發達仔

我叫發達仔, 賭波十年, 近幾年每個月都有一萬幾千執, 當係零用錢.
初到貴境, 見呢度啲人好好傾, 所以登記uwant同大家玩玩.

自己以前成日買過關, 覺得以小博大輸唔死, 原來每日買一兩百都會輸死, 攪到自己無啖好食, 周身卡數, 好辛苦用左兩年至清晒.

三四年前終於醒覺, 原來賭波最實際係平注單場買, 睇盤睇路肯定實際過睇賽績.
長追贏盤王球隊同輸盤王對家, 跟紅頂白輸唔死.
今季挪超波杜基林特同瑞超特利堡幫我贏唔少.
所以決定同人分享睇盤買波招數, 每日三兩場.
每個月目標只係10注回報.

發達仔

與你同行勝負數簿
(目標每月贏10-20注)
累積投注27注
收34.17注
= 贏7.17注 (+$3,585):098: :098: :098:

JUL-28  AIK蘇納 [入球大 1.75]   $500 輸 -500
JUL-28  加爾斯 [主勝 1.7]   $500 輸 -500
JUL-28  加爾斯 [主勝 1.7]   $500 輸 - 500
JUL-28  華拉倫加 [入球大 1.82]   $500 輸 -500
JUL-28  哈馬比 [讓球平手 1.83]   $500 走
JUL-28 輸4注 (- $2,000)
本月累積: 輸4注 (-$2,000)

JUL-29 車路士 [半場W 1.22] $500 贏 +110
JUL-29 車路士 [半場W 1.22] $500 贏 +110
JUL-29 韋根 [客W 2.1] $500 贏 +550
JUL-29 白蘭恩 [入球大 1.68] $500 輸 -500
JUL-29 保頓 [客W 1.85] $500 退款
JUL-29 贏 0.54注 (+$270)
本月累積: 輸3.46注 (-$ 1,730)

JUL-30 FC愛媛 [和 3.2] [讓球和 3.7] @$250 贏 +425
JUL-30 阿里辛特 [4球 4.6]  [5球 7] @$250 贏 +1250
JUL-30 桑達克 [4球 4.6]  [5球 7] @$250 贏 + 650
JUL-30 史達  [4球 4.7]  [5球 7] @$250 贏 +1250
JUL-30 艾夫斯堡 [讓球W 2.75] $500 輸 -500
JUL-30 熱刺 [半全場 客客 2] $500 輸 -500
JUL-30 高士路 [讓球W 2.2] $500 贏 +600
JUL-30 維多利亞 [主W 1.6] $500 贏 +300
JUL-30 波圖基沙 [入球大 1.72] $500 贏+360
JUL-30 波圖基沙 [入球大 1.72] $500 贏+360
JUL-30 費古倫斯 [入球大 2] $500 輸 -500
JUL-30 彭美拉斯 [主W 1.95] $500 贏 +475
JUL-30 羸8.24 注 (+ $4,170)
本月累積: 贏4.78注 (+$ 2,390)


JUL-31 浦和紅鑽 [和 3.6][讓球和 3.7]@250 輸-500
JUL-31 甘美奧 [讓球平手 2.09] $500 贏 +545
JUL-31 利斯菲體育會 [入球大 1.7] $500 贏 +350
JUL-31 華斯高 [主w 1.8] $500 贏+400
JUL-31 華斯高 [主w 1.8] $500 贏 +400
JUL-31 羸2.39注 (+ $1,195)
本月累積: 贏7.17注 (+$ 3,585)



[ 本帖最後由 發達仔 於 2008-8-1 09:44 AM 編輯 ]

發達仔

今日賽事:

星期四1 浦和紅鑽 對 拜仁
早場友賽, 拜仁東瀛遊, 新教頭奇哥去日本聚老友, 德國名將好多去日本做過教頭, 季初日乙黃蜂就用列巴斯基, 紅鑽上季仲係巴路禾領軍.  拜仁上季入貴貨季前友賽狂炒對手, 今季無大動作, 友賽表現都失望, 作客要讓一球, 上盤幾難開, 但奇哥新官對弱隊點都唔輸得, 隨時贏球輸盤甚至和氣生財, 我爛賭鬼用返尋日早場招數, 推半注[和3.6] 半注[讓球和 3.7].   

JUL-31 甘美奧 [讓球平手 2.09]
細哨出身球會甘美奧自從呢兩季上返甲組之後, 成績都幾好. 今季只係輸過比主場王保地花高同華斯高. 亞洲盤贏盤率排第二, 僅次於今朝贏波嘅升班馬維多利亞.  維記上場輸盤今場就即贏. 甘仔上場又係輸盤, 爛賭鬼覺得佢唔會連輸兩場盤, 雖然依家平手超高水好危險, 聽朝莊家肯轉主讓平/半 甘仔低水就好穩.

JUL-31 利斯菲體育會 [入球大 1.7] $500
客隊伊泊汀加唔夠班, 肯定降班膽.  主隊利記又唔係太強, 要讓到球半我嫌太辣, 所以揀個入球大1.7碰運氣.

JUL-31 華斯高 [主w 1.8] $500
主隊華斯高係巴甲數一數二古惑波, 勁起上黎可以砌低榜首幾隊, 做野假踢就連包尾幾隊都輸. 之前主場對弱隊戈亞斯讓一球, 先輸一球埋尾至追和, 中立場對富明尼斯全場領先兩球又可以埋尾被人連入追和, 踢左幾場"大龍鳳"幫人搵銀, 今場返主場再唔認真踢就肯定激嬲老細, 聽朝對弱隊明尼路捧W1.8執梗, 隨時贏夠兩三粒, 不過爛賭鬼唔貪心買大炒, 穩陣執佢兩注W, 月尾埋數靚仔啲.

[ 本帖最後由 發達仔 於 2008-7-31 11:32 PM 編輯 ]

發達仔

我自問都有鋪賭癮, 如果唔係以前都唔駛攪到成身卡數.
成十年前香港都未開賭波, 就經朋友介紹上網賭波, 幫襯英國大莊WILL HILL.
當時靠信用卡過數交收, 英國真係咩都有得賭, 角球幾多, 紅黃牌幾多都有,
而我最鍾意玩唔係主客和, 而係上下半場入球多, 有三瓣: 上, 和, 下.
我就最鍾意買下半場多, 通常都有一點八至兩倍.
開頭買三幾百過兩三關, 後來愈賭愈大, 三兩千買二串一.
黑起上黎一晚輸一兩萬.
就係因為忍唔到, 要追數, 結果輸到@@, 月尾找卡數就還min pay.
最後發覺銀行利息同手續費好甘, 捱左半年終於忍痛cut晒啲卡, 同銀行搵份貸款月供幾千清卡數, 捱左兩年至回復自由.

不過賭性又點會自己斷呢, 零三年仲要香港開波賭, 開頭又係好似以前咁買二串一, 三串一入球大.
最後玩左兩三個月又發覺輸多贏少, 諗返以前點解輸到@@.
原因都係衰貪心同唔輸得.
五舊買單場一點幾贏三四百無肉食, 買二串一有三倍幾都有千幾蚊執, 咁至係波. 最後就成日中一關.
當黑時連輸幾場又要追數, 愈輸愈多.
結果終於明白左賭波鬥錢多同鬥命長, 一年成萬場波, 贏錢機會多, 不過係馬會贏你錢機會多.

呢幾年賭波都係平注單場, 唔係場場中咁勁, 統計過命中率大約六七成, 平均賠率就一點八左右.
以一百場計, 大約中六十幾場, 平均一點八倍, 收返一百一十幾注, 有一成幾回報.

我好爛賭, 一個月玩至少一百場波, 每場五舊, 一個月買成五萬銀, 當然唔駛真係拎五萬銀出黎啦, 因為都係一個數不停地滾落去.
我戶口就放左一萬銀(廿注)做本, 保險線係連輸廿場. 若果真係連輸廿場咁水, 咁就唔係賭波, 因為肯定條命無賭運.

所以一個月滾出總投注五六萬, 賺一成幾都有成幾千銀落袋, 就算當黑月份就多都係打個和或者輸一兩千.
呢個就係我嘅玩波心得, 勸大家千祈唔駛貪, 最緊要保本.

發達仔

引用:

原帖由 鄺仔...]] 於 2008-7-28 10:19 PM 發表
我都想學下人睇盤但可惜搵5到有教..連基本野都5識..
所以成日跟人地心水..:028:

我都唔係好識睇盤, 只係靠上大陸網睇每隊贏盤率.
有啲球隊排名唔高, 但係可能係盤王, 好似今晚隊加爾斯梗然贏盤率排第二.
但係有啲隊排前幾名, 但係贏盤率排尾幾, 可能係莊家高估, 成日要讓波或者讓多過一球.
下面呢個係我去開嘅網, 資料好齊好好用.

http://data1.7m.cn/database/index_big.htm#t2

發達仔

今晚第一炮, 咪衰比大家睇, 推四場.

星期一 1AIK蘇納 對 隆斯基爾大  1.75星期一 2加爾斯 對 辛斯華爾主勝 1.7星期一 3華拉倫加 對 特林素大 1.82星期一 4奧雷布洛 對 哈馬比讓球[0] 客 1.83

發達仔

引用:

原帖由 鄺仔...]] 於 2008-7-28 11:06 PM 發表
邊場信心大d???

講信心大就信盤王"加爾斯", 而家有1.7入貨位合理.

另一盤王特林素作客, 其他莊開主隊讓平/半低水, 馬會開個盤有鬼盤feel, 竟然開讓球主客和, 客隊受讓半球超低水.
以特林素排名同贏盤率咁好, 馬會咁大膽讓得比外圍多, 照睇馬會班盤手覺得呢場波唔會打和, 仲要覺得客隊贏面更高, 所以唔想開讓球特林素受讓平/半派高水比街坊.  
而外圍大莊今場唔開平手, 應該覺得主隊都有入球能力未必輸晒.
最後我就信主隊有波入而客隊贏波呢個結合外圍同馬會嘅決定, 買左入球大唔駛煩.

發達仔

引用:

原帖由 碧含 於 2008-7-28 11:08 PM 發表
又有勁人喇:036: 一定支持:097: :098:

我唔係勁人, 只係一個爛賭鬼:025: , 唔賭會病, 又唔想病死, 於是平注賭單場吊住條命.:071:

發達仔

星期一1 AIK蘇納 (讓球半) 隆斯基爾
AIK贏盤率唔係咁高, 尤其是很少讓一球以上贏盤, 所以我嫌今場讓球半太辣, 唔吼主客和.  客隊近期大手交易, 所以今場攻個 [入球大].

星期一2 加爾斯 (讓半球) 辛斯華爾
主隊係瑞超和波王, 所以贏左好多場下盤, 不過主場上盤都贏唔少, 三勝一負, 而家合計贏盤率僅次於榜首卡爾馬, 所以呢隊波係我長捧搵銀拍檔, 而家讓半球低水, 因為積分榜只排中游所以莊定唔敢開得太辣, 一點七係全晚最筍投注.

星期一3 華拉倫加 (讓平/半) 特林素
客隊係贏盤率第二名, 而主隊主場又唔算太勁, 開平手主隊低水比較合理, 但係外圍現時都開主隊讓平/半 低水, 同賽績不符.
馬會就更加開讓球主客和, 客隊受讓到半球超低水, 好似同外圍鬥搶下盤客.
照計呢場波下盤特林素都幾大機會, 不過超低水唔買都罷, 唔好比馬會賺水位咁多.
所以一於買[ 入球大 ].

星期一 4 奧雷布洛 (平手) 哈馬比
我心目中呢場盤口係客隊應該讓 平/半, 不過而家全世界都係開平手, 而且主隊仲不停落飛, 令我對哈馬比贏波信心都有啲動搖, 但主隊賽績上攻力真係好差, 我有信心客隊坐和望贏, 今場信自己唔信盤, 買讓球平手 [哈馬比].

發達仔

引用:

原帖由 Mc朗仔 於 2008-7-29 12:01 AM 發表
想問下你d野...依你分析

加爾斯果場細得1.59...馬會都好小開到咁熱..(大有2.2)
依你分析...e場..大定細呢又

瑞超入球唔算多, 入球大賽事主要都係榜首卡馬爾同榜尾諾高平有份.
其他賽事都係細多過大, 我自己又唔鍾意買細, 仲要低水, 就更加引唔到我.
呢場我信加爾斯W, 而佢守力都唔差, 1-0, 2-0都唔定.