KIRIN688

26/5 遮打杯報名名單

東：錶之五知 當年情
方：直線力山 多巴先生
沈：智取神駒
韋：將王
羅：難以置信
葉：大至尊

連埋高多芬派嚟嘅桀驁之戀 總共九隻報名
桀驁之戀將會喺嚟緊星期六到港

KIRIN688

星期日又尾場先 忠誠寶寶增程上千六失敗死死氣返嚟千四又好檔 C加3欄普遍利前置主動跑法 Q方面手機錶霸本來幾準但已經搏咁多場 反而腎虧潘摸住嘅競駿飛翔適應水土幾快 一檔可跟守好位 當然不利因素就係黎昭昇 但呢條Q預計有啲錢分

第三場一班千四 天文台話預嗰日有雨咁就要返兩戰變化地都贏嘅旺旺神駒 有一檔更好跑 Q方面揀腎虧潘攞返嚟騎嘅增有 呢場有健康愉快同神虎龍駒頂高個磅 增有只孭122磅非常有利 而且威哥兩隻都係前置加埋健康愉快估計步速未必慢

第七場三班千六 繼續追遨遊武士 雖然執最外檔但磅位仍然有利 型佬全手法似足師父神仙 一起就係咁嚟 Q方面揀晴王 爆缸後休息變相賺體力 布文接手孭少啲死磅而馬房仲未上岸必拼

第八場四班千四第一組 雪茄鄭星期日屯重兵 呢場擺機緣醉夢 落返千四本來係好但執最外檔機會大減 估可能輸多一兩場先 首選新勝同程嘅新力好 599場次係賺步速但都彈甩馬群 四班根本超到暈 雖然加12磅但對手同上場相差無幾 加上同系新力高升今季成績未如預期 呢隻上緊就砌 Q方面揀返嗰場輸俾新力好嘅勁好運 嗰場入直路攞位唔順結果跑第五但輸俾二三馬不過一個馬位實在唔差 涼瓜要騎機緣醉夢所以換何堯仲好 型佬全個陣都幾強要跟

[ 本帖最後由 KIRIN688 於 2024-5-18 13:11 編輯 ]

KIRIN688

引用:

原帖由 鴻略 於 2024-5-19 15:56 發表

尾場忠誠寶寶及競駿飛翔屬有分頭的正路選擇，我會另加陽光勇士，上仗偶然出閘不順落後兼遇慢步速，末段在不可能位置追近，今次好檔，預計正常出閘會有好表現。
第七場遨遊武士搭晴王機高只嫌熱；晴王上仗路短感覺比流鼻血前表現 ...

一場雨搞到賽果反轉  無言
星期三話天氣仲不穩定 仍以好地作準
第七場三班一千 衆矢之的必然係美麗第一但再加到頂磅有啲難度 唔敢劃死無位置但贏面應該差多少 扒下冷門就巴薩諾瓦 喺方仔搞唔掂就轉去巫偉傑用另一套手法去試 就正如上星期非惟僥倖咁 而且分數由80分跌到落嚟69分已經係歷史新低 今次仲有個二檔如果有啲雨可能仲好 Q方面呢場咁多快馬就揀初出PP綠色好威 喺從化做哂功夫而幾個大閘試放頭中置都試勻 本場有幾隻快馬例如武千帥 寰宇豐采 連連有盈 抽一檔有啲賺形勢

第八場三班1650 計埋天氣因素都係要浪漫老撾 早證明變化地有根據 個分無乜利要靠形勢搭夠 加埋馬房叛將銀騰轉獵人成初出同場角逐 估應有決心搏馬 Q方面都係要返負磅唔重又準繩嘅赤兔猴王


尾場亂局 買檔位希斯馬房Q算數

[ 本帖最後由 KIRIN688 於 2024-5-21 14:47 編輯 ]

KIRIN688

星期日嘅戲肉遮打杯差唔多係桀驁之戀嘅表演賽 喺司馬經典賽連香港瓶盟主真強都要食塵可見級數 單Q搭將王嚟過關而三四重彩加埋告仔一對 其他場次只講兩場三班突分賽事同埋東京優駿

第三場嘅三班突分跑二千 十八掌門再出而同場有幾隻前置馬估算有步速 形勢對明亮天下有利 腎虧潘搶埋嚟騎而馬房家陣可以爭頭馬嘅質新份子唔多 先揀 Q方面要都靈福星 606場次嘅千八入直路塞車未作準 上場皇太后杯哩半就路程不合當試閘 G3落返三班突分賽事縮返嚟跑二千有權變身
尾場三班突分千四 全場得一隻過80分就係馬林 近期表現算準但134磅始終係絆腳石 拖腳可以但膽就另作他選 就係球星 女皇杯日雖然係四班又頂磅但居然彈甩贏 反映跑法未必一定留最後 呢場飛輪步同壯志凌雲都係放頭步速估正常 出閘埋到前置二疊就有勝算 至於新勝嘅壯志凌雲勝在有好檔但上場賺盡步速僅僅贏 今場位置居多 不明係自力更生 去雪茄鄭後係咁減分而上場縮落千二居然有追勢 落三班上千四而孭磅又因為係三班突分賽事只負標準磅 贏就未必但位置唔係無可能
至於東京優駿就鐵角三隻 首選扒半冷就要凱旋門盟主設計名師全細佬真命新帝 幾場賽事都後追不及而今次哩半又東京場合哂河車 上年拉哥贏G3京都兩歲錦標就係後上贏馬 抽13檔影響唔大 至於兩隻無敗馬幸運銀幣同臯月賞盟主駿天潮城都係搏返駿天潮城 15檔的確係考驗但搏佢嘅原因就係有東京場經驗 反而幸運銀幣出道三場未輸全部跑中山 今場第一次過嚟東京跑係一個問號 第三選就要名城潮流 上場臯月賞留後跑造出第三快嘅最後六百末段 上哩半而東京場長直路應更合發揮

[ 本帖最後由 KIRIN688 於 2024-5-25 21:02 編輯 ]

KIRIN688

星期三全泥戰 頭場二班1650攞黃腳鱲搭魅影獵飛嚟過關
第六場四班千八 雪茄鄭差兩場非五班頭馬就上岸 呢晚大哂冷 年年友福早有千八根據又啱泥地 上場明顯加速需時返嚟只輸半個馬位 開始上正軌先揀 另一選就係成日追一段嘅活力多多 執十三檔估都係縮後追 睇追得幾多
第七場三班突分千二 644場次同程揀左花果猴王同喜至寶再追多次 花果猴王檔好過上次易跑得多 而喜至寶就因為呢場三班突分孭磅由131減到落嚟124磅同樣好跑 執二檔個形勢幾有利
尾場三班1650有好幾隻前置放頭馬 再追木火兄弟 上場輸形勢而今場五檔好跑 用力唔少希望頂埋呢舖 Q方面柏林探戈終於回起而喺三班始終有啲班利 同艾道拿幾合拍仍要防

[ 本帖最後由 KIRIN688 於 2024-5-28 20:27 編輯 ]

KIRIN688

星期日賽事
第二場攞傑出漢子搭旺旺神駒過關
第八場G3獅子山錦標千六 新力高升退出得返七隻 先劃走頂磅馬美麗同享 跑G3讓磅又唔係超級 邊讓得起其他對手 告仔另一隻中華盛景係磅輕但徒弟跑幾次得個P 咁尺寸嘅馬係要麥道朗嘅級數先搞得掂 安遇季中打後就沉哂 上場主席錦標無影無蹤更難有信心 伍仔一對神虎龍駒跑千六似乎無千四咁好衝 錶之銀河就打比撼得太勁 冠軍一哩賽明顯落左未必再谷得起 所以餘下兩隻增有同禪勝輝煌就係今場之選 尤其禪勝輝煌可以放頭擺前走隨時賺形勢 而增有就可以憑二檔吊著禪勝輝煌後面嚟跑同樣有利
第九場G3沙田銀瓶千二 嘉應高昇必成熱門但分頭欠奉 賢者無敵表面讓佢14磅但賢者無敵本身只孭129磅都唔太重 加上二檔 買Q當然首選 主席獎嗰場第三嘅綠族無限證明千二能力更勁 因為G3讓磅反而受讓賢者無敵14磅同樣有利 三重彩腳喺威力奔騰同嫡愛心之間揀前者

[ 本帖最後由 KIRIN688 於 2024-6-1 21:18 編輯 ]

KIRIN688

引用:

原帖由 月影偷情 於 2024-6-1 12:43 發表




2串1win🤭🤭就咁易,信嗎？


R 8 ： 8 禪勝輝煌 win
條件：正宗1600米,輕磅 ,上次都贏3/4馬位 （未段最快 21.91 秒),跟前或放頭跑法都得,乘勢再贏,☺️鬥志不容懷疑！

R 9 ： 9 嘉應高昇 win
條件 ：正宗1200米,輕磅 ,上次都贏2 ...

嘉應高昇感覺有啲危險 搏佢唔入前三

KIRIN688

引用:

原帖由 鴻略 於 2024-6-2 19:36 發表

嘉應高昇上仗84分贏馬，連蝕磅，等於加20分，值博。

近期馬匹表現反覆得要投降，砂漿金剛竟然無影......

講講尾場，滿歡笑連續兩場同程第三，前仗輸慢步速後上追得非常勁，上仗強組前五拋開群駒，今次對手減弱，夠贏，首選。實力派重 ...

傑出漢子唔放任由自己友巴閉哥前面慢放擺明大龍鳳 賢者無敵雖然話跑讓磅但布文跑得毫無誠意 好嘢

星期三腎虧潘返嚟又執幾隻牌面馬
第五場四班1650分組第二組木球會錦標 又見到架勢奇爸 上場現真身但今場又11檔仲要睇落無乜放頭馬 都係放棄 四平八穩先要有一檔之利嘅獎星 質素有限公司係勝在型佬全啲馬好開就好 至於腎虧潘隻堅闖季中心律不正抖後跑兩場上力 個二檔又係大大有利

第七場繼續追飛漲 健康穩定落嚟後持續有好表現 谷戰場地偏軟更合發揮 Q方面喜蓮勇略開始上力 本身一千磅多啲所以跑短途唔夠噸位 而一哩就啱啱好
至於尾場又係睇檔做人 撼天鐵翼搭有財有勢似乎都算四平八穩 Q過關

[ 本帖最後由 KIRIN688 於 2024-6-4 21:08 編輯 ]

KIRIN688

引用:

原帖由 鴻略 於 2024-6-4 19:28 發表

昨晚我刨過第七場，飛漲穩健，7檔則要看際遇，前列份子但可W可四。上仗同場2檔的爭金奪冠，一直在內疊坐包廂，潘頓取位亦較柔弱，若是前列華將騎敢講一定掙出贏馬，今次排6檔仍在飛漲內側，我估計機會接近而較高。我的首選是手到再 ...

手到再來就係135頂磅 嚟到呢個分隨時得個近字 至於爭金奪冠又要靠估腎虧潘條仆街 揀飛漲原因都係韋賊呢晚有配合動靜

KIRIN688

連續兩次沙田都跑星期六 其實跑黃昏馬嚟講星期六就最理想
第八場先 三班跑千八 衆矢之的應該係腎虧潘隻桃花開 今次個二檔又係幾好跑 雖然繼續頂磅但買Q難飛 Q方面本來港林福將兩連勝勢頭幾好 不過換嚟評分加12分孭到129磅有啲吃力 不明就係建測羣英 兩星期前場二千前段用左力埋嚟拍住非惟僥倖望空放頭 都係到埋門百五米先力弱輸兩個馬位表現實在唔差 落返千八加埋一檔有港林福將開路更好跑
第二場四班直路賽 跑嗰陣仲未天黑 當日馬看待 又見不可擋同輗多福兩隻子彈快馬必有步速 六隻初出新馬當中燉馬馬房嘅舉步生風喺兩個月前第一個大閘已經俾腎虧潘摸住 腳法幾熟練而之後上從化俾師妹黃寶妮試嗰個閘喺馬群中間穿上嚟考驗效果不俗 腎虧潘咁早就摸住估一出就搏 對手之中多彩多姿都算少有四眼綸操左好多課又包哂幾個大閘 未必夠十足但四班直路賽一向水準低 加埋抽貼看台14檔單跑形勢已經有利
第九場四班千六 首選艾莉奧 踏入今季穩定落嚟 抽好檔又夾熟智弘大師 Q方面搭勁好運 千四追唔切就上嚟千六 而預期加州動員妙算高歌呢啲擺頭有步速
尾場星運少爵停操兩個月上從化重頭做起 試埋大閘排埋一檔 睇布文點走位 Q就搭誠好運算數

PS：五班計兩場W條例即時取消 合格線降低無從化倉 14W 有從化倉16W 雪茄鄭即時上岸 另外今日公布PP中籤名單出現左位稀客 老牌馬主孫以文

[ 本帖最後由 KIRIN688 於 2024-6-7 18:23 編輯 ]