏住甩唔到身，唔反抗唔得，我反駁話：你條女條裙著到咁短就見底褲，係麻甩佬都望多兩眼啦，唔通個個都要俾兩千呀？咁你咪好發。紋身男聽完好唔順話：咁你即係唔L俾啦，係咪先？轉身再向住條女話：條能樣唔肯俾仲寸鳩我地喎，點睇呀？條女話：唔L俾咪打柒佢囉，打到佢爆缸囉。死女包咁狼死，準備開拖咁款，一對二係蝕底少少，畢竟女流之輩未必輸，但約咗Amy豈非失約？可大可小個噃，咪喇，試吓諗計掃走兩條攔坦先，見離遠有個男人向我呢邊行過嚟，我大聲嗌話：陳Sir咁啱呀！我有事搵你呀？有人想昆我水呀，叫多兩個伙記吖。兩條花𡃁聽見話陳Sir即時窒咗一窒，再見有條麻甩佬行緊過嚟，乜頭乜路唔知，在寧可信其有之下即時腳軟，第一時間嘢都唔食即刻散水，四兩撥千斤唔得唔讚下自己，但係個男人問我：做乜叫我陳Sir 呀？我唔識你喎。我話：玩下㗎咋，對唔住呀。男人話：你白癡㗎，癡L線！

後尾向條友解釋一番，佢都諒解仲讃我醒目，咪講咁多盡快趕去牛頭角站至真，沿路不斷有人對我眼超超，初時覺得奇怪，後尾地鐵坐低先醒起背脊濕咗一大撻，咪短裙女傑作囉，冇時間由得佢啦，好快到咗牛頭角站，只見上邨出口Amy姐成個棟咗喺度，叉起雙手樣嬲爆爆，見我出現即時發火爆粗話：你有冇搞L錯呀依家先嚟，知唔知我等咗你幾L耐呀，半粒鐘都唔只呀。好唔公平啫，我等親妳鋪鋪都超過一粒鐘，又唔見妳緊張？諗吓好喇！我解釋話：有突發事件發生，我都唔想㗎。於是將正話單嘢一五一十講出嚟，Amy聽完話：吊！又係衰咸濕，幾時先改到呀？睇見人地條女條裙短啲就發晒青光，仲想裝埋人底褲，你都算狼胎，今次你夠運，遇到兩個咁嫩口俾你呃到，下次睇怕冇咁好彩，一係俾人打鑊甘，一係俾人告上差館，咁你就仆街喇。聽落真係一額汗，我反問Amy: 茵茵，當我唔識妳，我偷裝妳底褲妳會點呀？Amy 不加思索話：點呀！咪同條女一樣囉，打柒你囉！打到你爆缸為止囉！

望下個鐘成十點有多，Amy話：廢話少講，快啲上去秋仔屋企睇下佢喺咪度。去到閘口冇密碼，我原本諗住call管理員，結果Amy自己撳咗，咁都得？管理員似乎識得Amy，主動問候佢話咁夜放工？Amy客套回答話多嘢做，百思不得其解，太多問題喺腦海中入面，最後忍唔住問：妳好似對呢度一啲都唔陌生，妳成日上嚟㗎？Amy輕鬆答道：係呀！自從秋仔嚟咗我公司做之後，來往密咗，好多時放工仲要上嚟傾嘢，太夜嘅話索性喺度瞓埋，第朝再一齊返工囉。吓咁都得？突然間腦海一片空白，又有少少暈暈地，Amy見狀話：你冇乜嘢吖嘛？好似有啲唔舒服咁喎。我隨口嗡話：冇事，今日公司多嘢做，個人好攰咁啫。Amy反問話：睇你個樣唔似喎，正話仲話緊裝人條女底褲，點呀仲念念不忘呀？神神化化都唔知搞乜鬼。搞乜鬼？知唔知我心痛呀？估唔到你地可以進展得咁快，嚟到呢度好難再繼續問落去。

孤男寡女共處一室，隨時一撻即着，秋仔你就過癮啦，夜夜春宵，真係唔得你死，不過小心操勞過度，精盡人亡呀! 準備撳鐘之際, Amy又話嘞：我有鎖匙等我開門。嘩連鎖匙都配埋, 咁咪即係同居？我問：你都有鎖匙嘞，自己上嚟都得啦，做咩仲要我陪啫。Amy有啲㷫話：咁依家係咪好難委你先，係嘅話你可以即刻走，我以後都唔會再麻煩你。死囉衰多口得罪女神添，我即刻賠笑臉話：對唔住我唔係咁嘅意思，我只係覺得奇怪，妳都上慣嚟架啦，點解呢次又要人陪呢？Amy一臉擔心話：秋仔一向都同佢保持聯絡，從來唔會失拖嘅，今晚真係有啲QK, 所以咪搵你嚟陪下囉。我咭一聲笑出嚟話：莫非妳擔心秋仔一時睇唔開，燒炭自殺？Amy即時反駁話：頂你啦燒炭自殺，佢有咩咁睇唔開呀？癡L線。我同意話：咪係囉！依家啲炭咁貴，秋仔條孤寒鐸點捨得買先得架，佢寧願唔死好過。Amy唉一聲話：睇吓你吖，秋仔識着你啲咁嘅朋友真係67，行開啲啦，咪阻住我開門呀！

一入到屋嘩佢老咪，烏燈黑火幾乎伸手不見五指，睇落冇人噃，我話：唔通未返，Amy妳開燈睇吓，我唔知電掣喺邊。隨即打開手機電筒週圍照，廳燈開咗影都唔見，間屋淨得一間房但係房門閂埋咗，條友唔通喺入面？我叫Amy開門睇吓，平日胆大見稱嘅Amy此刻見得猶疑，縮下縮下咁話：不如你去開門啦，男人方便啲嘅。死女包搵籍口，我寸佢話：做咩呀？縮窒縮窒咁，唔似妳喎，真係驚秋仔入面燒炭呀？Amy又係嗰句：咁柒多嘢講，開門睇吓啦。當房門打開，入面又係烏燈黑火，可以見到窗簾拉埋晒，仲有一件類似人嘅物體，大被笠過頭瞓喺床度。我嚇Amy話：好似係條屍喎，妳入嚟睇吓。Amy大驚失色話：真定假呀你唔好嚇我，等我睇下。當張被一揭開,成個秋仔原原整整瞓喺床度，冇穿冇爛喎，Amy勁嬲話：吊你咩！咪成個生吽吽喺度，燒乜L嘢炭呀杏加橙。此刻秋仔如夢初醒，開始驚覺有人入咗佢間屋。