我打全沖的   3番起糊  8番爆   玩花的   咁我地係學生   唔想玩太大   所以我地定左   3番3元  4番4元 5番5元 6番6元  7番7元 8番8元咁計   咁如果我出沖3番應該比幾多﹖  有人話應該比6元   又有人話應該比9元   又話自摸又要除半   之後又話清一色9章無靚花7番  要比21元   清一色9章8番要比24元   之後佢地又話清一色6章出沖都要比21或24元     咁如果我出沖混一色對對8番又應該要比幾多﹖  仲有乜野叫搶槓包自摸﹖ 其他既野 例如(12章包自摸,槓上自摸)我都明白  只有錢方法唔識計  可唔可以幫我計下﹖

我新手黎  學識打番無幾耐   同D同學打有D人又話我廢唔識計錢   有D人又話我講既野你跟就得    可唔可以幫下我

比如你宜家有鋪3番牌
你自摸 每家收3蚊=9蚊
一家出沖比你 出沖x2=6蚊

搶槓包自摸=例如你已經碰左5筒
你又摸到最後一隻5筒,你槓的話
如果呢個時候有人食5筒
就可以搶你槓
搶你既,就當佢自摸
而且你又比晒3家既錢

最後係-.-
清一色9章無靚花7番  要比21元   清一色9章8番要比24元   之後佢地又話清一色6章出沖都要比21或24元""""""""""我都未聽過呢個規矩~~

清一色9章無靚花7番  要比21元   清一色9章8番要比24元   之後佢地又話清一色6章出沖都要比21或24元""""""""""我都未聽過呢個規矩    我就係覺得呢到唔係幾合理   但係我又唔識講出黎   仲有 如果我出沖混一色對對8番就應該比16蚊﹖

你的同學亂咁定規則~

你話清一色9章要包自模就話姐,打出應該冇e個規則,6章更冇可能~
混一色3番,對對3番,再睇下有冇有番風子,花加番。~如果8番打出俾16蚊

咁打全沖清一色要點樣先要包﹖

你呢種打牌法...好簡單...
總之唔理你幾多張(12張除外)...出沖比人幾多番...出沖果條友就要比食糊果條友$2*番數既錢....唔關6章9章清唔清一色事...
如果你比人搶槓你就要比搶你槓果條友$3*番數既錢...舉個例...食糊果個拎住(爛花-中中中-1萬1萬1萬-3萬4萬5萬-5萬7萬-9萬9萬)你加槓隻6萬...佢就收你$15...ok?

明白哂  多謝你地