引用:
原帖由 辣媽人妻 於 9/4/2024 21:19 發表 
我喺呢度講了髮型師的故事，不過其實仲有好多職業都會因為工作關係好容易接觸女性，大家講講自己嘅經歷，溝人或者俾人溝都可以。
我想到的是攝影師，健身教練⋯⋯等等，之前好似有一個按摩師喺呢度講一啲女人搵佢按邪骨的故事， ...
呢啲話題好有趣，唔同嘅職業真係會接觸好多唔同類型嘅人。
工程都有好多女仔，尤其是設計同物管界别，真係非常之多。
有睇開阿星故仔都知道，阿星除咗係一個不解風情嘅工程佬之外，仲係一個催眠治療師同埋一個生涯規劃導師。你問阿星點樣平衡三個工作？是咁的法官閣下，呢個係秘密，總之阿星喺三份工作入面都識到好多唔同類型嘅人，有男有女，有同行亦有客户。
如果話三份工作好似冇乜共通之處，阿星會話俾你知，有冇共通之處其實真係好閒；不過其實係有嘅，呢個亦都係阿星嘅强項。
三個工種入面，阿星比較喜歡催眠治療師，催眠治療師接觸嘅人面最廣闊，女性客户多，轉介嘅亦都大多係女性。當然，阿星並唔係餓到係女都啱，而且要維持良好專業形象，做生意嘛，錢同女人邊樣重要？梗係專業形象啦，仲問？
客户係唔會掂嘅，除非治療完成之後變咗朋友……………………😬
