上一頁下一頁
發新話題
打印

魔頭好友論馬區

 
收藏  |  訂閱
4.0k  625.5k

回覆 3979# KIRIN688 的帖子

C+3跑道內檔有優勢....博兩隻...."綠色"

星期日嘅戲肉遮打杯差唔多係桀驁之戀嘅表演賽 喺司馬經典賽連香港瓶盟主真強都要食塵可見級數 單Q搭將王嚟過關而三四重彩加埋告仔一對 其他場次只講兩場三班突分賽事同埋東京優駿

第三場嘅三班突分跑二千 十八掌門再出而同場有幾隻前置馬估算有步速 形勢對明亮天下有利 腎虧潘搶埋嚟騎而馬房家陣可以爭頭馬嘅質新份子唔多 先揀 Q方面要都靈福星 606場次嘅千八入直路塞車未作準 上場皇太后杯哩半就路程不合當試閘 G3落返三班突分賽事縮返嚟跑二千有權變身
尾場三班突分千四 全場得一隻過80分就係馬林 近期表現算準但134磅始終係絆腳石 拖腳可以但膽就另作他選 就係球星 女皇杯日雖然係四班又頂磅但居然彈甩贏 反映跑法未必一定留最後 呢場飛輪步同壯志凌雲都係放頭步速估正常 出閘埋到前置二疊就有勝算 至於新勝嘅壯志凌雲勝在有好檔但上場賺盡步速僅僅贏 今場位置居多 不明係自力更生 去雪茄鄭後係咁減分而上場縮落千二居然有追勢 落三班上千四而孭磅又因為係三班突分賽事只負標準磅 贏就未必但位置唔係無可能
至於東京優駿就鐵角三隻 首選扒半冷就要凱旋門盟主設計名師全細佬真命新帝 幾場賽事都後追不及而今次哩半又東京場合哂河車 上年拉哥贏G3京都兩歲錦標就係後上贏馬 抽13檔影響唔大 至於兩隻無敗馬幸運銀幣同臯月賞盟主駿天潮城都係搏返駿天潮城 15檔的確係考驗但搏佢嘅原因就係有東京場經驗 反而幸運銀幣出道三場未輸全部跑中山 今場第一次過嚟東京跑係一個問號 第三選就要名城潮流 上場臯月賞留後跑造出第三快嘅最後六百末段 上哩半而東京場長直路應更合發揮

[ 本帖最後由 KIRIN688 於 2024-5-25 21:02 編輯 ]

星期三全泥戰 頭場二班1650攞黃腳鱲搭魅影獵飛嚟過關
第六場四班千八 雪茄鄭差兩場非五班頭馬就上岸 呢晚大哂冷 年年友福早有千八根據又啱泥地 上場明顯加速需時返嚟只輸半個馬位 開始上正軌先揀 另一選就係成日追一段嘅活力多多 執十三檔估都係縮後追 睇追得幾多
第七場三班突分千二 644場次同程揀左花果猴王同喜至寶再追多次 花果猴王檔好過上次易跑得多 而喜至寶就因為呢場三班突分孭磅由131減到落嚟124磅同樣好跑 執二檔個形勢幾有利
尾場三班1650有好幾隻前置放頭馬 再追木火兄弟 上場輸形勢而今場五檔好跑 用力唔少希望頂埋呢舖 Q方面柏林探戈終於回起而喺三班始終有啲班利 同艾道拿幾合拍仍要防

[ 本帖最後由 KIRIN688 於 2024-5-28 20:27 編輯 ]

引用:
原帖由 KIRIN688 於 2024-5-27 08:11 PM 發表 查看引用來源
星期三全泥戰 頭場二班1650攞黃腳鱲搭魅影獵飛嚟過關
第六場四班千八 雪茄鄭差兩場非五班頭馬就上岸 呢晚大哂冷 年年友福早有千八根據又啱泥地 上場明顯加速需時返嚟只輸半個馬位 開始上正軌先揀 另一選就係成日追一 ...
第六場年年友福上仗如與日就月將檔位掉轉會反過來食了內檔位就肯定贏了,今次千八更佳兼檔位內移,是頭馬之選。活力多多及妙算歡騰上仗都檔差追得好,亦是千八更佳之馬,一併兼顧。威武勇駒較低分時贏同程,上仗表現稍失望,怕狀態未足,排第四唯有放棄。

第二場雪茄鄭又似贏得,友盈友福同程實力稍高於五班,上仗四班千四檔差輸近,正路冷膽。配腳一併兼顧上次對壘極接近的俏郎中、最多歡笑及日日獎,今次負磅及檔位形勢輕微不同,如只准選一匹就日日獎。

另外第四場,堅有利在較高分時兩度在泥地展現四班爭位能力,草地減夠分轉泥地,是出擊時,檔位不俗,首選。天時明駒泥地較草地佳,上仗竟然草地也跑出明顯進步的水準,回到泥地有力連捷,目前賠率偏冷,希望僅是馬迷失憶而非馬房對健康狀態欠信心,兼顧。高氣派有能力而健康有問題之馬,上仗四班同程重現生機,降班檔佳,但要適應突然的重磅,保險腳。

第五場,自強不息三班季初贏過之馬,一直部署減分而表現算中規中矩,落四班,應非一般四班馬可抵擋,遇上脫胎換骨的砂漿金剛未必夠鬥,但熱門單Q夠穩。

上一頁下一頁
發新話題
前往最後回覆