又係星期四,凍冰冰睇米雪,第17話~
米雪 17
喺阿Cassy返咗落去佢房度冲涼嘅時候,阿星亦都執好啲行李,攞番隻二胡出嚟,頭先喺商場門口食完煙之後拉到一半就俾警察叔叔截停咗嘅曲真係到喉唔到肺,所以阿星決定拉多一次完成件事,係㗎,阿星都有少少完美主意傾向,如果一件開始咗做嘅事完成唔到嘅話,阿星會好沮喪。
阿星執好哂啲行李就等阿Cassy返上嚟攬攬抱抱,而拉二胡打發時間都不失為一個方法。拉完之前俾差人叔叔截停咗嘅一曲之後,阿星再拉多一首<<碎雨江南>>,呢個時候阿星個爛舊低智能高漏電嘅手機通知阿星有短訊,啲短訊真係遲唔嚟早唔嚟,喺了星練琴嘅時候先至嚟。
短訊係一個獅城嘅電話號碼,但並冇大頭相,唔知係乜水,既然係咁,唔好理佢,趁Cassy未上嚟拉多一隻曲先講,一陣佢上嚟又攬攬錫錫抱抱摸摸咁,阿星都唔多得閒。然後,當然係Cassy上到嚟,阿星出盡渾身解數去氹番呢個頭先俾人話勾住阿星隻手而扁哂咀仔嘅美麗而性感嘅女仔啦。
一夜無話,只有啪啪聲同纏綿嘅叫喚聲,加上房間入面激情嘅高温,跌落地嘅被,同埋交纏埋一齊嘅四條腿。
正所謂:
各自回房拾行李
再奏樂章好完事
忽地傳來一短訊
不知獅城何許人
靜待嘉倩入室來
春宵曲調滿空間
相互纏綿樂登峰
金翅心理平衡番鳥
(待續)😬
[ 本帖最後由 star_platina 於 2021-11-25 10:22 編輯 ]