星期三賽事
尾場形勢都係上次中Q嘅赤兔猴王同浪漫老撾 再加埋久久為攻呢三隻對峙嘅局面
第五場二班1650 老牌杯賽怡和杯 雖然十隻跑但居然過半數屬放頭前置 步速起碼正常先 獵人成出三隻當中馬房首選智取神駒又係放頭前置 雖然遮打杯面對超級老虎桀驁之戀個第四跑得唔錯 落返二班但重磅而同場太多放頭前置馬 揀返超超比 皇太后杯不良於行退出停十日後係咁趕功夫 試嗰個千六閘都係志在省起狀態 一定唔十足但谷戰跑高好多 呢場咁多快馬走睇幫到幾多 Q方面最終揀亞機拉 512場次贏千四已經證明唔需要一定放頭 守好位都可 女皇杯日千四無影似個地太差唔啱跑而上場千六又入Q 呢場估告仔都唔太敢叫徒弟死搶 留返守中間應該最好
第六場四班跑一千 本來極光彗星喺呢度理論上有位置機會但又係一個黎昭昇 啲馬好少保持到 寧願搏下大舊石差一場正式上岸嘅胡椒軍曹 611場次同程贏就唔奇但奇在居然留到隻馬咬好位 上場換布文變相雙重加磅蝕上加蝕但跑得倒唔差 換返智弘大師減磅助力大增 Q方面超額認購之前已經講搏左幾場而近兩戰表現下滑 白頭佬終於都安排隻馬抖夠返從化重頭做起 今次仲執三檔無奶油唔拖
第八場三班一千 年少多好一星期前跑谷千二放出嚟難留住 結果去到拉士一百腳軟 估計幕後有損手所以匆匆再戰縮返嚟一千仲要出動埋腎虧潘又好檔 唔玩嘢嘅話坐位望贏 至於唔少人品題包括官台嘅魔術控制係幾殺聲震天 一早俾布文試谷閘而之後上從化係咁磨 怕左黎昭昇啲穩定性但初出第一舖谷到行哂理應交出表現
[ 本帖最後由 KIRIN688 於 2024-6-11 20:17 編輯 ]
