Jindaoonline

「每日都爾餐虞我詐，會好攰㗎，搵一個可以傾吓嘅人傾吓偈，生活無咁沉重！」

老闆對我講心裡話，我誓估唔到。

「可以傾吓偈嘅人？係我？！」

「係，因為你係神揀俾我嘅，好似五十幾年前一樣！」

「唔係，係你哋用方法𠱁我上當嘅！」

想起之前喺別墅唔開心嘅經歷。

Jindaoonline

「你回想吓，你點認識Leonard嘅，係你主動追上前認識佢，呢啲係神嘅主意！」

當時我掛住Leo，而咁啱Leonard又咁似Leo，我先會主動認識佢，但係同佢相處得耐，除咗身型，相貌上又似乎同Leo唔相似，唔明點解當時會將佢錯認咗。

莫非真係老闆所信嘅神嘅安排，Leonard係一個媒介，俾老闆遇上貌似佢幾十年前女朋友嘅我。

「你要經過咗淨化，人生先會得到昇華！」

[ 本帖最後由 Jindaoonline 於 2023-1-1 00:43 編輯 ]

Jindaoonline

我哋傾偈嘅時間越嚟越長，今次一傾就傾咗接近一個鐘頭，比之前兩次，時間長咗之外，內容擴闊咗，唔係單一只係性，老闆又講吓佢返到日本，幫會裡面嘅生活，佢阿爺對佢好嚴格，仲坦白承認喺我身上搵到一直欠缺咗幾十年嘅親情。

Jindaoonline

平日屋企靜到連空氣都停咗落嚟嘅時候，有時我會諗起老闆，有個人同我傾吓偈，尤其係到月中，佢差唔多打電話嚟之前嗰一兩個星期。

Jindaoonline

我試過俾其他學生家長起底，喺而加囡囡讀緊間小學，我雖然有加入學生家長聊天群組，但係再無加上自己頭像，亦從來唔留言，只係八卦吓家長之間有乜嘢動態。

[ 本帖最後由 Jindaoonline 於 2023-1-3 01:28 編輯 ]

Jindaoonline

日頭兼職嗰份工，員工之間是非又多，我唔想牽連在內。

除咗囡囡同阿Mark，講嘢嘅對象少之又少。

[ 本帖最後由 Jindaoonline 於 2023-1-3 01:36 編輯 ]

Jindaoonline

好似困喺一個唔夠氧氣嘅環境，對我嚟講，老闆嘅電話係一啖新鮮空氣，論年紀，佢做得我阿爺，但感情上，越嚟越覺得佢代替咗我已經六、七年無仼何聯繫嘅老豆。

有關老闆嘅嘢，好多我好奇想知，對佢嘅親近，隨住交談多咗而增加。

Jindaoonline

佢一個月先同我通一次電話，有時會覺得時間相隔太長。

「你基於乜嘢，要一個月俾電話我一次，而唔係半個月，又或者多過一個月？」

「哈哈，想同我傾多啲？唔使怕醜，我都好喜歡你！」

「嗯⋯⋯有時啦！」

俾老闆睇通晒個心，知道我期待佢嘅電話，有啲難為情。

「我唔可以搵你啫，你想嘅可以主動搵我，咁我哋就無違反約定。」蚃刂咁

[ 本帖最後由 Jindaoonline 於 2023-1-3 02:06 編輯 ]

Jindaoonline

「你咁忙，我唔知你幾時方便，同埋，我唔明你對自己講過嘅嘢，點解守到咁緊？」

「我係接我阿爺嘅職位去管理一個幫會，我唔可以言而無信，我身邊嘅人相對要絕對服從！同時亦都有人監察住我！」

「嗯⋯⋯」

我估呢個人話係池田。

「做咩？同你一齊個男仔對你唔好？」

老闆察覺到，我乜嘢都瞞唔過佢。

「唔係呀，唔係呀！」

「哈哈，滿足唔到你，哈哈⋯⋯」

我每一樣嘢都俾老闆睇通晒，佢好有把握咁笑。

「⋯⋯唔會⋯⋯唔係呀！」

唔可以講唔滿足，只係欠缺咗少少，我否認，不過語氣唔堅定。

[ 本帖最後由 Jindaoonline 於 2023-1-3 02:11 編輯 ]

Jindaoonline

「同我生活過嘅女人，除非得到我嘅開導，將情感釋放，否則再無人可以滿足到佢，從來都係！」

老闆嗰種自信喺電話傳過嚟。

佢開始講番以前同佢親近過啲女仔嘅後遺症，喺佢面前我只可無保留咁，將有關Leo同「一點綠」嘅經驗講晒出嚟。

「你本已經⋯⋯」

我竟然同佢討論呢啲嘢。

「你想講我本來已經好大，點解仲要鑲珠，係咪？哈哈，呢啲係我哋幫會傳統，要考驗男人嘅勇氣，同時要女人永遠俾我哋征服！