另外補充第七場我做到 上場MR.BEAN跑得勁差 有內檔居然留得比預期後 之後入彎俾建測羣英一搞打乒乓 呢場再排一檔換人俾多次機會

上仗純粹意外，一二檔實力馬皆比牠稍快，稍留二疊而距離勁好運一馬位後很合理，若非轉彎被撞，相當可能贏到勁好運入位，今次檔位改變，會與太陽勇士更接近甚至反先。喜蓮勇略勝在用見習生減磅抵銷加分，可博。浪漫老撾狀態逐漸跑起，今季首次抽好檔，機會馬。目前大熱是豐盛，上仗田草水準應不是此群可抵擋，變數是谷草及變化地。

另外第六場看好千杯敬典，贏馬加分後的上兩仗仍近，亦與喜蓮勇略類似，換上見習生減磅抵銷加分，排檔稍差可跟隨，對手不強，可望一放到底，首選。另兼顧電訊龍駒及超悅明駒，怡昌精神檔差爭位，如取膽可拖一票。

第三場紅海風帆冷到不正常，表現就恐怖；匯合彩池打到大熱已無本地消息考慮。當然其他選擇也表現失望，暫歸咎於不合變化地。

星期日心水集中睇涼瓜 佢呢排係咁被罰停賽前後七日 另外加埋日本杯
第二場四班直路賽鴻圖新星上場有追但騎落反應一般而賽後報告布文認為呢場唔算失望 唔知係咪抖完第一場要熱身 之後試大閘順利跟前走睇嚟開始上力 抽埋貼看台13檔有利 其他初出馬之中又搏下涼瓜嘅美麗老撾 喺從化操左兩個月試幾個大閘算肯走 抽貼看台12檔同樣有利 又睇下能否幫東莞強太座名下第一隻打響頭炮

第四場四班泥地千二 鴻兄上場提過嘅郎善好施算四平八穩 呢啲爆過缸嘅馬唔會保留 Q方面機械騎士前速夠快得呢個路程首本 雖然比上場孭多八磅但機會仍然樂觀

第九場三班千二 預計大熱應該係腎虧潘嘅耀寶但兩連勝後個磅加到132磅並非毫無壓力 搏唔入Q 涼瓜嘅糖不甩升班而臨 上場跟佢串Q嘅健康快車再出三班差啲贏反映三班必夠 再執外檔都預大外一氣冚上嚟 Q方面愛馬善個分唔算有利勝在可前置賺形勢 個負磅比起耀寶有利得多所以拎嚟串Q

第七場待續

[ 本帖最後由 KIRIN688 於 2024-11-22 15:24 編輯 ]

第二場鴻圖新星末段未算完全望空，加上其他有利因素，可以再給機會。美麗老撾試閘反應不俗，梁家俊騎初出馬成功率高兼好分頭，值博。賽績最好是中環精英，閹後復出，贏試閘時間快，估計不會太熱，宜兼顧。

第四場四班泥地千二郎善好施與機械騎士屬翻版Q，機會看俏，派彩可能只得上次的四分一。另兼顧越野大師，上仗田草千二第四應屬強組，初出前泥地試閘一放到底，今排一檔有機一網打盡。


第一場五班千四又要梁家俊，智勝龍前仗同程第三僅敗水準相當，上仗無故放頭敗不作準，重配梁家俊抽一檔，夠贏，首選。進優自在上仗亦同場，檔差被迫留後兼外疊蝕位，名次後但距離少，今次檔好再減兩分，有力一爭。星運皇爵加分後失望，烈火駿馬傷後復出，且皆排外檔，保險腳不如博下降班的勝神威，上仗季內初出千二稍追一段，算有走勢，上季尾同程輸近，在此組配麥道朗，或可克服外檔有驚喜。

第七場二班千六杯賽算有趣 涼瓜騎開遨遊武士但同馬房健康愉快出嚟頂高個磅 其實115超兩磅可以做但星期一報名當日朝已經操手機錶霸 睇嚟係一早答應接手 上場初上千六全程望空僅僅唔入Q 隔左個幾月休息加上排二檔 希望出彎及早望空冚 至於遨遊武士雖然換人同隔兩星期但有電訊巴打 亞機拉 健康愉快個一檔實在好跑 唔可能唔兼埋 至於樂聲杯出嚟再戰嗰幾隻追多次陽光勇士 嗰場馬入直路好遲先撻得著得第四 雖然又排十檔但增程上千六應無不合之理 睇賀銘年做人


日本杯跑哩半 焦點肯定係雪嶺熱點撼古摩嘅多產巨匠但兩隻並非毫無疑點 雪嶺熱點由馬女限齡G1一下子嚟到公開G1 過去二十年得貴婦人同杏目以北三馬女身份贏 即係受讓九磅都唔係一個優勢 至於多產巨匠係好馬但失準成性 今年有表現嗰幾場都係跑二千米反而英皇錦標又輸條街 有理由相信依家跑二千米可能最好 雖然跑完今場就做埋退役儀式但都唔睇好 其他外隊馬之中唯獨睇好喺英皇錦標贏多產巨匠一條街嘅哥利巨人 因為公公無得跑凱旋門 一早將目標放呢場 之前喺巴黎市議會大賽熱身贏馬 雖然唔知東京石頭地啱唔啱跑但純講形勢一檔實在有利 近幾年日本杯內檔馬個優勢相當明顯 主隊之中豐哥嘅勝局在望點都要返 上場天秋路程短都掃哂 今年唔出去跑睇嚟是對的 三檔同樣可以唔需要留得後 三選堅韌力 正宗哩半馬上場遠征英國跑朱德望錦標唔上唔落個第五其實唔失禮 先佢過終點跑第四嘅才情麗驥之後贏埋凱旋門 隔左三個月休息期夠仲搵埋放頭馬有一手嘅布宜學難以忽視

你在對面玩老香港？

第七場梁家俊座騎包Q，一二檔派過百，你的選擇排隊一二三回來，梁家俊第一口孖寶派六百幾，如有投注的話就幾抵；聞說老香港三隻都沒有貼，只追落後貼其他落敗的

日本盃一場，勝局在望早段留後而全程望空，武豐的馬泰斯式走位，直路亦輕微推騎，照贏，認真誇張。

另當年依然勁首季在不可能位置後上贏馬兼連捷，賽績及跑姿都有同德影子，馬評人及馬迷都寄望是下一匹馬王，但翌季有燉馬之嫌，亦未曾交予告東尼騎(告登當時關係可能不如前)，於是發展就未如理想，當季打吡由新兩心知奪得，依然勁是前面衝回來的其中一匹，所負不多，若一早鎖成告東尼主轡依然勁，相信依然勁至少贏到打吡，後來馬匹有不大不小的腳患，實力亦逐漸下降，包括你在網上影片出賽的時候，所以從未贏取任何有級數賽事，在我心中是職業賽馬史上最可惜的兩匹馬之一，另一是金秋，後者不是燉，反而是過度進取令健康出問題。

睇排位已經感覺到涼瓜嚟了 但對鴻圖巨星非常失望 今季神仙好似失靈 其實手機錶霸嗰場有考慮競駿輝煌好彩最後唔揀 老香港梗係玩9佢 至於金秋都好可惜 似肥胡問題更大 諗起當年馬會杯呢個第五應該搞到肥胡心雄 記得嗰日有入場影到 三個幾星期後返香港睇搵唔搵得返啲相（陰功 國際賽未返嚟入唔到）
星期三賽事
第四場四班二千二 繼續追盈益善 上場返沙田跑二千雖然對頭二馬埋唔到身但越衝越勁 返谷戰呢場整體水準比上場更差 加程上二千二只有更好 腳方面本來管之友都唔錯但腎虧潘攞返嚟騎注定無錢分 搏好分要返開始上力又有此程根據嘅八駿笑昇

第八場三班一千 137場次同班同程有九隻馬喺今場再碰頭 表面睇雅典武士個一檔好似好跑但呢隻馬一放唔出就係咁先 小弟對呢啲馬有戒心 同樣賭出閘倒不如信麥道朗功夫嘅連連幸運 抽最外檔換嚟分頭 入彎前埋到二疊要入三甲並非無可能 嗰場僅僅贏嘅馬力比上場孭多八磅打折扣 寧願要返上場跑完返從化做功夫 賺檔同賺步速嘅紅逸舍

尾場三班跑千八 睇落無乜邊隻放頭馬 搏隻可以跟前擺頭嘅建測羣英 上場輸廿幾個馬位純粹田雞亂嚟 入彎跟車太貼踢中喜蓮勇略搞到對方失平衡連自己勒避埋斷送機會 但賽後好快復課相信問題不大 換周仔排好檔可跟守好位有出冷本錢 Q方面追多次明亮天下 再抽一檔但換麥道朗希望跟前一兩格 以季初第一場入Q計無理由跟前啲就必叮 另一配腳黑桃火箭 重配布文擺喺呢度仍有競爭力

[ 本帖最後由 KIRIN688 於 2024-11-26 23:11 編輯 ]

早知買呢場😪美麗緣分一教到識留就係咁贏 上返三班應該仲有得上
1/12

幾場泥地有啲賭頭 反而四場草地賽事尤其尾兩場唔識睇

第五場三班直路賽 腎虧潘操返嘉應獎昇 隔左五個月做哂嘢出嚟呢啲久休馬係白頭佬專長 呢場又有駿皇星 連連有盈 縱橫萬里開路會好跑 半冷心水就係同樣賺步速嘅電源之駒 雖然對上一次跑直路賽差唔多兩年前但講到底都係未甩三甲 個分跌到嚟67分而上場谷千二有起色 呢場好多馬似是而非跑返高峰期八成水準入Q唔難

第六場泥地四班千八 喺124場次包Q嘅堅有利同超旺財再碰頭 嗰場後超旺財再出補中所以仍然要讓堅有利七磅 雖然排檔未算有利但兩隻都上升緊 開翻版Q唔意外

第七場泥地二班千二杯仔場合 幾隻快馬例如電氣騎士同祥和順龍之輝狀元及第在陣步速必快 都係揀返喜至寶 上場過谷戰跑場1650遊馬河當試閘 今場返嚟首本路程 一季呢啲二班泥地千二都無幾多場梗要好好把握 對手之中神仙嘅精算暴雪雖然初跑泥地但大閘所見走勢含蓄掩人耳目 搵埋麥道朗更如虎添翼

第八場泥地三班1650 形勢同127場次同班同程有相似之處 精英雄心同精彩動力又同場而伍仔又出馬海戰術 精英雄心賽前貼左仲要十幾蚊大熱 但全程無乜跑錯情況下前四不入連放頭唔係最好跑法嘅精彩動力都過唔到 似負重能力打折扣 雖然換布文但對返差唔多對手 唔似可以反先 至於精彩動力明顯跑後追更好但到依家二十戰贏得一場咁大把 上到70分後就企左喺度 最麻煩成日接近又減唔到分 呢場雖然換麥道朗但孭130磅又無利 雖然隔離版龍華太旨老哥話上場伍仔食T今場一定會還就重注呢條Q但本人真係有保留 左諗右諗嘅話不如搏下伍仔又一場食T 呢場四隻飛左隻手到再來搏其他三隻 奮鬥心嚟到依家得此程上名而火車潘正是嗰場騎師 堅闖就腎虧潘攞返嚟騎又好檔 餘下嘅逐步贏幾日前谷千八輸俾黑桃火箭不過一個馬位跑得唔差 而喺泥地兩戰都入前四 依家個分可能跑泥地更好 就算排13檔都一拼兼埋

[ 本帖最後由 KIRIN688 於 2024-11-30 04:44 編輯 ]