全世界都知道現時地球溫度不斷上升，馬會聲稱因為馬迷不歡迎而堅持不舉辦週末週日夜賽是短視、淺見！賽馬的最重要資產絕對是馬匹，馬匹在炎熱天氣下跑致失準，損失的當然是投注人，投注人輸了錢便減少注碼，最終惡性循環令投注額下降，馬會必然自食惡果！況且作為一個愛馬之士，怎會忍心眼巴巴看著馬匹受盡曝曬之苦？那些只管在會員包箱涼冷氣、品紅酒的馬會高層根本對不起馬匹、對不起馬迷！

我覺得全年跑都得，好像c兄所講，可以舉辦週末夜賽，但不要8場，跑6場就可以啦，輕輕鬆鬆，幾好玩的!

絕對應該舉辦週末夜賽，不要8場，跑6場是好主意！

週末唔好.  照舊週三夜賽.
6-7場就最FIT.

我覺得呢樣其實係馬會好難做到
一,受到低能廣管局條例限住~週末沙田日賽已經要cut尾場~所以如果跑夜晚免費公共電視一定播唔到~
二,投注額一定俾波分薄~
三,資源問題~好似前排世界杯分組賽咁~晚晚打~如果再跑埋馬~肯定迫爆投注站~好難配合得好~
                        (冇世界杯同歐州國家杯既話都好d)
四,一定比某d扮哂野既立法局議員~什麼什麼民間團体~監察賭風大聯盟~呢d係要搞事既人反對~
     馬會又唔改佢被動既作風~一味聽唔反駁~所以好難搞得成.....

或者小弟都發表少少愚見啦...唔認同既都請唔好插...只係個人意見...
講到賽事安排呢個問題...其實好似而家咁...我就覺得今季唔應該拉長反而應該係世杯之前已經完左個馬季...畢竟世杯效應真係太強...再加上拉拉下變左7月先煞科...令到人更疲馬更乏...呢幾次都自後有騎師同埋馬頂唔順...陣容已經傷兵滿營...呢d同各界都已經疲累不無關係...
個人黎講唔反對全年跑馬...但係就唔需要加太多次...一季78次賽事黎講...大家睇到...都已經好多馬係出來出去都係那堆...實情香港有既馬唔多...場地亦只得3個(田草，谷草，田泥)...
如果係7，8月跑馬既...當然唔好計條例上既麻煩先啦..我都suggest可以多跑谷草同埋泥地既夜賽啦...好似之前幾位所講...一星期跑一次...每次跑6場已經好夠...因為暑假冇馬跑對於馬迷黎講都真係有d悶架...特別我自己都會覺...有時唔係一定要買...齋係度下馬刨下馬都係一種樂趣...
同埋7，8月呢個時候可以集中係中低班既賽事...唔係話乜...高班馬係呢個時候都唔會多願報名...亦都驚整傷...編谷草同田泥賽事水準就自然會冇咁高，同時限制每場出馬上限，10匹咁啦...一來可以分散d馬匹出賽...二來可以令到馬迷更易買...就好似以前膠地咁得6-8隻...命中率都高d...我諗都會係一個唔錯既選擇...
雖然香港既場地同賽事水準都遠高於澳門...但係講到制度方面我覺得馬會真係要向馬交那邊借下鏡...那邊既條例比較嚴...一有大賽而影響到投注人利益定必重罰...而唔係好似香港咁...又可以用幾萬銀代替幾多個賽馬日...又罰得唔夠重...冇乜阻嚇力...
佢地對於賽事安排亦唔錯...好似呢段暑假期間...佢地都有馬跑...但係就集中晒跑夜賽...咁樣人同馬都可以唔駛係暴曬之下作賽...同埋真係可以善用下個泥地囉...講真整左咁多錢...平時用既機會唔多...係7，8月呢d非主流既賽馬日...可以安排多d...畢竟沙田既草地黎到呢d時段已經變壞得幾嚴重...
各位網友對於以上既意見有乜睇法???歡迎分享...