星期二咁凍,嚟尐熱情尐嘅故事~
那些年,星星同學會 第49話
阿星摸下Grace 短短嘅頭髮,聞到佢身上面陣香味,都唔知係洗頭水味定係佢身上面嘅味,真係搞到阿星意亂情迷,小星星楝拗咗咁耐,都真係好想出嚟抖下氣。
阿星內心交戰咗好耐,人性好吖,定係獸性好呢?係人性定獸性?性定性好?最後,阿星終於得到一個答案。
「喂,望住阿星先。」俾少少命令,再輕輕用手抬起佢個頭。面紅紅鼻紅紅嘅Grace 好可愛,同平時阿星見到嘅Grace娘娘有好大分別,而且令阿星最詫異嘅就係,原來佢係第一次。
「你真係唔驚阿星?」查實阿星自己都有啲驚,邊有人咁信阿星㗎?阿星老豆都唔信阿星啦,鬼整你真係咁全心全意奉獻俾阿星呢?
「唔!」Grace雖然細聲,但斬釘截鐵。
阿星同Grace就喺個被竇入面大家互望,你眼望星眼,四隻眼四條手臂四隻腳都冇分開過,始終都係緊緊貼住大家。阿星望到嘅,係Grace嘅一雙美麗動人嘅大眼;聽到嘅,係Grace慢慢變得急速嘅呼吸;感覺到嘅,係Grace身上越嚟越熱嘅體温。點解瞓咗咁耐,Grace呼出嚟嘅氣都冇陣口臭味,仲反而隱隱傳嚟一陣花香味嘅呢?呢啲時候,係咪應該用阿星個有陣口臭嘅咀,鍚落Grace個隱約傳嚟花香嘅小咀度呢?
咁點算?你咁樣望住阿星,咁做唔做好?
待續😬