30.3上
(呢幾集交代劇情，比較少甜)
我問網友，之前你一路話想同我切磋吓。不如我哋見面，如果啱feel，我哋試吓，想唔想？
其實我只不過見佢講啲嘢一本正經咁，想試吓佢反應。我已經唔想隨便同人發生性關係。如果佢話想，我再反口。
網友話，好想，不過唔好。
點解？
妳唔係話想戒性癮咩？唔係話想專一嘅咩？
你點知我想戒癮？我幾時同你講過？
我之前話想同妳切磋吓，嗰陣妳講埋哂啲乜嘢性慾係墮落嘅深淵、想定落嚟又盛。
我有講過咩？唔記得咗。
係呀，睇番我哋之前啲訊息啦。定妳將我同第個網友撈亂？
邊有第個網友呀？我從來唔pm網友嘅，嗰陣睇你啲故仔令我諗起自己啲經歷，有共鳴先至pm你。就算我之前有想戒嘅諗法，都係嗰陣嘅事啫，假如我而家話同你試吓，你都唔想咩？
想，好想添，不過難得妳想戒，無謂攪妳啦。
咁，飲吓嘢、見個面都可以嘅。
唔好啦，陣間見到面就心思思㗎啦。
你之前同啲女網友都係見到面心思思所以攪咗？
有啲係咁樣，但唔係全部都係咁。有啲約出嚟見面嘅時候已經諗住試吓，所以頭一次出嚟，飲杯嘢就直接去開房。有啲諗住淨係見吓，冇諗到攪嘢，但見到面有好感，就話不如試吓，亦都有啲見咗兩、三次先嘅。
咁有冇啲淨係見面，冇開房？
有，一路都有。
點解嘅？唔係話見到面就心思思咩咩？
阿小姐，就算見面，都唔一定會心思思。就算我心思思，人哋唔一定心思思。人哋心思思，我唔一定心思思。好多種情況㗎嘛。亦有啲從未試過同唔係男朋友嘅人做呢啲嘢，佢哋只係覺得同我網上好傾所以約出嚟傾吓偈。
有幾多係做過一次之後再搵？
大部份做過之後都會再搵，但除非好鍾意嗰啲，通常做幾次之後冇再搵。
照計大家覺得ok至會試咗一次之後再搵，點解做做吓又唔搵嘅？
好多種嘅。有啲本身有老公、有男朋友之外又有其他sp，心機同時間有限就要取捨，亦有啲頭一次同男朋友以外嘅人有呢啲casual sex，做咗幾次之後開始有內疚感就唔想再做。
睇嚟你好多對手喎。
唔係真係好多個㗎咋，網上識、做過嘅有6、7個左右，齋傾偈冇做嘅比較多。
有冇啲一路有搵？
有，keep到而家嘅都有兩個。
兩個？仲以為你網上識嘅炮友之中淨得Yoyo一路同你到而家？
Yoyo之外仲有一個，但一路搵得唔密，大概一個月一、兩次，有時兩個月一次。
冇聽你提過佢嘅？你啲故仔裏面有冇寫過佢？
冇。我仲有寫故仔嘅時候同佢只係做過一次，嗰次本來大家都好有feel，好想同佢再嚟嘅，但嗰次之後佢再冇搵我，我嘍佢，佢拒絕，我以為佢唔想再同我做就由得佢。我寫完之前個故仔之後佢忽然聯絡番我，我哋先至開始每一、兩個月出嚟一、兩次，所以我啲故仔裏面冇提過佢。
呢個女仔有冇話愛上你之類？
有啲鍾意嘅。佢話，完全唔鍾意嘅話就唔可能做到，但唔係嗰種愛。
作為女仔，我自己都係咁，因此有少少共鳴，於是我再問網友，唔係好愛都同你keep到而家？
因為大家都覺得性方面好夾，做嗰刻大家都好有feel，有想愛上嘅衝動。
高潮過後就清醒番？
類似。
會唔會佢其實鍾意咗你，只不過你唔係咁鍾意佢咋？
我哋有溝通過。首先，大家對對方有好感嘅，否則唔會做，而做嗰陣好有feel嘅。不過現實我哋冇可能一齊，只能夠間中出嚟分享吓性，高潮過後必需當冇事發生，直至下次再做。
你講到同佢做大家都好有feel，有冇試過想唔用套？
我哋事實一路冇用套。
(超過字限，今集分拆)
[ 本帖最後由 dcat20 於 2024-6-5 20:45 編輯 ]
