有齣鬼佬真人騷，唔知有冇人追開，騷名叫"Naked Attraction"（小弟試譯：《非誠勿屌》）。由英國某家電視台原創，後來衍生出其他國家(譬如丹麥、德國)嘅版本。此騷，一個字：勁！
玩法是咁的：每集一開頭會有一位嘉賓（男或女）自我介紹，講佢點解要參加該節目。
然後５位參賽者（即狗公界術語嘅「人肉貨品」）全裸登場。好似Power Rangers咁，每人以一個顏色做代號。
嘉賓可以隨意檢視每一位參賽者（每一件貨）嘅肉體，同主持人細意品評啲貨掂唔掂。譬如男性嘉賓可能會讚某條女對波夠大，腩肉啲褶紋性感，又或者下體陰毛剃得夠工整。而女性嘉賓一般比較斯文，唔會太着眼喺性器官方面品頭評足。反而會講話參賽者身型得得地呀，籮柚仔肉地唔錯呀，等等。女人一般注重身形多過顏值。亦有個別女性嘉賓言論比較直接，好似我聽過有條黑妹話某參賽者兩粒蛋蛋墮得太犀利，啪啪啪時會被兩粒爆丸撞擊得好鬼痛，即時要彈貨咁話（話時話，小弟以前亦係經常被啲女咁樣埋怨，唉
）。另外，亦有參賽者被批評包皮長太肉酸，JJ細到似雞味腸令佢唔開胃云云。
最後，位嘉賓會將啲貨逐一篩選，揀出最心儀嗰件，跟住自己除埋衫喺鏡頭前嚟個玉帛相見！翌晚，二人會依照遊戲規定單獨約會。大家執到正，出嚟飲杯嘢，摸吓手錫吓嘴之類。至於，約會後有冇下文，喂，心照啦老友。講真，年輕男女出嚟「約會」，都係美其名啫。
總之，畫面同內容尺度非常之大。仲有，有樣嘢值得留意：呢齣係一部由非成人頻道播放，出得街嘅節目。換句話講，即係內容可為大眾接受，不屬淫褻。基本上，有少少令小弟諗返起初中時喺學校睇嘅性教育片，當小弟睇到面紅耳赤，下面濕咗一笪嗰陣，班上位missy竟然可以一本正經咁講解畫面中條鬼妹發育緊嘅胸部。
當然，淫不淫褻，實在都只係視乎觀點與角度啫。好似小弟咁鹹濕，凡事定必戴著有色眼鏡去睇，睇到硬，我諗都不過係人之常情。嘩，如果你話由小弟上該節目（如果有亞洲版，小弟會考慮），一定大Q鑊，因為肯定全程勃起。
冇睇過，不妨搵嚟睇吓。或者會令你眼界大開，又或者引你入性都未定。我覺得上呢個節目嘅參加者唔少會係狗公（或狗乸），由佢哋身上嘅特徵可以見到（同小弟一樣：紋身、下體毛髮乾淨 － 一般要除衫先見到）。上YT，打"naked attraction channel"就搵到。
順帶一提，令小弟印象比較深刻嘅一集，係第三季第一集。由一對情侶（男狗公+女狗公合作搵食）物色另一條女玩三人行。條女狗公條件唔差（見圖下棕色長髮嗰位）。如果小弟搵到條咁索嘅女狗公，出外搵食，應該男女通殺，大玩FFM或MMF。
[
本帖最後由 guthrie 於 2020-11-24 20:53 編輯 ]
