188Channel

標題: 點解可以接受對方婚前........但唔可以接受對方婚後....... [打印本頁]
作者: 平衡生活    時間: 2024-4-16 00:10     標題: 點解可以接受對方婚前........但唔可以接受對方婚後.......

本主題需向作者支付相應積分才能瀏覽
作者: 蛇貴妃    時間: 2024-4-16 09:17

引用:
原帖由 平衡生活 於 2024-4-16 00:10 發表 查看引用來源
處女現今社會可以講話係史前動物，相信好多都喺未成年時都已經畀人破處，如今相信都好難搵到處女/處男呢種動物，相信大家都可以接受結婚前對方都不是處子之身，接受對方婚前有無數男性/女性 性伴侶，但係結婚之後除咗自己就唔 ...
當然, 點睇呢個問題係非常個人, 所以就只能講個人理解

我諗你將兩個concept 混淆左啦, 婚前已經唔係處男處女同婚後有d 咩性伴侶係完全兩回事
兩個人結婚前, 婚約並唔存在, 無需要向對方負責, 而婚姻係一個承諾, 有冇宗教信仰都好都會公開承諾視對方為自己唯一,
除非建立呢個婚姻關係之前雙方有共識有協議啦, 講到明我同你只做法律上既伴侶, 我同你都可以係你我之間同時跟其他人有性接觸

出軌偷食呢個行為, 往往都會夾雜著欺騙同隱瞞,
我諗世上冇幾多個人, 會係出面食完, 遲左返屋企, 返黎俾老公/ 老婆問做咩今日遲左,
會可以好直接咁話頭先同左sp/ sl/ 同事上床, 又或者好似OT 咁一早打電話俾對方話我同同事做埋愛先返架
有任何被對方feel 到唔對路提出質問, 你既第一反應又一定會係作理由解釋, 唔會俾人盤一下就好順攤咁交代自己偷食
關鍵就係呢度, 係講大話, 違背婚姻承諾唔係同左第二個人上床呢件事本身, 而係有意去呃對方
講大話呃人, 無論點講都係你唔o岩

唔好講話咩野善意既大話, 唔話你知係怕你傷心痛心所以先瞞住你
牛唔飲水唔㩒得牛頭低, 除非你俾人落藥迷姦囉! 但就算係咁既然錯既又唔係你,
你不過係罪案既受傷人, 你更加冇理由唔話我知
真係咁怕我傷心, 一開始就唔好做果d 明知會令我傷心既事

勉強要講返婚前都得, 即係 (我只能講女人睇男人個角度啦)
我既然都講得出口話我愛你, 假如你係處男, 經驗不足, 秒射, 無所謂架, 我同你一齊去體驗去發掘,
如果你身經百戰咩都識玩咩都玩過, 我都會好happy, 用我自己身體去感受你既戰鬥力
只要唔好講相反, 扮純情處男或者吹噓性能力上到床先發現原來不外如是, 咁樣亦係欺騙, 我只會覺得你on9
作者: cc19880910    時間: 2024-4-16 09:21

引用:
原帖由 平衡生活 於 2024-4-16 00:10 發表 查看引用來源
處女現今社會可以講話係史前動物，相信好多都喺未成年時都已經畀人破處，如今相信都好難搵到處女/處男呢種動物，相信大家都可以接受結婚前對方都不是處子之身，接受對方婚前有無數男性/女性 性伴侶，但係結婚之後除咗自己就唔 ...
我覺得結婚之後再出現呢個情況，其實雙方都有責任，其實冇話原諒唔原諒，其實想睇你之後大家嘅關係想點樣，現實上唔少人結咗婚之後都各自出去玩，如果大家有個共識就冇問題。咁當然要修正出軌呢個行為都要靠雙方嘅努力。
作者: 樓上吉仔    時間: 2024-4-16 09:56

呢個好問題，當然好睇大家點睇，我覺得好似食飯咁，餐餐同一款都會悶，婚後點解唔可以同第二個做？唔可以話偷食，應該話明食，不過要比對方知，同埋唔好影響家庭關係和有金錢瓜葛
作者: cc19880910    時間: 2024-4-16 10:13

引用:
原帖由 樓上吉仔 於 2024-4-16 09:56 發表 查看引用來源
呢個好問題，當然好睇大家點睇，我覺得好似食飯咁，餐餐同一款都會悶，婚後點解唔可以同第二個做？唔可以話偷食，應該話明食，不過要比對方知，同埋唔好影響家庭關係和有金錢瓜葛 ...
唔影響家庭關係，最大條件係冇小朋友。
作者: 樓上吉仔    時間: 2024-4-16 10:15

引用:
原帖由 cc19880910 於 2024-4-16 10:13 發表 查看引用來源

唔影響家庭關係，最大條件係冇小朋友。
有小朋友就應該冇時間出去搵食，可能就連兩公婆做既時間都冇乜
作者: cc19880910    時間: 2024-4-16 10:16

引用:
原帖由 樓上吉仔 於 2024-4-16 10:15 發表 查看引用來源

有小朋友就應該冇時間出去搵食，可能就連兩公婆做既時間都冇乜
第一句唔係好認同，因為真係有朋友有小朋友，而又有出軌嘅情況
作者: 樓上吉仔    時間: 2024-4-16 10:27

引用:
原帖由 cc19880910 於 2024-4-16 10:16 發表 查看引用來源

第一句唔係好認同，因為真係有朋友有小朋友，而又有出軌嘅情況
當然有啦，睇你有幾重視個小朋友囉，有啲乜都唔理玩左先算，有啲就乜都小朋友行先，其他野可以放棄
作者: 平衡生活    時間: 2024-4-16 14:31

引用:
原帖由 蛇貴妃 於 2024-4-16 09:17 發表 查看引用來源

當然, 點睇呢個問題係非常個人, 所以就只能講個人理解

我諗你將兩個concept 混淆左啦, 婚前已經唔係處男處女同婚後有d 咩性伴侶係完全兩回事
兩個人結婚前, 婚約並唔存在, 無需要向對方負責, 而婚姻係一個承諾,  ...
引用:
原帖由 cc19880910 於 2024-4-16 09:21 發表

我覺得結婚之後再出現呢個情況，其實雙方都有責任，其實冇話原諒唔原諒，其實想睇你之後大家嘅關係想點樣，現實上唔少人結咗婚之後都各自出去玩，如果大家有個共識就冇問題。咁當然要修正出軌呢個行為都要靠雙方嘅努力。 ...
可能本人文筆不順、詞不達意而引起誤會。
我原本嘅意思其實係想講，既然知道對方結婚前有不少性伴侶（可能拍咗好多次拖）你都可以接受，佢結婚之後點解唔可以接受佢有一、兩次出軌行為，而佢呢一、兩次出軌行為你有冇自我檢討一下點解對方會出軌，係自己對佢唔好、唔了解對方又甚至對對方不尊重，又或者佢一時小心、又或失意之時比其他人有機可成而導致佢同其他異性發生性行為。
其實真係唔係好明點解男人出軌，女人就話對方污糟邋遢唔可以接受一定要離婚，點解自己就係乾乾淨淨其他女人就係污糟邋遢（重伸一點與男方出軌的女性並不是雞，可能是單身女性又或者人妻又可能係單身人妻），咁佢有冇諗過結婚前同其他男性發生性行為，又有冇考慮過呢啲男性又有其他女性性伴侶，咁點解佢又唔話其他女性污糟邋遢又或者自己污糟邋遢，為什麼結婚之後先會指費其他女性係污糟邋遢（好想知道污糟邋遢定義係啲乜嘢）。
唔知道係男性大方定係女性小氣。後生嗰時有幾個同事/朋友都有出軌事情發生。咁啱有兩位女同事都係已經結咗婚有兩、三個仔女，又咁啱都各自同另外兩位男性同事發生婚外情，大家都維持咗半年至一年時間，之後兩位女同事最終都返回自己老公身邊。另外又有一位男同事就冇咁好彩要同老婆離婚，又有一位男性朋友因為婚外情老婆唔肯原諒最終自殺收場。
作者: cc19880910    時間: 2024-4-16 14:56

引用:
原帖由 平衡生活 於 2024-4-16 14:31 發表 查看引用來源



可能本人文筆不順、詞不達意而引起誤會。
我原本嘅意思其實係想講，既然知道對方結婚前有不少性伴侶（可能拍咗好多次拖）你都可以接受，佢結婚之後點解唔可以接受佢有一、兩次出軌行為，而佢呢一、兩次出軌行為你有冇自我檢 ...
我明白你嘅意思，出軌呢樣嘢喺論上係應該兩性平等，但世事又有咩可能所有嘢都做到平等。每個人可以接受嘅嘢唔同，每個人嘅底線都有高有低，所以唔可以話一把尺叫所有人都按同一標準。


我自己把尺比較寬鬆，我唔介意另一半出軌，雖然係結咗婚之後佢冇，喺日常溝通嘅時候我都同佢講我唔介意佢出去玩，不過佢都表達過佢唔會咁做，原因係因為俾人屌屌下會屌出真感情，後尾諗吓諗吓依樣嘢都真係好危險，所以而家冇再同佢講話可以俾佢咁做。
作者: dragonbone    時間: 2024-4-16 16:22

引用:
原帖由 平衡生活 於 2024-4-16 00:10 發表 查看引用來源
處女現今社會可以講話係史前動物，相信好多都喺未成年時都已經畀人破處，如今相信都好難搵到處女/處男呢種動物，相信大家都可以接受結婚前對方都不是處子之身，接受對方婚前有無數男性/女性 性伴侶，但係結婚之後除咗自己就唔 ...
以下內容，不喜勿插。

師兄，其實簡單講，底線，做人榜樣，承諾，仲有信任度既分野。
你後生出去玩，可以係你有型，風流，英型帥，唔好講道德審判，就是交代，你都只係同你認為需要既人交代。
婚後，有法律限制，道德枷鎖，結婚既誓言，講得出做唔到，如果當事人係small potato，當然可以一句我依然故我因為我瀟灑，但你身邊既人呢?當你身份越多，你就明你可以唔結婚，但結得婚就要做個負責任既人，而唔係婚前係咁，婚後做咩唔可以咁簡單。
始終結婚係你情我願，揀左另一身份生活生存，就會套上另一生活模式，呢個係遊戲規則。

我表弟型到爆，身居要職，條條女都索靚正，但佢已30中，想有小朋友，我就同佢講，小朋友既健康唔止身體，仲有心態成長，健全家庭，未玩夠，就玩，玩到夠皮先好收心，呢條係底線，做人如果無承諾要守，亦唔可能期望身邊人會守。而如果一個連修身，齊家都做唔好既人，點叫其他人對佢有信心呢?

我見師兄認真問，我先答。其實做人有身份係好事，證明你在其他人心目中有存在價值同地位，相反，如果可以堂而皇之不用同任何人交代又或沒人會理會又介意你做過乜既人生，未必係你想過既人生。
作者: iamfat    時間: 2024-4-16 16:49

因為好多人以為婚姻可以用作緊箍咒，可以臣服或者改變對方。連佛祖都降服唔到嘅齊天大聖，最終都係取完西經先頓悟立地成佛。🙏🙏
作者: cc19880910    時間: 2024-4-16 17:02

引用:
原帖由 iamfat 於 2024-4-16 16:49 發表 查看引用來源
因為好多人以為婚姻可以用作緊箍咒，可以臣服或者改變對方。連佛祖都降服唔到嘅齊天大聖，最終都係取完西經先頓悟立地成佛。🙏🙏
對某啲人嚟講結婚係可以做到緊箍咒嘅效果，但你講得啱，要心甘情願咁樣做到先係真正嘅成功。
作者: 蛇貴妃    時間: 2024-4-17 07:51

引用:
原帖由 平衡生活 於 2024-4-16 14:31 發表 查看引用來源



可能本人文筆不順、詞不達意而引起誤會。
我原本嘅意思其實係想講，既然知道對方結婚前有不少性伴侶（可能拍咗好多次拖）你都可以接受，佢結婚之後點解唔可以接受佢有一、兩次出軌行為，而佢呢一、兩次出軌行為你有冇自我檢 ...
WOW...
冇人話過男人出軌就污糟自己就乾淨呀, 呢樣野絕對係應該男女平等
或者可以話女人最介懷既, 未必可以代表所有女人但我的確係咁諗囉,
兩個人發生得性行為, 除非個男既純粹係洩慾式強姦啦 否則梗會有一d 同人好親密好有passion 既前戲行為
我自己非常中意, 俾對方係我身上做既時候感覺好sweet好浪漫, 你係同我我一齊之後對另一個女人做同樣既行為
作為一個女人好難唔妒忌囉! 呢個就係我所謂既污糟, 唔係physically 比如沖涼冇洗乾淨果種污糟,
而係一種心理上既反感, 因為我仲愛你, 我唔願意同另一個女人分享你

再講返婚前婚後既比較, 但必須要修正一下, 應該係認識你之前同嫁左俾你之後, 掉返轉講亦得
直到我同你相識前既果一秒鐘, 我同你都唔知道對方既存在, 唔知道將會同你有情侶關係,
咁當然亦唔存在我地要對彼此負責既個說法! 婚約只係一個法律程序同一份文件
程序/ 文件既背後則係我同你相愛既事實, 亦係我地大家都願意看到呢個情侶關係更進一步既象徵
由單身自己一人, 去到愛上一個人, 向對方示愛/ 接受追求, 再到同中意既人建立家庭,
每一步都係一個身份既轉變, 或者升級, 堅守成為男女朋友或者法定夫妻時許下過既承諾,
唔但只係愛護對方, 亦係尊重自己作為人地男朋友/女朋友/丈夫/妻子呢個身份
我自己係咁睇囉, 來者不拒係一種放縱, 肉體上既happy, 對另一半忠誠拒絕其他誘惑, 係一種驕傲

另外你提到既一個問題, 對方出軌時自己既責任, 呢個講法我亦唔反對
所以之前講過九萬次, 情侶又好夫妻又好, 關係建立左之後並唔係一勞永逸, 依然需要去經營同維繫
男人照顧同保護身邊女人係佢既責任, 女人亦要從另一角度照顧返自己男人既需要
哪怕有d 時候對方有d 要求同需要並唔係自己真心喜歡都好, 人生從來冇話一帆風順事事如意架啦,
返工賺錢係為養家, 但如果有得揀而又真係 100% up to you, 你會選擇朝朝早趕返工定係去遊埠?
為對方做一d 自己當時未必真係最想做既野, 亦係一個責任, 日常生活到性生活道理亦係一樣囉

之不過作為一個成熟既人, once again, 不分男女, 你俾唔到性生活滿足俾我, 我就二話不說自己出去happy
你做錯在先所以我亦都entitle 可以去做錯事咁既諗法, 咁同以牙還牙以暴易暴有咩分別?
同人結得婚做得一家人, 有咩唔可以拎出黎討論? 又唔係同人盲婚啞嫁, 同對方先走過情侶階段先成為夫妻,
亦有過恩愛激情有過晒赤裸親密接觸, "難以啓齒" 都唔係理由囉!
同樣地, 開誠佈公攞出黎討論, 一來係尊重你, 二來尊重夫妻關係, last but not least 亦係尊重自己身份
實在係講唔掂數可以到時候再算, 各自快樂又好結束關係又好, 都需要有共識
反正有得 "偷", "呃", "瞞", "騙" 成份既行為, 錯既就一定一定係我本人
作者: 淫亂小魔星    時間: 2024-4-17 09:15

引用:
原帖由 平衡生活 於 2024-4-16 00:10 發表 查看引用來源
處女現今社會可以講話係史前動物，相信好多都喺未成年時都已經畀人破處，如今相信都好難搵到處女/處男呢種動物，相信大家都可以接受結婚前對方都不是處子之身，接受對方婚前有無數男性/女性 性伴侶，但係結婚之後除咗自己就唔 ...
如果搵到個同自己一樣 又要結婚但又想繼續玩

講聲好似盡左責 但唔一樣既話好似要改變人去迎合自己
作者: ppt2016    時間: 2024-4-17 21:45     標題: 回覆 1# 平衡生活 的帖子

你臨尾果幾句反問好中POINT,呢幾個月我都不停問緊自己呢D問題
作者: 平衡生活    時間: 2024-4-17 23:51

引用:
原帖由 ppt2016 於 2024-4-17 21:45 發表 查看引用來源
你臨尾果幾句反問好中POINT,呢幾個月我都不停問緊自己呢D問題
老婆畀綠帽你戴？
作者: cc19880910    時間: 2024-4-18 09:03

引用:
原帖由 ppt2016 於 2024-4-17 21:45 發表 查看引用來源
你臨尾果幾句反問好中POINT,呢幾個月我都不停問緊自己呢D問題
點解你會問自己呢啲問題？



歡迎光臨 188Channel (https://www.188channel.com/)