KIRIN688

引用:

原帖由 鴻略 於 2023-10-4 20:25 發表

收到

RSYM兄評：「你在網上文筆邊有果位高大佬咁長氣，佢好似超得閒，少少野講7-8個分段......你網上文筆精簡到位d......」

鄧兄講：「(高某)認為同天叔糾纏旣都係低質唔岩傾旣。」單是這點已有大差異——我絕對贊成 ...

有條友仲屈左你係變態哥 我話除非精神分裂 不過家陣個帖俾死老辟去堆填區 無得繼續抽嗰條變態哥
星期日繼續向馬少場合埋手 有乜理由咁都唔中 好似尋晚第五場咁樣跑最冷兩隻出嚟 😒
頭場三班泥地1650 預計大熱應該係魅影獵飛 喺泥地六戰未甩三甲的確準繩 上場再輸俾烈風際遇極差 呢場一檔好跑 Q腳方面搏好分少少要美麗喝采 又係跑際遇而上從化試閘用放頭戰略 之前已經試呢招但效果未如理想 似乎係韋賊堅持隻馬放頭可能仲好 希威森跑放頭馬係有佢一套
第三場四班千八呢隻巴基之友真係服光頭蘇 諗起當年FRANKIE騎佢跑騎師賽 跑之前聽到一個疑似獵人成啲馬房兄弟同其他人吹水話呢隻馬其中三隻腳都有事 最後當然輸條街 今日有咁嘅成績係跌哂眼鏡 呢場有埋一檔擺前更有利 除非係落大雨完全唔適應個地 Q腳方面發財秘笈同一舖到位其實上場各自跑得都唔差 如果信馬房攻勢嘅話馬王輝嗰手馬似乎比伍仔強 對比埋檔位一舖到位個六檔更易走生位
七八場睇埋係咪會八號風球先算

[ 本帖最後由 KIRIN688 於 2023-10-7 06:38 編輯 ]

KIRIN688

星期六越洋直播澳洲東寶錦標同英國太陽戰車錦標賽日 東寶錦標對澳洲馬唔識 祝浪漫勇士好運
英國嗰邊播四場 第二場兩歲馬賽事仲要跑短途唔會賭 三場馬女賽頭場跑讓磅二千直路 睇近績市集古鎮跑呢個路程算係專家 四戰全入前三 跑法機動 對手之中大倉高仕登嘅攝政女后上場上哩半有意外大敗而回未可作準 縮返落嚟二千直路賽可收復前失

第三場馬女讓磅跑哩半轉少少右彎但整體嚟講跑道幾公平 FRANKIE走去客串練馬師HAGGAS嘅權勢母后上到哩半後跑三場非W即Q 佢肯定接呢隻馬騎唔會無的放矢 對手之中上天恩典上場同程爆冷贏出 睇之前跑二千六以上賽事無影似係正宗哩半馬 比上場孭多七磅但有上場新市場經驗今場未敢批死一定唔得

戲肉G1太陽戰車錦標馬女跑一哩直路 高仕登有啲意外派旋進軌跡跑呢場 睇嚟雅士谷對佢真係唔老嚟 對上兩場跑雅士谷都食悶棍 呢場整體水平仲差過上場傑克莫華大賽 肯定成為衆矢之的 Q腳屬意上場尚羅萬尼錦標贏馬嘅文采候婦 一哩嚴格嚟講有啲短但新市場一哩上斜氣量要求起碼都要千八二千 佢靠二千米級數走過嚟英國應有一戰之力

[ 本帖最後由 KIRIN688 於 2023-10-6 21:41 編輯 ]

KIRIN688

引用:

原帖由 月影偷情 於 2023-10-8 08:46 發表
下午又話掛八號風球喎!……

取消了 第七場本來就係想扒神仙Q搏開胡 但依家睇怕要等下個星期日 嚟緊星期三佢手馬麻麻地都唔睇好

KIRIN688

星期三預測出返太陽 揀馬好地為準
第三場三班1650川河首駒一換走徒弟就現虎相 反映隻馬係難發揮 何堯帶罪之身一定搏盡 Q腳方面燊榮之星係搏頭兩三場 跑多左嘅話戰力只會有降無升 獵人成有段時間唔用班德禮而今次居然再搵佢騎必然有古怪
第五場四班一千 16場次同班同程跑出龍東傳承搭電路七號呢條Q 檔同磅調整後秤先電路七號 嗰場際遇差有Q跑得比預期好 10檔變2檔非常好跑 龍東傳承勝在前速夠快但得一招放頭 有放唔出就叮嘅風險 機動啲嘅話要皇帝英明 田谷千二級數嚟呢組有利 換返前置有一手希威森難忽視
第七場四班1650嗰隻皇者驕傲唔通家陣三班係紙老虎？匆匆再戰落四班打王牌雖然孭頂磅但對手水一大截 幾大追多次 但要贏就問過中華英雄 希斯啲馬嚟講呢隻算忠心 雖然質素唔高但目前能力喺四班仲有得贏 而今場檔位啱跑 跑左場熱身呢場應該有威脅

尾場正路田大少嘅鈁糖武士 廢柴騎師私家馬同程準繩但方仔今場出動到布文 似係想交代 配腳方面威武覺醒本來就係谷千二起家 季內初出有fresh唔會嫌短 雖然孭131磅都難飛 不明係韋賊新貨駿步騰飛 上手馬主就係古摩軍團 週歲嗰陣90萬澳紙買入貴到飛起 但三場之後就易手似乎唔睇好前景 可幸就係只跑三場 除非係早熟早殘 即使未必好高但喺三班短途應該有作用 試閘所見有前速如果10檔成功利用前速切入二疊有cover唔係無機

[ 本帖最後由 KIRIN688 於 2023-10-10 20:55 編輯 ]

KIRIN688

國大合一轉廖康銘就贏 燉馬馬房真係 到底練乜春

KIRIN688

引用:

原帖由 鴻略 於 2023-10-11 22:50 發表

而且贏到拉韁。一早在四班跑近，只要養回健康屬大超。若神魔金剛拉倉相信也有同樣效果，可惜馬主心意很固定。

喺隔離講過想睇一場 點知即食 下場仲喺五班唔駛諗肯定1.幾W
星期日最後四場

第七場G2讓磅賽沙田錦標主力買告仔但就係美麗同享加綫路之星 至於加州星球孭135磅第一隻唔要 永遠美麗就擔心神仙馬無咁快谷起 三重彩先諗
第八場新風俠之前操練已經有留意但配條仆街仔四眼綸唔敢買 換蔡仔試埋大閘 唔係跑大賽嘅話光頭蘇谷馬功夫係有佢一套 本來想要風生水起但退出 就扒半冷改要轉燉馬馬房初出嘅天天得樂 一轉倉就即上從化做功夫 呢個新鮮感可能俾到隻馬好大衝擊因為上手馬房無從化倉 做左個800米閘落返嚟以呢隻馬嚟講唔需要試太多閘就夠 抽六檔算適中賀銘年家陣得燉馬馬房肯支持點都會搏（PS：打大段嘢結果天天得樂又退出埋 唯有又改補出嚟好檔又輕磅嘅揚揚大道😑）

第九場正路愛國商人嘅神虎龍駒 係怕腎虧潘前一日去跑珠峯錦標返嚟會唔會手軟腳軟 最強對手當然係歡樂至寶 上場咁樣輸法增程上千四一定啱跑 何堯有得贏就要盡贏
尾場46場次計埋前三有八隻再碰頭 檔同分調整後再追雪勇神駒同威力奔騰 雪勇神駒唔駛多講嗰場俾腎虧潘封結果無騎過 呢場三檔可以跟前好跑 威力奔騰都係一條心後追 三重彩加美麗奔馳

[ 本帖最後由 KIRIN688 於 2023-10-14 18:00 編輯 ]

KIRIN688

星期三話會落雨 第五場有隻冷門跑呢啲地會醒神 就係燉馬馬房嘅一舖縱橫 同程輸俾小霸王就係變化地而當時騎嗰個就係廢柴騎師 踏入九歲戰力並無明顯老退 如果持續有雨對佢更有威力 最強對手當然係同樣有變化地根據嘅小刺蛋 季內初出重飛塞車 呢次個八檔走位相對安全 布文繼續騎點都要

第六場新勝獨角獸上場雖然話賺快步速但彈甩贏幾得人驚 繼續抽外檔反而可能落雨場地有變利中外欄就好跑 隱憂在比上場孭多十磅 嗰場輸俾佢嘅架勢奇爸輸際遇又阻乜阻七 其實同跑第二嗰隻大數據都係差個幾身位 鵬哥出埋小霸王應該係馬房出擊信號


第八場喜至寶上場唔計贏馬騎師被指未力騎到底重罰十日其實以初跑谷戰即勝 可能谷戰跑高一班 加左磅但換布文孭少啲死磅正路之選 Q腳再追美麗邂逅 呢場吉龍 縱橫萬里 其藝先鋒呢啲放頭馬全部抽外檔步速必然拉快 佢呢個6檔守中間五六位就好跑 計質肯定唔叻純粹跑際遇

尾場小霸王同程七戰除左排11檔嗰場外其他全入前三又係路程專家 上季尾最後一場跑1650路程不合敗不作準 季內都算早開操但因為三班谷千二個個星期有所以唔急上陣一心操好先出 谷閘又試埋唔需懷疑戰意 Q腳合夥雄心勝在有二檔啱哂守好位跑法 腎虧潘做唔到117焗住換MR.BEAN無損威力

[ 本帖最後由 KIRIN688 於 2023-10-17 21:12 編輯 ]

KIRIN688

星期六晚英國冠軍錦標日都係集中四場G1
第二場冠軍短途錦標千二直路賽再追上年呢場盟主湖畔鄉鎮 今場其實好多馬實力唔算特別而抽喺中間檔位易搵遮擋就好跑 半冷份子係高潔聖徒 雖然贏同場同程屈敬咸錦標係讓賽但當時出馬27隻喺咁多馬中突圍應該唔差 杜苑欣過往跑呢場賽事幾好成績 成冷留神

第三場冠軍馬女錦標跑哩半 亂局一場 搏下冷就要哂朱德望陣營一對同主唔同倉嘅按時鎖上同才情麗驥 尤其才情麗驥喺約克郡橡樹塞車輸得冤枉 鞍上人ROSSA RYAN難得拎返嚟騎肯定搏盡 至於按時鎖上喺上場新市場嘅公主錦標贏到無得跑 似乎留後追可能更合 莫雅要騎波士馬換布宜學難睇死


第四場女皇伊莉莎伯二世錦標跑一哩直路 帕丁頓估計都係公衆熱門 但今年已經打七場硬嘢 上場朱德望錦標搏佢叮而賽後岳伯仁公開認錯話唔應該俾佢跑咁多 但道銳氣一洩左隨時跑唔返 所以首選凌雪飛 雖然跑呢場因為高仕登喺冠軍錦標有咸頓酋長隻瞄得對就無謂自己人打自己人但馬本身跑一哩兩出兩捷反映都勝任呢個路程 靠二千米級數落嚟雅士谷上斜一哩已經係揀佢嘅理由 本場三歲馬計埋帕丁頓有六隻但就揀老牌馬主阿加汗拍老牌練馬師衛爾德嘅蹄起勁 今年跑得四場明顯有針對性部署 跑完三歲一哩經典賽後休息到上個月愛爾蘭冠軍錦標日嘅馬頓錦標復出為今場熱身一樣贏得輕鬆 鞍上人CHRIS HAYES熟哂馬性而今場三歲馬女受讓只孭126磅十分有利 反而另一邊廂法國陣營嘅大石跑法單一而今場係首度去英國仲要跑雅士谷上斜馬場 佢嘅放頭跑法過往喺呢個場嘅直路賽極少可以係一放到底 所以今場唔會揀佢

戲肉中之戲肉冠軍錦標跑二千米 喺威爾斯親王錦標同朱德望錦標都easy win嘅瞄得對今場面臨場地偏軟 不過賽會決定改用比較乾爽嘅內圈跳欄賽道作賽 相信對佢地影響減到最低 上場朱德望錦標FRANKIE跑左場相當精彩嘅賽事 自造步速玩謝帕丁頓 今場主帥JIM CROWLEY 騎返估計用返威爾斯親王錦標留後戰略 除非場地太差否則應有三甲 FRANKIE就接手鋼鐵大王 上場愛爾蘭冠軍錦標發揮欠佳最終KEVIN STOCK保唔住馬主主帥一職 出動到FRANKIE 戰意唔需要懷疑 至於外圍佬一直備受睇重嘅法國馬地平流金已經四連勝 但今場第一次去英國仲要去難度唔低雅士谷 到底能否適應場地成疑問 成熱棄不足惜 扒半冷要返精緻之道 出道以嚟極少甩三甲 如果場地持續偏軟對佢有利 雖然史賓沙南下澳洲跑考菲爾德杯而換莫艾誠難忽視

[ 本帖最後由 KIRIN688 於 2023-10-21 16:07 編輯 ]

KIRIN688

星期日場戲肉G2精英碗好睇唔好賭 買條三重彩睇馬算 維港智能當然首選 金鑽貴人有返正常場地應該無咁難跑但仍然要讓維港智能17磅 唔見得有贏面 餘下四隻覺得順勢而飛同好眼光可以爭下三甲


第五場三班直路杯仔場合 初出嗰隻美麗第一見報紙好多評論呢隻 雖然操足但跑落去會點唔知 成熱嘅話唔值 寧願要返同樣排內檔但上季同程已經接近嘅賢者無敵 一檔易走生位 半冷心水就係上場42場次塞足全程無騎過嘅萬里飛至 抽近看台13檔當然有一定塞車風險 但肯定成冷門梗係搏佢爆出嚟

第八場何堯一停賽腎虧潘即刻搶金鎗武士仲試埋大閘 咁都唔贏真係叫佢早抖 半冷心水鹿鼎記 上場久休轉倉初出望空跑返嚟唔算輸得遠 跑左場再整多個閘換MR.BEAN又好檔有力串Q


第九場連贏兩場嘅喜蓮勇感再抽11檔贏嘅難度增加 成熱唔值搏 先要準開嘅桃花雲 整體算穩定 呢場告仔出四隻必然有步速佢就好跑 Q腳又係成日接近嘅百勝名駒 今場檔位內移應該易搵遮擋就有一戰之力


尾場二班千四心水就係小犬打風取消嗰日所揀嗰兩隻不過無寫出嚟因為當時估計跑唔到機會係一半半 一先生同紅愛舍 一先生利跑fresh 取消賽事後整個泥地千二閘跟跑 個分其實都差唔多係趁其他馬未夠態就出擊 紅愛舍近績都係準 抽13檔其實影響不大因為贏嗰兩場都係好後追上嚟 反而近兩場守好位爆落去又係得咁多 呢場13檔不如縮返後面入直路嚟個大外一氣可能仲好

[ 本帖最後由 KIRIN688 於 2023-10-21 18:01 編輯 ]

KIRIN688

星期三晚全泥戰 睇三組1650同埋尾場千二
第三場伍仔向方仔借徒弟騎發財秘笈肯定係為減十磅 論馬的確唔易騎但呢十磅助力實在大 季內初出腎虧潘都唔知跑乜九 抽11檔都係縮後追 Q腳紅粉豐彩又係得泥地出路 小犬打風取消無得跑變相休息時間多左 見到妙算歡騰又出至少有步速就好追

第六場正路都係同小犬打風取消一樣照揀魅影獵飛 啲理由已經喺上次取消前講哂 不贅 半冷無心睡眠 個分減到嚟68分係搏季內頭一兩場 抽埋二檔天造地設

第七場首選烈風 其實又係小犬打風嗰日揀嘅其中一隻 想搏縮程賺級數 但呢場負磅都係124磅加埋6檔好好跑 呢啲泥地馬唔會保留 另一隻本來諗盈嵐但又係腎虧潘肯定無錢分 寧願要另一隻泥地王禪勝寶駒 前一場泥地千二後上如箭反映隻馬未必一定要前置 後上都可以 抽12檔如果一條心留喺後面追唔係無機會


尾場三班千二勝意龍又係小犬打風無得跑二班同程即刻搵場草地千二開氣 輸三個幾馬位唔算差 評磅員就減兩分落三班真係厚待 8檔估計中置後追 半冷明駿福星 42場次跑直路賽追得唔錯 呢次個一檔睇入直路前攞到生位就有機

PS：加州系梁公子蒙主寵召 RIP

[ 本帖最後由 KIRIN688 於 2023-10-25 15:30 編輯 ]