引用:
原帖由 dragonbone 於 12/3/2024 15:44 發表
HAHA......可惜我唔係呢。我太思前想後,其實有時呢家野我心態轉左,我覺得令女人主動吸引過我食到佢。
講開又講,
一間投資公司,最多靚仔靚女靚境靚食物係咩時候,咩部門呢?
我覺得往往係同公司賺錢既人,又或公司係對外投 ...
可惜阿星都唔係,食少好多女。之但係亂咁放入口又真係會腸胃唔好,所以阿星為咗個肚仔,都係揀飲擇食好。
完全贊成龍師兄話靚女高學歷幾咁令人鼓舞。阿星覺得高學歷之後就係高情商,有學識嘅人都未必有情商,君不見間唔時就會有一兩個外貌不俗身上穿搭有返咁上下嘅女仔大街大巷依嘩鬼嘈喊驚咁樣,然後就連有七分嘅姿色都因爲佢嘅吵鬧而失色。
阿星上星期好日都唔搭地鐵,一搭就遇到件極品,喺原本除咗火車車轆行走喺火車軌上面嘅轟轟聲底下個個埋頭苦睇緊手機之際,有一把女人聲喺亳無徵兆之下突然慘叫。凄慘程度直頭可以同一個小朋友食食下果支雪條突然間跌咗落地之後一時呆滯,再由沉默之中打破封實咗嘅咀,為嘅係想喊咁款,喺地鐵嘅車廂內發出凄厲嘅叫聲,直頭好似午夜胸鈴咁。
阿星因爲嚇親,由手機嘅世界入面走返出嚟,同其他乘客你眼望阿星眼。四圍望下,都唔覺有人扮鬼叫,正想返入去手機世界入面繼續歷險嘅時候,果把好鬼死鬼凄厲嘅女人聲再一次出現。嘩~~~~~~~~正衰人嚟嫁~~~~~~~!阿星終於聽到隻女鬼講乜。
就係咁,阿星望住一隻……………係一個,應該如無意外或者可能有機會係,一個女仔喺座位度企咗起身,一頭短髮,一身花裙,一個面容扭曲。阿星咁大個仔……………應該話咁大個星都真係未見過一個眉清目秀嘅女仔可以喺咁短時間內玩變臉,簡直令阿星瞠目結舌。
個幾好樣嘅女仔喊一下停一下咁,一路搭扶手電梯上咗去,隨住佢窈窕嘅身影一路上升遠去,聲音亦都慢慢消退,就好似從來都都發生過呢件事咁😬