加油加油！期待期待！

經過上次偷底褲一事之後對錢生有種不屑既感覺~ 其實人可以風流，但唔可以下流… 仲衰到堂堂一個銀行經理俾人發現偷底褲，正所謂情何以堪呢…？但我哪有資格咁高情操… 耷低個死人頭做喇！仆街…

大咪：轉死性咁早返到鋪既？
    我：仲講？無數呀… 老闆唔屌都自動自覺！
大咪：嘩~ 聽到你講特別好想嘔！哈哈，邊個講咩【返知醒，放心情，食肚餓】
    我：哈哈，有數我講咩春都無人理架！你試下期期爆數~ 老闆攬住你錫喇，講鳩咩！仲有返知醒係阿陳教…
阿陳：你條仆街一早講我是非呀？
大咪：點敢呀？
    我：係囉~ ( 對望大咪一下 )
大咪：我地對你欽敬(陰莖)有如…
    我：我地對你欽敬(陰莖)有如…
阿陳：陰你老母！係咪一早就同我玩野呀？
    我：點敢呀？
大咪：係囉~ ( 對望阿佬一下 )
阿陳：仲黎喎！
    我：哈哈
大咪：哈哈
阿陳：笑笑笑… 老闆依排唔得閒攪你地~ 叫我問你地肯開單未？
    我：陳，你望我地！Twins… 好明顯開雙喇！
大咪：嘩… 屌… 咁爛我好難接喎…
    我：難接既野。咪唔好接囉！
阿陳：你兩條仆街…
大咪：咁要出食煙喎~
    我：我都係咁諗！
阿陳：你兩個咩料？食錯藥呀！
    我：好快開架喇~ 食埋支煙去收票！預我今晚報數…
阿陳：你條屎忽鬼係咪咁把炮！？我報俾老闆
    我：報！( 行出鋪頭 )

大咪：你個客得喇咩？
    我：未呀！
大咪：咁你答得咁有型？
    我：咁你頭先玩得開唔開心先？哈哈
大咪：哈，屌你呀！得我玩？
    我：代價係今日做左個客佢~
大咪：真係得咩？
    我：個客應該得架喇！差條引線啫，一陣攪埋條引線個客就自炸架喇~
大咪：你有咩係手？咁有把握~
    我：無喎… 不過我只知佢要啲咩？
大咪：要咩？
    我：哈，平樓囉
大咪：咪鳩噏…
    我：咩呀！條”你好賤”尋晚睇樓果陣偷左張太條底褲呀~ 仲要係張太條隔夜底褲，情報所知重味果種…
大咪：情報？張太話你知？
    我：係呀… 唔通你覺得我聞過？
大咪：哈，點知你係咪好依味野？
    我：收皮喇，唔講呀…
大咪：哈哈，講埋先喇
    我：偷完仲要滾水淥腳咁走，條賤人應該返架車度打飛機~
大咪：會唔會呀？咁撚餓咩？
    我：睇完落樓果下同佢講野走曬神喎~ 感覺好似細路偷玩具果種…
大咪：應該興奮先係？
    我：好複雜既… 因為佢應該知衰硬，哈哈
大咪：哈，咁張太發現得就衰左添~ 你仲咁口響？
    我：最複雜就係張太無反感，仲俾我感覺佢有啲欣慰同自豪…
大咪：點解咁講？
    我：啲胸圍底褲掛曬出，口講啱啱出完街唔夠時間執。但收起依啲野要幾耐呀？
大咪：又好似你啱喎~
    我：可能我前設太深，最簡單個業主無反感。講完喇
大咪：你諗住點攪？
    我：無喎~ 順住個客行… 佢咸濕咪同鬥咸濕！
大咪：有得咁鬥架咩？
    我：未有計… 返入去坐定定諗下點做~
大咪：我都Call下客…
    我：係呀，阿陳應該俾老闆捽到爆左… 你幾時見佢會九點幾就返到鋪！

        我一坐低就諗錢生依類人要面又要錢… 應該點做？經我把口講出黎肯定無彎轉… 點可以要佢自己認，仲要肯做埋單買賣呢？孤注一擲主動踢散佢，黎個拋磚引玉！

    我：早晨，錢生… 我再幫你搵過另一個單位~ 個業主隔左一晚突然間好似有啲變數係度！唔好意思呀！( 電話訊息 )

大咪：喂… 你電話響喎！
    我：由佢響喇！個炸彈啱啱著左條引線…
大咪：咩呀？錢生？
    我：係呀~ 發個訊息俾佢… 話業主有變可能唔賣之類！
大咪：咁都得架咩？
    我：我估同溝女一樣咋！越唔俾越想要。哈哈
大咪：一陣點講？
    我：豬噏咩都得喇~ 等佢唔好擺到自己咁高咋嘛，揸住件貨果個係我！我仲打算幫張太多一把… 不過無把握都係盡做架咋。我相信結果最終點都係3Win
阿陳：唔好攪死單呀！報左俾老闆…
    我：Everything under control！哈哈，仲早~ 等個客再急少少先去Closing
大咪：陳，你好少咁緊張架喎？！
阿陳：咪理喇！開到請你地飲酒
    我：屌呀！你有絕症？
阿陳：收下把閪口喇~
大咪：我地都算兄弟呀！有咩咪早啲講，帛金依家野我地兩個都儲架。哈哈
    我：哈，你個仆街仲絕！
大咪：俾個五我先喇~
阿陳：對你地兩條仆街好啲都唔得架喎
大咪：你就係未試過對我地咁好！
    我：陳老闆，知喇… 都係果句今晚返數！
阿陳：佬！老闆同左你講左？
大咪：嘩… 咁既反應唔係驚就喜喇！
    我：陳，你幾時變得咁流… 一句自己爆肚…
阿陳：試下啫！無講實既…
    我：咪扮喇！再黎就老撚套架喇…
大咪：咪就係！有時唔一定要升職既… 有話語權都得架！
    我：陳！講喇~老闆同你私下Deal左啲野，條件係咩？
阿陳：你兩條仆街佬！突然間咁清醒…
    我：平時我地唔出聲啫，就算出聲都係講無所謂~ 但我地唔係傻既…
大咪：( 望一望我 ) 咪係囉！
阿陳：咪，你收皮！
大咪：陳，係咪睇死我無單係手… 想乘機屌我？！
阿陳：無囉… 本來就諗住三兄弟坐低飲酒先講~ 係阿佬突然間好似知道曬咁我先棘住咋…
    我：其他我唔理喇！你係咪堅請先？
大咪：我要有女添囉！
阿陳：張單好似係阿佬開… 你咁多要求既！？我做咩媽咪架？突然間邊度搵女俾你…
大咪：你埋張酒單就可以喇！
    我：攪埋個客先~ 你地傾 ( 攞電話鋪面 )
阿陳：係咪咁撚過份先？
大咪：你平時唔撚過份？
阿陳：以後準時交數！？
大咪：咩以後啫！講左今晚先喇~
阿陳：屌柒你… 是撚但啊…
大咪：唔舒服？哈哈
阿陳：仲惹我啊嘛？

    我：喂，錢生，唔好意思… 頭先同業主傾緊，聽唔到你電話… 係咩事？
錢生：Louis係咩事？個張太唔賣定點？
    我：又唔似… 不過佢有情緒，係咁叫我問你做過啲咩… 查實錢生你做過啲咩呢？
錢生：我… 我… 我…
    我：係咪攞左張太啲野？
錢生：佢講？
    我：只係估咋…
錢生：我都係忍唔住啫…
    我：都已經諗好曬點做，你咁樣會無左個筍盤…
錢生：Louis仲有無計啊？
    我：都仲有既… 但個單位連帶張太啲條件係咪Ok先？
錢生：Okok，你攪得掂先得喇
    我：唔係咁易架… 頭先聽張太講好似想加價！
錢生：加幾多啊？
    我：佢又無講到… 或者你接受幾多？
錢生：我…
    我：錢生，要你咁加價！明白好困難既… 你換左間三房咪有個單位放租既~ 我同張太一次傾埋，你得唔得先？
錢生：肯定得喇 ( 好雀躍既聲線 ) ，但你突然間好似咁有把握…
    我：老實講，一點把握都無… 我都講明如果個單位貴過1080就唔攪喇，但會連帶兩年死約租一齊傾… 咁樣錢生你又唔洗左揀右揀係租客方面，相信你都鍾… 願意租俾張太依類租客既
錢生：頭先講左喇… 但張太方面…
    我：都係氹架咋… 不過你講白啲我好做啲…
錢生：佢真係無講？
    我：我真係唔知…
錢生：其實攞佢條褲仔…
    我：哦，明白曬~ 咁你有無爽到？
錢生：當然有喇！( 聽得出係好開心既 )
    我：有就得喇！難度野交俾我… 另外我想同你做單向簽約收訂送訂，得唔得？我怕大家坐…
錢生：Louis明你做咩既~ 信你呀！都係果句足佣~
    我：足佣得架喇！？我可能要食左隻死貓架…
錢生：有客介紹俾你就係！
    我：哈，講笑咋… 我都無把握… 但肯定盡做！( 行返入鋪頭 )
錢生：我係認真既！
    我：收到曬！咁我執好啲合約就黎搵你~
錢生：好，今日都係分行。

[ 本帖最後由 du9lee 於 2023-10-11 22:15 編輯 ]

大咪：攪掂喇~
    我：留左枱喇咩？
阿陳：攪掂咪留囉！
    我：你唔留我點攪掂？
阿陳：你唔攪掂我點留呀！
    我：你唔留我…
大咪：我留左~ 哈哈
阿陳：你條仆街啊~
    我：有無K唱先？
大咪：要咩？即刻安排過
阿陳：你兩個係咪要咁狠先？
大咪：嘩… 第一日跟你就反口？往後點跟你搵食呀？
    我：咪係囉~
大咪：佬，你攪埋啲野先。其他我安排！
    我：好 ( 打左個眼色俾大咪 )

大咪：咩料呀？( 我執緊文件既時間 )
阿陳：又咩呀？哈，留唔枱咩？
大咪：你就撚想！個電話好似收到亂碼… May個訊息咩QY3 OG4 OF2… 即係咩？
阿陳：睇下 ( 搶左個電話就回左HI7 BE7 OF2 )
大咪：你攪咩呀？
阿陳：幫你呀！仆街… 仲成日話自己溝女好叻
大咪：可唔可以講返人話… 聽唔明喎…
阿陳：你無玩ICQ定連MSN都無玩過呀…？
大咪：兩樣都有玩，咁點呢？
阿陳：即係你用手寫板囉… 仆街，叫你平時學多啲架！( 大咪訊息響 ) 覆啲咩返黎？
大咪：嗱，咁叻你睇喇… ( 訊息顯示：@o@ )
阿陳：今晚約左Louis飲野，有興趣嗎？( 一邊打字一邊講個訊息出黎 )
大咪：其實之前你覆咩呢？完全唔知發生咩事喎… 可唔可以講俾我知？( 訊息再響 )
阿陳：佢話Ok喎 ( 回左~3~ ) 俾今晚地址人喇
    我：喂~ 我行喇。咪，搵間有房架喇… 今晚盡慶！轉頭俾地址我喎，攪掂曬啲野我自己過去
阿陳：要唔要幫手？
    我：咪玩喇~ 等我報數俾你！
大咪：Ok，我安排… 喂，陳！講埋先喇~
阿陳：速成呀~
大咪：我知呀 ( 唔知扮知 ) 內容呀！
阿陳：掛住你… 我愛你… 得未？情聖
大咪：咁樣咩~
阿陳：係呀… 我都有野攪出一出去，你睇住鋪頭呀！
大咪：又閃！？
阿陳：搵人傾野呀
大咪：慳啲喇
阿陳：堅呀！今晚你就知… 頂住先喇 ( 講完就走左 )


    我：錢生，我簡單解釋份合約俾你聽先~
錢生：唔洗喇，你寫六十萬訂金喇。
    我：但依刻我無辨法俾律師樓個名你…
錢生：我緊係知喇
    我：你真係咁信我？
錢生：再問就唔信架喇…
    我：收到，咁我去業主度傾清楚先填。
錢生：Louis，提一提你！1080係盡價，條件係張太必須按市值租我個單位
    我：知道，12000蚊？
錢生：嗯
    我：仲有無其他要求？
錢生：無，簡單油漆我都會執返俾張太
    我：識做喇
錢生：攪掂我…
    我：足佣！
錢生：你依啲後生仔真係叻唔切… 不過你係叻仔既，事成請你喝野！聽Denise講你好杯中物~
    我：好，但Denise又…
錢生：去做野喇
    我：明白，咁我出發喇
錢生：嗯

    我：喂，釘。係唔係分行？( 打電話 )
豆釘：係你背後呀！傻佬
    我：( 擰轉面 ) 唔怪我咁成功喇！
豆釘：你幾時學得咁肉麻！？
    我：我？同妳一齊之後~
豆釘：邊個話同你一齊？唔知醜… 不過我幾鍾意~
    我：哈哈，今晚…
豆釘：知道，May講左喇。今晚飲野啊嘛~ 快啲去做埋啲正野先 ( 做左錫錫既嘴型 )
    我：嗯 ( 回敬錫錫既嘴型 ) 咁我走喇，今晚見~ ( 轉身就走 )
豆釘：嗯，今晚見~ ( 揮手拜拜 )
May：點呀？走左喇… 妳再企就變望夫石~ ( 係豆釘耳邊講 )
豆釘：我就望夫石？妳呢？係咪姣婆守唔到寡？
May：細聲啲喇… 全分行都知喇
豆釘：哈哈，原來仲識怕羞既~
May：又係妳話要主動既…
豆釘：但無教妳＂掛住你＂囉
May：我都無講…
豆釘：不過妳做左啵，又咁… 我覺得做得幾好！係咁諗咪做囉
May：但大咪覆得有啲直接…
豆釘：妳肯定佢覆？
May：電話係佢架喎
豆釘：問清楚先喇~ 八婆
May：又…
豆釘：我都要努力做野先得 ( 阿佬一句 ”唔怪我咁成功” 完全打動左豆釘，攪到豆釘甜絲絲得黎更有動力 )

     阿佬依邊就馬不停蹄咁趕去下一站搵個業主聊，係車程中同豆釘一樣回味咁簡單又甜既對話。

    我：張太，又打攪妳喇。
張太：唔洗除鞋喇… Louis，我未拖地呀…
    我：唔好喇…
張太：係咩事呀？個Leo得喇咩？
    我：錢生都有條件…
張太：係咩？
    我：租返佢個兩房單位… 我知有啲…
張太：可以呀
    我：但妳未睇喎… ( 有啲難以至信 )
張太：我一個女人仔住無咩所謂~
    我：月租萬二，簽兩年死約喎
張太：死約要咁耐架咩？唔係一年生一年死？
    我：所以我係講錢生個條件…
張太：是但喇~ 我都唔鍾意周圍搬… 但個價錢係1000呀嘛！
    我：唔係呀…
張太：幾多？( 開始緊張 ) 唔係真係俾960呀？如果係就算喇… 我覺得1000已經好平~
    我：冷靜啲先… 張太，妳係邊間律師做文件既？
張太：陳李張！
    我：妳有無卡片？仲有我無話係低過1000…
張太：有呀！我攞張卡俾你
    我：好
張太：咁係幾多？
    我：張太，妳簽左租約先。Ok？
張太：Ok，咁即係幾多？
    我：要解釋清楚俾妳先… 張租約為期兩年全期死約，如果中間有…
張太：Louis，你攪到我好緊張… 你唔會呃我架？
    我：點會呢？我講份租約先…
張太：份租唔洗講喇~ 我依家即刻簽！但個單位賣幾錢？
    我：吓？1048萬呀！
張太：真架？你又話個客價錢俾唔高既…
    我：確實唔高既，但妳想聽真相？
張太：想啊！
    我：哈，咪就係底褲單野！
張太：咁攪笑？
    我：如果妳唔話我知就真係做唔到…
張太：你做過咩？唔犯法架…？
    我：咩都無做… 再講！個價仲係低過市值~
張太：唔該你呀！Louis
    我：唔好咁講，有收佣架嘛！新買家執到平野，張太妳又可以換新環境！
張太：但我最初都係諗住1000就完，最後你做到唔止喎~ 當然要多謝你喇
    我：我希望大家都開心啫… ( 讚到我都有啲唔好意思 ) 依家可以簽埋份買賣？
張太：可以啊！ ( 雙眼發光咁望住我 )
    我：張太，我再解釋下份合約先
張太：唔洗喇，你俾我望下就得… 1048萬… 頭一年唔可以重新裝修… ( 自己口噏噏 ) 係邊度簽？
    我：依度簽全寫，每頁再…
張太：得，知道喇！
    我：張支票我要簽返律師樓既名既… 張太
張太：無問題呀！
    我：要唔要我幫妳攞埋上去？
張太：可以咩？
    我：當然喇！我有…
張太：收佣？
    我：哈哈，我都係盡做啫~
張太：咁你幫我攪埋喇
    我：張太，妳睇睇支票號碼同銀碼。可以的話，同妳相熟律師講聲！我依家就送過去~
張太：你等等~ 喂，阿力… 我個經紀Louis轉頭就攞張票上黎俾你，你幫我手跟跟喇！
    我：Ok。咁我走喇
張太：我煲左湯舀一碗俾你飲！
    我：唔好喇… 我怕趕唔切！
張太：等等，好快架咋… 已經煲好~
    我：哦… 咁多謝喇！
張太：我多謝你先真~
我：( 嗱嗱聲飲 ) 張太，我走喇~
張太：飲多碗喇…
    我：唔好喇… 仲要俾返份合約錢生！
張太：咁好喇，你路上小心…
    我：收到~ 拜拜喇，張太

阿陳：攪掂曬未？
    我：未呀，報數俾你先… 一單買賣一單租足佣 ( 落左樓就打電話 )
阿陳：仲有單租架咩？幾錢成交？
    我：買賣1048，租就萬二。
阿陳：叻仔！
    我：慳啲喇！分左合約，但要去律師樓走一轉…
阿陳：下？點解呀？
    我：幫個業主攞張票上律師樓~
阿陳：你真係好做唔做… 等個業主自己攪咪得囉~
    我：是但喇，仲要趕銀行收之前送返去俾個客… 再講喇！

    我：唔該，我叫Louis，想搵阿力呀！
接待：下… 阿力？
    我：我無佢張卡… 張太叫我搵佢交低張支票 ( 咁啱有人推門入黎 )
阿力：你係Louis？
    我：係呀，你係阿力？唔好意思，趕得滯無問清楚點稱呼同攞你卡片…
阿力：唔緊要，張太話你好幫得手。嗱，我張卡片~
    我：啊…
阿力：你好趕時間？
    我：真係有啲趕… 仲要俾返份合約新買家…
阿力：咁你俾份合約我影印左先！
    我：好，可唔可以幫我簽收埋張票？
阿力：當然喇
    我：唔該~
阿力：攪掂！
    我：力哥，唔好意思！我咁無禮貌…
阿力：點會呢？你上心啫，快啲過去喇。有機會再傾

    我：喂，錢生… 我趕緊返過黎…
錢生：攪掂？
    我：攪掂喇~ 個價…
錢生：過到黎先講，等你！
    我：好…

[ 本帖最後由 du9lee 於 2023-10-11 22:12 編輯 ]

我：我搵錢生…
職員：分行關門喇喎…
錢生：開門俾佢入黎！
職員：哦~
    我：唔好意思… 阻你地收工…
錢生：入黎我房傾~
    我：嗄… 嗄…
錢生：慢慢喇，抖順條氣先
    我：呼… 買賣個價成左1048，租12000！
錢生：算你個死靚仔有良心！
    我：都係盡做啫…
錢生：張太無問…
    我：無提，所以我都無講
錢生：咁佢又肯租？
    我：本來佢都唔肯，後來佢打左個電話… ( 仲諗住作故仔 )
錢生：由佢喇，重點佢租左啫
    我：錢生，兩份合約連帶支票簽收紀錄
錢生：嗯，你放低得喇
    我：啊…
錢生：早啲返去沖個涼換件衫喇！今日跑黎跑去… 成身汗點同Denise去玩？
    我：哦… ( 奇怪豆釘又會咩都同錢生講既 )
錢生：仲有… 下次先請你喝野~
    我：好，多謝錢生先~ 咁我真係走喇
錢生：走喇~ 睇住Denise唔好俾佢飲咁多…
    我：收到，拜拜

大咪：佬，攪掂曬喇？( 電話中 )
    我：你又知？
大咪：公司有Call機架！係你成日唔帶架咋…
    我：咁個Call講咩？
大咪：咪咩熱烈XXX分行Louis Du 連環成交一買一租，何文田最強合作熱線512332XX
    我：好鬼悶，叫你老闆俾啲新意… 做緊廣告！
大咪：係咁架喇… 係呀！今晚係創興
    我：哦，知喇~ 我返屋企沖個涼換件衫先
大咪：好好… 唔講住，阿陳帶左條女返鋪
    我：喂… 喂… 唔洗收得咁快呀…
阿陳：咪，依個心兒啊~ 過兩日係度返工都係行家黎，咪攪人地呀！
大咪：哦，叫我大咪喇 ( 即刻企起身打招呼 )
心兒：嗨~ 又真係幾大咪！
大咪：過兩日返工又…
阿陳：今晚會一齊去飲野，大家聯誼下
心兒：介意？
大咪：點會呀？多個靚女一齊玩仲開心喇~ 晏啲仲會有其他人到！
心兒：知道啊~ 阿佬同你地女朋友啊嘛
大咪：邊係女朋友？！陳生亂話啫
阿陳：掛住你唔係女友？係咩？你自己講…
大咪：你頭先唔係鋪，我都掛住你架… ( 心兒係度偷笑 )
阿陳：仆街喇你，洗撚你掛呀？你個撚樣都係諗住我返咪閃！
大咪：我有做野架，你出左去一支煙都未食過… ( 已經攞住包煙行出鋪面 )
阿陳：快啲死去煙！食死佢…
心兒：你地都幾好朋友？
阿陳：朋友？我當佢地細佬咁睇架… 兩個都係醒目仔，重情義！平時我專登俾蕉皮佢地踩… 睇佢地點去拆，真係好少令我失望~ 但阿佬偏收埋自己諗，依啲人好危險好容易鑽左牛角尖自己唔知！我係比較擔心佢…
心兒：好高評價喎~ 佢地知唔知先？
阿陳：緊係唔知，妳都唔好講… 依家仲高左半格，拉開少少會好教啲！
心兒：嗯，知道喇 ( 大咪依個時間行返入鋪 )
大咪：陳，差唔多時間過去。
心兒：下… 咁早我仲想返去換衫添
阿陳：我車妳返去喇
大咪：咁我落去先
心兒：唔好意思… 去玩想扮靚啲… 仲要有女仔在場，比下去就唔好喇。哈哈
大咪：阿陳鍾意咪得囉！( 望一望阿陳同心兒反應 )
阿陳：你真係不折不扣既仆街黎！咁都要試既？！
大咪：心兒，自己人係咪應該坦白先？
阿陳：唔好理佢，我地行喇！等個閪人自己鎖鋪…
心兒：啊… 哦…
大咪：喂… 屌… 唔啱聽講過第二啲喇，哈哈 唔洗即刻走既！打俾阿佬講先

    我：點呀？咪
大咪：打俾你吹下水咋嘛
    我：仲係鋪？
大咪：啱啱鎖門~ 你呢？係邊？
    我：啱啱係屋企樓下買幾支香檳，上樓換件衫就出黎
大咪：要出到香檳咩？
    我：話曬都升職，賀一賀佢！今晚都係諗住我埋單~
大咪：阿陳話佢請就由佢請喇！唔似唔係咁好… 條女面前落佢面…
    我：咩呀？佢帶條女出黎？嘩… 新聞黎喎！
大咪：哈哈，打俾你就係講依單野
    我：哈，咁講喇~
大咪：頭先阿陳咪帶左條女返鋪既，話過兩日返工~
    我：咁都係同事啫
大咪：我試佢反應呀！離奇咁大…
    我：咁唔係當然大反應喇！
大咪：但條女無反應喎！
    我：阿陳個外型… 正常應該條女反應大啲… 哈哈
大咪：哈哈，我唔准你咁講我大佬~
    我：哈哈，屌你… 仲吹到大佬添~
大咪：所以單野好可疑
    我：咁條女得唔得？
大咪：少婦型，瓜子口面有啲女人味，仲要幾大波添架。目測起碼有E，不過皮膚就差少少…
    我：哈，頭先又話阿陳係大佬… 昅阿嫂都咁仔細咩？
大咪：證明我好尊重阿嫂！哈哈
    我：哈哈，屌你喇… 喂，出黎再吹咁攪法上唔到樓
大咪：Okok。見到面再講

另一廂

心兒：你唔想知佢地知我地關係？
阿陳：唔係... 妳先第一日見佢地，講得咁白佢地會好多野諗！
心兒：淨係識諗你啲兄弟點諗？有無諗過我都會好多點諗？我知！我有個仔呀嘛... 你覺得好樣衰！係咪？
阿陳：妳真係... 無野攞野黎講！如果我係咁諗就唔會擺妳入黎做野喇...
心兒：點知你諗咩？
阿陳：我都冒好大風險架！如果佢地覺得我偏幫妳... 檔野會散架，到時點養妳地呀？
心兒：你口講啫… ( 聽到點養妳地，始終係心暖 )
阿陳：一齊咁耐，你知我長短，我知妳深淺！係咪真係需要講得白呢…
心兒：我係一個女人仔架咋… 你唔講我就亂估！亂估你又…
阿陳：好好 ( 搶停心兒講野 ) 我一陣就講！上樓換衫喇 ( 高八度 ) 女人，我泊好車轉頭坐的士出去 ( 心諗好似行撚錯棋 )
心兒：嗯 ( 陰陰嘴笑，有啲得請既感覺 )

        經過同大咪同通電話之後，我下意識都覺得果個係阿陳條女黎。但阿陳唔講可能係好多顧忌… 佢驚自己處事不公？定信我地唔過？在於我睇工作歸工作，再難頂只要唔插手我既做事都可以忍！但點解阿陳咁蠢柒？將自己女人同工作擺埋一齊有幾麻煩，佢應該知架喎！如果無好處真係無咁必要啊~ 唔得… 攪到我好鬼好奇！好想知阿陳諗緊咩？另一邊大咪已經約好May係旺角食飯，而食飯既時候May俾大咪既感覺唔同左。但大咪又解釋唔到… 只係問點解會開朗左咁？係因阿陳幫我回既訊息內容定係May本來心情好呢？
     
            好快阿佬四個人就到左相約既創興！

[ 本帖最後由 du9lee 於 2023-10-11 22:13 編輯 ]

唔好意思... 最終都係遲左...
我經過同老友商量之後，決定約第五章分拆為五，六同七章

如果覺得好睇，唔好吝嗇你既留言~
因為你地既留言可能會帶到走向同加一啲新元素係故事入面！

第六章  前輩

    阿佬：豆釘，就一就阿陳唔好攪到咁薑呀！今晚主要賀佢升職。
豆釘：肥野升職咩？仲以為係慶祝你開單添！等我仲專登返去換過套衫... 咁要賀一賀佢喇，哈哈（ 鬼馬咁笑 ）
大咪：雖然妳笑住講，但個樣子有啲恐怖喎... 釘姐
阿佬：係囉，記住賀佢。唔係贈慶...
豆釘：得喇，你兩個男人突然間成個八婆咁...
阿美：你哋之前已經知？( 阿美=May)
大咪：唔夠廿四小時... 有件仲突然既事，就係阿陳會請自己條女入黎做！
豆釘：肥野都溝得女架咩？
阿佬：妳唔好睇少佢，師奶殺手黎！
豆釘：做咩係師奶殺手？哈哈，佢識轉彎架！？
阿美：識轉彎係咩意思？
大咪：美，豆釘把口邊有好野講？佢意思係指下面
阿美：Denise... 唔好成日咁變態喇
豆釘：係咪想我再變態啲？（ 淫褻既眼神望住阿美 ）
阿美：... （ 好驚豆釘講果晚假九事件 ）
大咪：女仕們飲咩？我去叫左先
阿佬：提一提，轉頭會飲香檳
阿美：咁可唔可以白酒？
阿佬：緊係可以喇，阿爾卑斯山既水都可以呀！反正大咪就會安排
豆釘：哈哈，真架？大咪好體貼啊！依啲男人係邊搵？
大咪：其實你兩個飲屎水我都可以幫你安排！需要我依個服務？
阿佬：人地問你... 你又我地...
大咪：Sorr... 阿美，依兩個要...
阿美：哈哈 唔緊要，我習慣緊同你哋啲相處模式。話唔定我好快就可以參與你哋既溝通方式
豆釘：勁，美美。進步到想加入戰團 哈哈
大咪：哦，原來係妳！（ 恍然大悟 ）
阿佬：咩？我知唔知得架？
豆釘：咩呀？咪，諗住兇我？( 大家都意識都阿美既改變，笑淫淫咁講 )
大咪：哈哈 無，咁妳有冇咩想飲？可以叫Bartender整杯cocktail( 雞尾酒)過妳！( 望住豆釘 )
阿美：點解佢有cocktail？
阿佬：點解佢有cocktail？
大咪：三杯特飲 （ 打一打自己個嘴就行左出去）
阿佬：係呢？點解錢生又知妳同我去飲野既？ （ 望住豆釘 ）
豆釘：（ 第一下有種愕然感覺 ）佢臨收工叫我幫佢跟個按揭，我咪話聽日先攪今晚約左人。佢仲有講咩？
阿佬：無呀！仲叫快啲返屋企換衫話我成身汗味....
豆釘：佢真係咁講？
阿佬：係，唔係應該仲有咩？
豆釘：聽日我幫你話佢，夠膽話我阿佬臭！哈哈
阿美：阿佬係妳架喇咩？
豆釘：妳係咪多事呀？八婆
阿佬：咁妳又係咪我既先？（ 望住豆釘 ）
阿美：嘩... 好嘔心呀！你兩個... 仲要當我透明先抵死 （ 豆釘同阿佬再無出聲對望左一下 ）喂... ( 阿美係旁邊揮手，豆釘突然間主動錫左阿佬個嘴一下 ）
阿佬：（再望一望豆釘 ）即係...
豆釘：點解大咪咁耐既？八婆不如你去睇下...
阿美：仲駛開我添！
阿佬：唔該，阿美（ 雙手合十，阿美就行左出去 ）
豆釘：真係要咁白咩？
阿佬：唔知呀... 妳咁講我咁問，好合理 （ 苦笑 ）
豆釘：咁你當我貪玩囉！
阿佬：唔係... （ 感覺有僵，錫返豆釘一啖。當然豆釘都無抗拒，咁啱依個時間阿陳同心怡就走入 ）
心兒：我地係咪應該要遲啲先入黎？
阿陳：咩呀？
阿佬：無事
豆釘：咩咩咩呀？肥野
阿陳：妳依個死妹釘真係無有識死！下下惹我呀嘛？
豆釘：係唔識死架喇！
阿佬：依位就係阿嫂嘛 （ 衝出黎解圍 ）
心兒：你就係醒目仔阿佬嘛？
阿佬：高帽既野唔係好啱我（ 尷尬笑 ）阿嫂坐呀！
阿陳：佢叫心兒
阿佬：依～ 睇黎你都準備好講架喎 （ 心兒暗爽中 ）
阿陳：係... ( 臉色有啲難睇 ）
豆釘：個樣做難為呀？肥野
阿陳：係咪要攪事？ （ 阿佬拍一拍豆釘 ）
心兒：豆釘幾玩得喎！唔怪得阿佬鍾意妳～（ 真心話 ）
阿佬：唔好介意，阿嫂。佢好鬼貪玩...
心兒：我都貪玩架！阿陳就差啲
豆釘：係囉！肥野係小器鬼（ 俾個五心兒，兩個人擊掌就係度哈哈大笑 ）
阿陳：大咪呢？
阿佬：出左去叫酒，叫左好耐架喇。你地飲咩呀？我順便出去睇下
阿陳：我同你出去，地球好危險...
阿佬：阿嫂妳地傾住先，我同阿陳去叫酒。（ 同豆釘打左個眼色 ）
豆釘：快啲帶走個小器鬼！（ 阿佬隔空錫豆釘一下 ）
阿佬：我想問18號房點酒未？
吧頭：點左喇，四杯特飲同一打啤酒。轉頭攞入黎
阿陳：咁大咪去左邊？
阿佬：哈哈，佢應該有野攪呱？
阿陳：你個仆街笑得咁衰？佢同阿美一齊？
阿佬：係呀！講返你喇，頭先個樣做咩咁難睇？
阿陳：心兒係都要我講，男人黎架嘛... 有種屈服既感覺，雖然話你地No Say。但都怕你地又唔知諗咩...
阿佬：我地會諗咩？唔係兄弟班架咩？
阿陳：就係兄弟班多左個女人...
阿佬：你覺得阿嫂幫到手先擺入黎架啫，再講你唔係搵阿嫂食我地啲單架？
阿陳：梗係無喇！佢做開細行無咩支援，啲手法會狠啲架... 我仲覺得你地仲有野學到！
阿佬：咁咪得囉，學唔學就講喇！做兄弟我可以代表埋大咪講，心照！唔洗諗咁多既，要諗一齊諗～
阿陳：但我覺得好似行錯左...
阿佬：你意思係擺阿嫂入黎？咁可唔可以叫佢唔入黎做呀？
阿陳：依家同佢講咪即係叫我自殺？
阿佬：哈哈，你知架喎！咁何必一時三刻要諗通呢？今晚賀你架嘛，等你醉醒先再諗喇。
阿陳：你條仆街... 真係唔洗搵大咪架？
阿佬：唔怕燒春袋你咪搵囉！
阿陳：咁返入去喇，唔係條死妹釘又唔知講咩？
阿佬：哈，驚你又走出黎架喎？
阿陳：頂少兩句唔得既？頭先條氣有唔順...
阿佬：大佬，日後一齊做野仲有大把你受！
阿陳：大佬？又叫得幾好聽喎
阿佬：係呀！要唔要揾人旁住你行返入房呀？大佬，唔好三分顏色上大紅 哈哈
阿陳：哈，你條仆街。行喇

行到返入房既時間大咪同阿美已經係房

大咪：阿佬你識左心兒未？
阿佬：大咪幾時學得咁無禮貌架？我地依度好講家教架喎 （ 俾眼色大咪，同時阿美都睇到 ）
阿美：阿嫂
大咪：阿嫂
心兒：夠喇，唔好玩... （ 睇得出爽到爆 ）
阿佬：哈哈，阿美妳...
阿美：阿佬，你唔係打眼色咩？
豆釘：哈哈，你同大咪做過啲咩黎呀？
阿陳：美美，咪鬼理佢地兩個！叫聲大佬黎聽下先
阿美：大佬！
阿陳：乖 （ 豆釘同阿佬哈哈大笑 ）
阿美：咪，我係咪做錯左啲咩？
大咪：咪鬼理佢地！除左阿嫂無個好人黎
豆釘：咁要讓間房俾你地再開心下先？先叫好人
心兒：係囉！大咪，要唔要呀？
阿美：哎呀！唔係你地咁諗架 （ 超紅面 ）
大咪：灰... 原來阿嫂都同類...
阿佬：咪傻喇，依家主角係你兩個呀！
心兒：好，唔好玩佢地。再講阿美走架喇。
豆釘：哈，佢先唔會 （ 個樣好奸 ）
阿美：妳個衰妹...
阿佬：好喇，入正題。（ 攞啲香檳出黎 ）嗱～唔好話唔錫你呀！專登走去買黎賀你。
大咪：快啲講多謝呀！
阿陳：咪，你越黎越多事喎！多謝呀！佬
阿佬：阿陳開喇！（ 豆釘已經偷偷攞左支黎開 ）
阿陳：好！（ 心兒見到豆釘行動就行開左 ）
豆釘：肥野，紮職開心啲喇！（ 攞支香檳噴到阿陳成身都係 ）
大咪：阿陳咪黎呀！我知你諗咩...
阿佬：屌... （ 豆釘同阿陳既香檳大戰房內當然無人幸免 ）
阿陳：妳條死妹釘... （ 想再攞開支 ）
心兒：夠喇！（ 大喝一聲，佢兩個突然冷靜左落黎 ）
阿佬：咪，個場係咪好熟？（ 超左豆釘一下 ）
大咪：玩到咁！幾熟都難攪喇
阿美：我去攞啲毛巾入先
阿陳：最衰都妳個死妹釘 （笑住講 ）
心兒：你唔衰？講到自己無份咁！
豆釘：點呀？哈哈，肥野係咪好爽先？
大咪：你地兩個就爽，我地就受囉
阿佬：陳，你同阿嫂都去外邊個洗手間攪攪先~ 我同大咪攪攪間房先。釘，妳都去。
豆釘：哦... （ 感覺阿佬嬲，心有啲淆底就嗱嗱聲跟埋阿陳同心兒出去 ）
大咪：佬，做咩唔出聲？ （ 阿佬不停咁周圍沬 ）嬲？
阿佬：又未至嬲既... 不過同預期有啲分別囉！
大咪：咪咁喇！黑曬面咁... 豆釘係過左火既，佢都係貪玩啫！
阿佬：知道...
大咪：哈哈，心兒個胸口係咪大先？
阿佬：係堅大！件白色裇衫仲濕曬勁明顯。
大咪：咁你話有無E喇？
阿佬：其實咁大波粒Lin係咪都會跟住大架呢？
大咪：唔知喎！轉頭問阿陳可唔可以借黎睇下？
阿佬：點解唔係問阿嫂係阿陳？
大咪：先尊重大佬，大佬Ok再問阿嫂！
阿佬：屌死你！哈哈
大咪：笑下咪好囉，出黎玩咋嘛。（ 阿美都返左入房 ）
阿美：濕毛巾啊，佢地呢？唔係...
阿佬：佢地去左洗手間！大咪你都同阿美去洗手間喇。都差唔多攪好

    那邊廂豆釘同心兒係洗手間抺身

心兒：豆釘，做咩？
豆釘：無野…
心兒：無野？個樣都變曬，驚阿佬嬲呀？
豆釘：我洗驚佢？！不過自己好似真係過份左…
心兒：雖然叫啱啱識妳！但覺得妳好似以前既我… 大癲大吠，靠感覺做事！其實妳無做錯，原意都係想大家開心輕鬆啲！至於阿佬… 佢點會捨得嬲妳？
豆釘：但佢未試過同我講野無尾音…
心兒：哈哈，頭先邊個話唔驚架？
豆釘：我邊有驚喎… 只係覺得可以處理得啲…
心兒：已經處理得好好！陳生入曬仲想開多支同妳癲~ 阿佬應該措手不及啫，我幫妳頂住！點呀？妳成身都係！不如我同妳去買過件衫喇
豆釘：咁麻煩？！唔好喇
心兒：件衫咁濕著到都唔舒服喇！
豆釘：咁阿嫂妳有無外套係度？我真係唔落去…
心兒：有，不過好薄仲要白色… 到時會好透架喎！
豆釘：哈哈 阿嫂，妳依家都好透！仲要紅色有喱絲
心兒：妳真係啊…
豆釘：哈，今晚當益下佢地！仲有我唔輸蝕妳好多~
心兒：我點同妳地啲後生比…
豆釘：點會無得比？阿嫂依然好靚！
心兒：一件外套唔洗賣口乖喇！返到入房攞俾妳喇… 行得未？
豆釘：行得喇！( 一出洗手間門口就見阿陳 )

any update?

要等呀... 師兄🙏🏿
已無存貨係度😅
依排仲堅忙.....

各位師兄師姐
等多一個星期🙏🏿俾個期迫下自己寫埋落去