star_platina

引用:

原帖由 licklickson 於 9/6/2023 11:53 發表
有下文吖嘛！😬

下文，要接返上理喎😬

star_platina

引用:

原帖由 licklickson 於 9/6/2023 11:55 發表
上理咪講過囉！

講下講下會唔記得嘛😬

star_platina

引用:

原帖由 licklickson 於 9/6/2023 12:05 發表
咁睇返上面囉！😬

唔睇下面人地會嬲㗎😬

star_platina

引用:

原帖由 licklickson 於 9/6/2023 12:14 發表
咁上下都睇囉！😬

又睇上又睇下，對眼好唔得閒喎😬

star_platina

引用:

原帖由 licklickson 於 9/6/2023 12:21 發表
有得睇點會唔得閒！😬

就係又睇上又睇下，好唔得閒囉😬

star_platina

星期六，孤孤獨獨，阿星趁食飯前更新下先～


那些年，星星同學會 第127話

佢攬住阿星仲未醒，阿星推推佢叫醒佢話：「今次大件事啦！」

你估佢點答？佢話：「尋晚發生好大件事呀！」

「阿星知呀，你着返衫先，阿星要同你傾下。」阿星同佢兩個，到呢一刻為止都係冇著衫嘅，而佢小小嘅一雙，仍然緊緊貼住阿星。呢個人，係Annie 。

「唔好啦，攬多一陣啦，我仲好驚。」

會唔會係阿星仲驚啲呢？點解會同佢上咗床㗎？阿星即刻落床着衫，佢坐咗起身，用張被包住，講咗一番阿星聽完差啲企唔穩嘅說話：「尋晚我差啲俾人强姦呀。」

差啲？入咗啦下麻？唔通入咗就唔算强姦，阿星要去律師樓問下先得！

「喂，唔好亂講呀，阿星冇夾硬嚟喎！」

「唔係你呀，樓下班人呀。」Annie抱住張被繼續講：「尋晚佢地幾個係咁灌我，跟住就週身巢我，好彩Andy喺度，推咗我入嚟叫我反鎖門咋。」

「 吓，唔係啩？」

「我見你瞓咗咪伏喺度喊囉。」

「咁都唔使同我做埋大龍鳳啩？」阿星其實依稀記得少少，例如星塵暴爆發咗幾多，大概都知啲嘅。

「我都想要麻，又見你咁，咪同你咩囉。」

唉，酒能亂性，以後真係唔好。呢次之後，阿星飲酒再冇飲醉，淺嘗即止。

「你唔好同任何人講呀，我仲要見人嫁。」

呢句應該係阿星講嘅對白囉，好唔好？

待續😬

star_platina

引用:

原帖由 licklickson 於 10/6/2023 12:07 發表
咁醒咗有冇執多劑？😬

點解要執多劑呢？😬

star_platina

引用:

原帖由 licklickson 於 10/6/2023 13:52 發表
之前冇試真吖嘛！😬

查實從來冇諗過要同佢，真係要揾女仔好容易，落下night club 果啲點都識到個返屋企。阿星係一個奄尖嘅人，當時覺得佢唔多醒目，真係唔想同啲溝通唔到嘅人太多交流😬

star_platina

阿星同Annie嘅糊塗事就咁完咗，跟住落嚟係乜水？


那些年，星星同學會 第128話

以後阿星再冇同Annie發生任何事，冇幾耐佢辭咗職返咗香港。阿星以後再冇見過佢。

廿一廿二，醉過痛過傻過。

七八月，大哥嘅表妹喺香港嚟玩。點解咁叫？因為佢係阿星大媽果邊嘅親戚，正確嚟講，同阿星冇血緣關係。Caroline表妹係同行，係阿星地香港公司嘅同事。今次嚟英國係放假同探佢姑媽，順便嚟學下英國嘅辦事方式。阿星諗佢應該有五呎啩？幾好肉地，面圓圓，咀角有粒銷魂癦，笑瞇瞇咁。佢被安排同阿星一間屋，當時阿星老竇同細媽地返哂香港，間屋得返阿星同佢兩個。

有冇講俾大家知，阿星嘅屋企人住左右兩間屋？阿哥同大媽住一間屋，阿星同老豆細媽住隔離屋。依家老豆同細媽返咗香港，得阿星同阿蓮表妹兩個人孤男寡女共處一屋喇。

阿蓮表妹好中意同阿星講嘢，好多話題嘅，好多圍繞工作嘅嘢阿星同佢都好有共鳴。佢細阿星一年，大家年紀又差唔多，所以特別多嘢講。收工阿星有帶佢四圍走㗎，仲帶佢睇音樂劇添，les miserable（孤星淚）同Miss Saigon（西貢小姐）都睇咗。佢仲笑阿星睇孤星淚喊都唔識停好搞笑，喂，人地多愁善感咋嘛。

待續😬

star_platina

那些年，星星同學會 第129話

蓮表妹有度好，乜都傾得。睇完孤星淚俾佢笑咗成晚話阿星眼淺喎，真係有啲唔忿氣，阿星就問佢夠唔夠胆聽鬼故？

「嚟囉，怕你咩？」阿蓮表妹，你係咪死頂㗎？

阿星睇得出佢其實驚驚地，之但係阿星都同佢講咗一個親身經歷，收工搭夜班巴士撞鬼嘅故事，仲同佢行果條路行返屋企。果晚半夜，阿蓮表妹走嚟敲阿星房門，問阿星瞓咗未，阿星打開門問佢咩事，佢紅都面哂話怕黑，叫阿星唔好關門，唔好關走廊燈。

哈！你都有今日喇，笑阿星？最後阿星冇關門瞓，不過瞓得唔好，因為佢半夜走過嚟，喊住咁話好驚。又係嘅，果次親身經歷阿星自己都嚇到病咗成個禮拜，佢一個女仔又點受得？

阿星同佢講：「你快啲返去瞓啦，阿星喺度。」

「唔得呀，我要知道有人！」

「隔離房咋小姐，你鼻鼾大聲啲阿星都聽到啦！」

「就係怕聽到聲！」

咁你想點？又打開門又唔關燈你都唔夠，開埋電視俾你好冇？

「你房有冇位？」

阿星房？雙人房嚟喎，張床好大，好舒服㗎。

「都有嘅，你想入嚟訓？」蓮表妹遲遲疑疑咁點點頭。

「你攞埋張被入嚟啦。」

「………………」

「又咩事呢？」

「可唔可以用你張被？」

既然係咁，嚟啦，你上床，阿星任你魚肉。

蓮表妹上床冚好被，阿星正準備熄燈，佢又猶豫，好，又睇下你想點。

「都係冇嘢啦，你熄燈啦。同埋關門啦。」吓，頭先又開門又開燈，依家又關門又熄燈，玩咩！

上咗床，諗住瞓，點知阿蓮表妹又開聲：「我瞓唔着呀。」呢啲咁嘅時候，阿星唯有氹下佢，等佢安心，唔係聽日唔使旨意起到身返工。

阿星一手捉住佢隻手，話：「你捉住阿星隻手，知道有人喺度，合埋眼快啲瞓啦，聽朝要早起身。」

第二朝起身阿星一開眼，就見到啲唔對路嘅嘢。因乜解究阿星同阿蓮表妹兩個會攬住瞓嘅呢？阿星冇問，蓮表妹冇解釋………………其實係咪應該阿蓮表妹問阿星點解攬住佢瞓，而阿星就要解釋嘅呢？

七點半，阿哥隔離屋準備出門，阿星同阿蓮表妹都一齊出發。今晚阿星應承帶佢去Covent Garden睇下，跟住同佢返唐人街食晚飯，食完就返去。收工都七點，蓮表妹行完街五點鬆啲就返到公司等阿星收工。兩個傻瓜行去睇下倫敦市中心嘅特色。高雲花園阿星行唔少次，邊檔賣咩都差唔多記得。如果大家有睇過衝上雲霄2呢，吳震宇同個睇書嘅男人喺度坐低飲嘢傾計嘅地方，就係高雲花園嘅地庫啦。

當時未有呢檔飲咖啡嘅coffee shop，但塲地冇變過。

待續😬