star_platina

好多師兄尋日話睇唔到相片，其實留返啲想像空間俾自己唔好咩，阿星貼咗相之後大家會後悔信錯阿星，如無意外應該可能或者有機會是但隨便唔知係唔係阿星嘅文筆有進步，師兄們俾阿星呃咗，故事入面嘅人比起相片入面嘅真人可能更加令人想入非非，而望到相片之後就會覺得阿星言過其實。

不過唔緊要啦，故事嘅精彩之處，在於無限嘅想像空間，當大家睇完女伴們嘅相片之後，又或者會好奇阿星究竟有幾高，啲女士們睇落個個都唔矮，點解阿星個角度講到佢哋咁細粒？原因就係阿星生得高大接近兩米，所有女士喺阿星面前都變得嬌小。講住咁多先，故事繼續，有機會再快閃下女伴們嘅相片～

Louise VI

啱啱找數阿星真係有啲後悔，如果阿Louise食剩果啲頭盤全部打包返屋企俾阿星食，阿星打後一個星期應該唔使煮。係㗎，阿星其實係識煮下嘢食嘅，簡單如煎一隻燶邊大陽蛋，到法國名菜韃靼牛肉(steak tartare)果啲即刻要整嘅手打生牛肉都難唔到阿星，但係如果要阿星煮中菜就真係考起。講咗咁耐，阿星想講要煮查實阿星都煮到嚟食，係懶咁解啫。Louise飲咗阿星咁多酒，好似都唔多揸到車，阿星話叫車送佢返屋企，但係佢連答阿星好唔好都有啲難。鬼叫你咁樣浪費阿星啲酒咩，阿星真係心痛，你堅係飲，請你飲都冇問題，你咁飲法，嘥哂，唉！

阿星見佢都貓貓地，就同佢講你唔好搭車啦，阿星車你返去啦聽日記得俾返車費阿星。安頓好Louise上車之後，阿星見佢已經瞇埋眼喺乘客位度瞓覺，應該都可以安靜一輪等阿星送佢返屋企先。呢程車係阿星揸車咁耐最安全嘅一程，阿星手車出名定，阿Cassy地最中意坐阿星架車，舒服到次次上車都瞓著覺。Louise都唔例外，呼吸深沉，胸口起伏均匀，伴隨住路面嘅輕微不平坦而令到38G不時跳動。阿星冇特登睇㗎，咁佢係咁跳又冇著bra，望下都唔係過份啫下話？

Louise都係住apartment嘅，佢住嘅地區同阿星距離大約40分鐘車程，跳動就不時㗎啦，榴蓮之國嘅馬路大都凹凸不平，跳跳下其實都好正常，阿星冇專登行果啲路嚟昅嘢㗎。Louise 都真係幾特別，佢唔係特別靚，比起Cassy少啲豪爽，比較Elly佢冇咁斯文，亦都冇Miss Tang 果種小鳥依人，就係多咗層晦氣，成日好似有人欠咗佢咁。佢啲態度唔多合群，阿星會覺得佢一定係有啲原因。

到咗apartment嘅樓下，阿星諗住拍拍Louise叫醒佢落車，佢皺晒眉咁死人都唔打開眼。但係阿星都真係要走啦，你屋企離阿星處都有啲距離，阿星想你快啲落車，然後返屋企後悔下呢餐飯。有時候你越想事情按照計劃進行，事情就偏偏唔會照你所想去發生。Louise終於張開眼望住阿星，一路皺住眉頭一路望，然後大家期待嘅畫面終於出現，佢伸出左手想摸阿星塊面，點知摸唔到，一手揸住阿星個衣襟，然後“嘩”咗一聲。

你冇聽錯，頭先餐廳嘅美酒佳餚，一次過嘔哂落阿星個身同阿星架車度！我頂你！
（待續）😬

star_platina

引用:

原帖由 R.Gonzalez 於 3/6/2021 08:10 發表

嘔吐物真係好難頂得蒲。

簡直係慘無人道慘不忍睹😬

star_platina

引用:

原帖由 哥哥peter 於 3/6/2021 08:36 發表
錯過左3個嘅相呀～天呀～

4個都有呀😬

star_platina

引用:

原帖由 R.Gonzalez 於 3/6/2021 08:40 發表

係咪仍然12點出相？

12點半，出一位嘅相，5分鐘就閃，大家睇到就算，太介懷故事人物同事實不符會令閱讀興致大減😬

star_platina

引用:

原帖由 更年大叔 於 3/6/2021 09:06 發表

直頭係惺惺相惜

令到我情不自禁

👨‍❤️‍💋‍👨

咁似對穿祥嘅對白嘅😬

star_platina

引用:

原帖由 更年大叔 於 3/6/2021 09:07 發表

係男人都想睇架。😝

睇完會失望，仍然會想睇，留一點空白，世界更美麗😬

star_platina

引用:

原帖由 boar36 於 3/6/2021 08:36 發表

真喺，極之難頂 ........  Star 哥呢 呢鑊金啦

師兄知唔知阿星當時成日聞到架車有陣嘔嘢味，呢個心理陰影好耐先消除😬

star_platina

引用:

原帖由 jbdefender 於 3/6/2021 10:50 發表

下下下.... 有啲咁既樹..? 我尋日只係睇左一張jar...... 只能講句: 大騎樓真係唔簡單! 好重負擔~

查實七位都有，不過唔好放哂出嚟住😬

star_platina

食晏喇，寫一段先～

Louise VII

今朝阿星攞咗架車去洗，個榴蓮國人係咁同阿星講唔會洗架嘔到咁嘅車，最後阿星出到1000個大洋，足足7倍價錢個榴蓮國人先勉為其難幫阿星洗。阿Louise真係幫阿星洗錢洗得快，食餐飯搞到阿星冇咗4000銀榴蓮紙，一晚食阿星差唔多成皮嘢，仲搞到阿星架車差唔多唔要得，你真係勁抽！阿星返唔到工，唯有講俾Elly知，佢話：「佢唔飲得酒嫁，你俾佢飲咁多會出事嫁！」阿星依家知啦，仲出大大鑊添⋯⋯⋯⋯

無幾耐Louise就打電話嚟，同阿星道歉。唉，你家下先講呢啲，阿星都唔知道俾咩反應你好喇。為咗向阿星陪罪，Louise話今晚請返阿星食飯，希望阿星唔好介意。嗱，你話㗎，今晚食番餐好似尋晚咁上下，報番阿星嘅仇，睇你今晚點死！然之後佢話今晚嚟車阿星過去，去阿星度接阿星咁講。呵，即係話今晚阿星可以飲酒咁話啦？

但係世事永遠都唔會跟住你所想像咁走嘅，Louise最後車咗阿星去一間喺佢屋企附近好出名而且好好生意嘅餐廳食飯，其實，係食麵先啱。鹼水面冇過冷河，所以成碗湯有鹼水味。魚蛋亦都冇魚味，但係你為咗掩飾，專登加啲咖喱汁將佢做成咖喱魚蛋，但係咁做太天真嘞，因為你煮嘅時間唔夠，咖喱味根本只係喺表面，而冇入到裡面，掂到湯之後重要沖走埋。好好哋一粒咖喱魚蛋，俾你整到冇魚味亦都冇咖喱味，失敗！蘿蔔冇揀過啦，太多渣，失敗！豬皮又煮得太腍，冇咬口呀，失敗！啲豬紅鬆泡泡，一夾就散，失敗中嘅失敗！最慘係啲大腸，裡面都未通乾淨，重有舊屎，你有冇搞錯呀？間嘢，係港式車仔麵。

Louise反常地食麵嘅時候好多嘢講，而且佢今日似乎心情好好，阿星用後設模式（meta-model）嘅說話技巧誘導佢講更加多，而佢亦都好配合咁答阿星好多問題。見佢今日心情好返，阿星都安樂啲，完全忘記咗要食返一餐好似尋晚咁大餐。食完麵之後Louise好似想嚟個甜品，呢度嘅甜品亦都好受歡迎，喺阿星同Louise食緊麵嘅時候已經好多人嚟買外賣。究竟係咩甜品，不如阿星俾個地址你，你自己過嚟睇下仲好啦。阿星見Louise眼甘甘咁望住人哋食，叫一份俾你又點話。然後5分鐘之後就有一份放咗喺阿星地個枱面度喇。呢份甜品令到一個榴蓮國嘅靚女眼甘甘，食得咁開心，究竟係乜？唔好眨眼啦，各位觀眾，雞～蛋～仔～是也。一樣喺香港大家食到唔食，成行成市而且款類繁多嘅小食，嚟到呢度變成咗一種好多人搶住嚟試嘅食品。啲人成日話女仔有另一個胃專食甜品嘅，Louise都唔例外，見到雞蛋仔放喺面前開心都不得之了。佢忍唔住將手掌放咗喺阿星手背上搖，左望右望，好似個小朋友咁。
（待續）😬

[ 本帖最後由 star_platina 於 2021-6-13 23:58 編輯 ]

star_platina

Cassy熱浪島再加詩篇紋身～閃完😬

[ 本帖最後由 star_platina 於 2021-6-3 12:36 編輯 ]