出多一話,講埋落去。
那些年,星星同學會 第26話
當年太空戰士系列吸引唔少青少年,阿星同Grace都唔例外。佢嘅反應嚟得異常之慢,等咗好耐,都冇聲,仲諗住個電話壞咗,正想收線嘅時候,佢先答我:「最近冇玩。」 真係好怕沉默再度降臨,阿星即時接上:「咁打到邊度呀?識唔識再打落去?」
話題打開咗,大家多啲嘢講,阿星係係死𡃁仔,佢係𡃁妹,唔怕大家見笑,當時啲十七八青少年係講呢啲㗎咋,冇咁多咩學民咩之類咁遠大理想同情操。
Grace講多兩講俾阿星逗到笑返,應該都係時候功成身退,就同Grace話阿星去訓喇。點知佢又唔出聲,唉,咁你想阿星點呢?你家姐又唔喺度,阿星又冇嘢做,你又唔收線,阿星又眼瞓…………
咁嘅情況,梗係直接啲話佢知阿星眼瞓,跟住就收線啦。佢聽完靜咗一陣,問阿星聽日會唔會打俾佢?呢啲嘢瞓醒先講啦,鬼知聽日做咩呢?係咁咦隨便應下話好咪收線瞓覺囉。
待續😬
當時Grace大概就係咁樣喇
而姐姐Joyce就係咁上下
[
本帖最後由 star_platina 於 2023-5-10 13:02 編輯 ]