star_platina

星期三嘅阿星，準備同星巴阿星嘅米雪開戰。米雪第31話～

米雪 31

阿星一時之間都真係唔識俾反應Michelle，一嚟兩個人嘅姿勢真係好突兀，二嚟頭先果巴星得太突如其來，三嚟阿星真係第一次遇到啲咁嘅事。Michelle其實都算係一個幾有姿色嘅女人，不過佢嘅反覆無常嘅態度真係令到阿星有啲不知所措。阿星其實唔算得上係女人磁石，係女人都吸埋身；反而阿星覺得自己係一個怪叔叔，雖則唔係個個人敢埋阿星身，但係埋親嚟嘅都或多或少唔多正常。再一次證明阿星嘅直覺真係好準，去到邊都有怪人埋身，唉，又要睇下點樣幫下佢喇，之但係最令阿星煩惱嘅嘢，係點樣同Cassy解釋阿星同Michelle私下見面，惹起禍來呢？

喺阿星用佢個青豆咁上下大嘅腦部高速運作思考嘅時候，令人出乎意料嘅事情再一次發生。係咩嘢？即係咁，有個女人好大巴咁星完你之後好用力咁攬住你用個塊嫩滑嘅面珠喺你塊面度磨擦，你應該會想像得到之後會點喇啩？呢啲嘢唔使阿星講出口啦，一個大男人嘅小星星企直咗，一個女人咁樣攬住嚟磨，點都會有啲嘢會發生囉，係咪？

冇錯，大家都冇估錯，要發生嘅始終都要發生，喺阿星俾Michelle箍住郁都郁唔到嘅情況底下，阿星耳仔邊聽到沉重而均勻嘅呼吸聲，呼吸聲伴隨住一啖又一啖嘅暖空氣吹落阿星隻耳仔度。根據呢啲咁樣嘅呼吸聲，阿星心入面諗緊一樣嘢，呢樣嘢應該你都諗緊，係咪？

阿星諗緊，Michelle係咪瞓著咗呢？呢啲時候最好就係驗證下。阿星選擇用手嚟驗證，即係咁，用隻俾佢攬實壓咗喺佢心口嘅右手輕輕咁抽離佢柔軟嘅34B，阿星一路慢慢咁搖動右手，慢慢咁將右手解放咗出嚟，然後用撐住喺床邊嘅左手慢慢將自己扶離床邊，再企直望下瞓喺床上面嘅Michelle。冇錯，你估得冇錯，阿星都估得冇錯，阿Michelle已經瞓著咗。嚟，俾個5阿星！

正所謂：

高傲表現確難明
英雄直覺何其準
思索計策對應間
忽地情況突生變
沉重呼吸響耳邊
原來白雪入夢鄉

金翅要諗下計鳥
（待續）😬

[ 本帖最後由 star_platina 於 2021-12-15 08:59 編輯 ]

star_platina

引用:

原帖由 boar36 於 15/12/2021 08:52 發表
早晨  星爺，寫好了   又來鳥  ........   金翅要諗吓計鳥！     

高傲表現確難明
英雄直覺何其準
思索計策對應間
忽地情況突生變
沉重呼吸響耳邊
原來白雪入夢鄉 ...

某錯，要諗下點樣甩身先得😬

star_platina

引用:

原帖由 boar36 於 15/12/2021 09:25 發表
呢句真，米雪嘅行動有如餓虎擒羊般！！

唔通就係傳聞中嘅餓雪擒星？😬

star_platina

引用:

原帖由 柒七仔 於 15/12/2021 11:03 發表
米雪都幾神經質，師兄睇路呀🤣

呢啲唔易食嘅嘢，都係少食為妙😬

star_platina

引用:

原帖由 柒七仔 於 15/12/2021 13:11 發表

食完後果可能有好長手尾，咁就喊都無謂🤣

即係咁，阿星腸胃唔巧吖嘛😬

star_platina

引用:

原帖由 koalaau 於 15/12/2021 14:25 發表
乜遇著個s女唔唔好彩？

簡直猶有餘悸啦😬

star_platina

又係星期四，米雪第32話～


米雪 32

尋晚發生咗嘅嘢，阿星真係唔想再想起，亦都唔想再提起，更加唔想令到小星星企起。尋晚，阿星幫阿Michelle冚好被，摸下佢塊面珠仔之後就靜雞雞鼠咗喇。咩？你話阿星有食唔食咁罪大惡極？都～～～～～～話阿星唔係咩狗屎垃圾都放入口，雖然人地有幾分姿色，而且都好似表達願意繼續下場，之但係阿星所睇到嘅就並唔係果回事。阿星睇到嘅，係一個唔開心有心結嘅人所表露出嚟嘅不安，孤獨，同埋渴望。

對於阿星嚟講，呢趟榴槤之國嘅工幹識到Cassy，實在已經令到阿星喜出望外，冇預料過，冇計算過，亦都冇諗過。阿星唔想亦都唔希望呢段得來不易嘅感情受到破壞，如果係阿星一手破壞嘅話，就真係罪大惡極喇。阿星心入面諗住嘅，係Cassy，不過阿星都好老實同你講，當時小星星簡直係千願意萬願意，如果阿星當時條褲俾人除咗嘅話，小星星應該會進入自動導航模式，三爬兩撥就應該順利入咗一個無底嘅深淵。

今朝阿星收到某君嘅短訊，問阿星尋晚究竟發生咗咩事。你…………唔係斷片下話？阿星唯有發揮奧斯卡最佳男主角嘅天份，陪你呢個最佳女主角演落去。「我聽日先飛返去呀，你今晚陪我啦。」咩？阿星唔係好明，你講多次？「一陣你同我食晏，然後我喺你公司樓下行商場，等埋你食晚飯啦，就咁！」喂？

正所謂：

把握時機抽身退
能擁嘉倩乃福至
不欲節外又生枝
奈何信息再復來
追問昨晚生何事
再約會面共進餐

金翅山雨欲來鳥
（待續）😬

[ 本帖最後由 star_platina 於 2021-12-16 10:00 編輯 ]

star_platina

引用:

原帖由 柒七仔 於 16/12/2021 09:09 發表
早呀師兄！米雪好明顯想獻身比妳喎！

早呀師兄，呢趟好明顯有陰謀有蠱惑喎😬

star_platina

引用:

原帖由 boar36 於 16/12/2021 09:22 發表
早晨  星爺，寫好了   又來鳥  ........  金翅山雨欲來鳥！   

把握時機抽身退
能擁嘉倩乃福至
不欲節外又生枝
奈何信息再復來
追問昨晚生何事
再約會面共進餐 ...

早晨boar師兄，山雨欲來就大件事鳥囉😬

star_platina

引用:

原帖由 boar36 於 16/12/2021 10:43 發表
山雨欲來再加上餓雪擒星  ........  咁就真喺大碌夾長鳥

米雪冇辦法山雨欲來夾小星星，而小星星顧名思義當然係以小嚟聞名，大碌夾長真係某阿星份鳥😬