forssell427

Part 11
sandy雖然過左去外國，但我地仍然保持聯絡。維持左半年之後，我地正式分開左。我無嬲佢要同我分手，始終一個女仔係果邊，而自己既人又唔係身邊，但確實我為佢改變左好多，同佢一齊先知道咩叫做愛。佢最後只留低左一句比我(我一世都憎死你)。如果真係要講我同佢既野，我真係唔知先寫到幾時先輪到我既女主角cindy出場~係時候入正題拉~~~~
       係sandy走左之後，我好似行屍走肉甘。一個星期有至少有4晚出左去浦。由最初160磅，激減到得返140~~~玩到甘我依家諗起都有d驚。好多人鬧過我，話我放棄自己。但外人又點會知我感受呀，有時做人就係甘，有又唔珍惜，到無左拉先知道眼前人的寶貴。要我清醒，只有一個人做到.......今晚我又飲到嘔，嘔到死。當豬朋狗友走晒後，我又一個人行到去海旁，不過我諗起既唔係sandy，而係我一直暗戀既cindy。當我大過左諗返，點解我有一段時甘會甘愛sandy呢?可能係我張對cindy既愛意，投放左落去sandy到，而sandy又比到愛既感覺我，做左愛的替身。電話響起
「又出左去蒲呀?」
「係呀，多餘問，搵我咩事呀」
「你出去又唔係介女，都唔知你出去做咩」
「你打黎教訓我?有咩快講拉」
「搵你緊係有事拉，你衣家係邊?我過黎搵你」
「有咩就講低拉，我走拉」
「你有本事就走，我出到黎唔見你以後無friend做」
第一次聽到阿光甘樣同我講野，佢可以話係我既知心好友。雖然佢無講咩事，但我都估到因為我。
我係海旁等左半個鐘到，仲未見到佢，想走既時候。我見到cindy。
我心諗一定比佢鬧到死，佢又一定一巴打落黎
「阿輝，好耐無見拉。」
「係呀，上次見你果次又係呢到」
「係呀，真係橋~~~」
「係阿光叫你黎既?」
「唔係，係伯媽叫我黎。」
「吓?」
「我係伯媽到聽到你最近既事，為左一個女仔，值得咩?」
「你以前話我唔知愛係咩一回事，家下我知拉。可以令你好甜，但可以令你好苦」
「你唔好甘拉，失戀姐，邊個未試過呀。你甘虐待自己，好白痴呀你」
「咩呀，渲洩一下姐，甘唔開心都想麻醉下自己架」
「你睇下你衣家，鬼唔似鬼甘，之前我以為有個女仔係身邊，會長大拉，變得成熟拉，結果又係甘」
「又話我幼稚，未住先，你點知我?」
「個女仔叫sandy，應該係上次我見到果個，因為屋企人反對，一個月前去左外國讀書嘛係未」
「你都未答我點解會知」
「你唔關心我姐，我都會關心你既，自從上次你甘對我，我真係唔想理你架，但又無理由要我主動打返比你架。甘有一次我見到阿光，佢主動張你既野講比我知。本來我都放心既，但最近知道你甘，我聽到真係好嬲，想第一時間黎打醒你。但我又諗，你都甘大個拉，有時應該自己識諗。但到左今日你都係甘，我對你真係有d失望呀。你都唔係我識果個阿輝黎既。」
「我唔係唔想打比你，係無勇氣打比你呀。」
「算拉，我都無所謂，最緊要係你醒返，你身邊好多人關心你架。」
「甘你今次黎，係因為我媽同阿光叫你先黎搵我」
「重要嗎，唔通係要我黎打你一巴先識醒呀」
「係呀，你 對我黎講.......」
(啪~~~~~~~~)
「舒服晒，個心好涼，我出黎就係為左打你一巴~~~」
「你..........」真係好q痛，我後尾知道當sandy打我如果唔痛既係代表佢心情好好，但我感到痛呢，真係好嬲，越痛越嬲。所以今次同上次黎比，佢上一次真係好嬲。
「邊個叫 你上次甘對我呀，你知唔知我擔心左你成晚呀，攪到我無訓過呀。」
「對唔住囉，但你都唔使上大力架」
cindy無講野，之後攬住左我。
「你大個仔架拉，唔好再要人擔心你，我聽到你甘樣，個心真係好唔舒服」
攬左好耐，有幾次我想鬆開cindy，但佢都好大力甘攬住我。之後我都無再推開佢，因為我知道，佢喊緊，佢為我而喊..............
女人既眼淚始終係對男人最強既武器，幾堅強既男子漢都會被軟化。而呢一刻我感受到，有時男人唔係只會諗到同女人上床架。好似甘樣攬住自己鐘意既人，已經好足夠

forssell427

Part 12
經過呢一晚之後，我同cindy之晚既感情好似好左好多甘。佢為左check下我係唔係真係無在出去玩。晚晚都會打黎check住我。雖然我口講話佢好煩，好囉嗦，但其實我每晚都等佢打比我。(有時我要親自打比佢報到=.=)而我媽知道cindy令我"從新做人"，叫佢黎我屋企食飯。佢上到黎之後，仲親自下廚，估唔到cindy都識得煮送架~~~仲好唔錯tim~一路食，佢地2個不停甘講我。又我呢樣話我果樣，cindy仲不停甘火上加油，呢餐飯真係一d都唔易食。食完之後，cindy話想用一用電腦。於是我就一個人廳睇電視。點知無耐，cindy就係房出黎，用左個好鬼鼠既眼神叫我入去。
「你既massage」
我望一望，原來sandy係msn到留左massage比我(我電腦一開係會自動上網同開msn既)
「阿輝，好耐無見，你呢排點呀。我最近識左個男仔呀~~~佢對我好好，每一日返學佢都會接我，放學又會等埋我一齊喎。今晚臨走果陣佢仲hug住我~~雖然落緊雪，但一d都唔覺得凍。不過佢有女朋友架，我初初唔知架。但同佢一齊既感覺好似我地一齊果陣時甘。雖然你好鍚我，好就我。但我總覺得你個心唔係全心全意係我到，總覺得你心入面有一個好重要既人。我地衣家係散左，但你可唔可以話我知我既感覺岩唔岩呀?而你心目中好重要既人係邊個呀?...................」
我即刻回覆佢
「係，你既感覺好準。果個人一直對我都好重要。係我地一齊之前果個人已經存在，但果個係邊個我諗已經唔重要拉」
(之後sandy留比我最後一個massage就係:我呢一世都憎死你!!)
「女仔既直覺真係好準架，你真係唔好睇少呀，甘果個重要既人係邊個呀?」cindy一直係我則邊
「明知故問，一個我好鐘意，對我好重要既人。」
我好認真甘望住佢，cindy無出到聲，繼續睇佢既野。一時好冷冰冰，一時又好熱情。但我知道我仲鐘意佢就夠。
      我今年好早就考完試，cindy知道我得閒就叫左我去佢公司到做part time。我發覺辦室真係一個好複雜既地方。有d人表面上好fd，但背後就話對方壞話。呢d地方我真係留多陣都唔想。講一講我做野既地方。基本上我做既野好簡單，filling呀，data entry甘拉。基本上都好遊。我做果個陪門，唔計我只有一個男人。仲有係有d"nana"地，有時好懷疑佢既性取向。因為我係男厠無見過佢@@"~~就係甘，我成為左呢個陪門既天文台。唔係我八，係佢地咩都同我講。每一team既人我都有同佢地食過lunch。我既direct leader仲叫我唔好同佢地甘熟，話佢地人心難測喎。哈哈，人地係背後一樣話佢呢樣果様。今日cindy約我同佢一齊食飯，雖然我地同公司，唔同陪門，但食飯都係第一次。
「听日會有一個新人黎，而你都到左一排拉，你幫我教佢點做點做，因為我知你個阿head有d問題。」
「乜你果到知架，呢間公司真係無咩秘密喎。」
「我仲知道好多野，不過你既評語都算唔錯，如果唔係我一定唔會放過你。」
「我甘叻係未應該抵鍚一啖先」
「啪」「鍚左拉，總之你听日好好甘教果個新同事。」
      到左第二日，我返到去，我完全唔記得左有新同事呢回事，於是同老闆一齊去食早餐。食食下，我收到cindy電話
「你去左邊呀，仲未返到公司呀」我如實甘講我係邊拉
「我同你講左有新同事架，你走去同我食早餐，你即刻同我返上黎」
就係甘，我同我learder講話有野做先走先~~
上到去，cindy用一個好兇既眼神望住我
「跟我黎」
行到我個位，我見到個女仔坐係我個位到
「佢叫sara，你今日好好甘教佢做野，以後你地2個附責呢d野。」之後交帶幾句就走左拉
我一直都有個疑問，使唔使cindy親自帶佢黎呢。係我諗緊之際。
「唔好意思，我要做d咩架」
呢個sara係一個靚女黎架，長長頭髮，眼大大甘架。個外型同cindy有少少相似，如果sandy係可愛型，佢就係果種係男人都會望住佢果類拉。如果10分滿分，我會比佢8.5分。扣左係邊呢，就係佢眼神，成日都用一個好唔友善既眼神望住我，我初初都唔知點 解

forssell427

Part 13
我同全公司既同事都好熟，唯獨同sara一句起， 兩句止。有時成日都唔會講多句野。只係係msn到溝通，但都只係工事。我都唔知係唔係得罪左佢。見到面都係直行直過，完全無眼神接觸架。就好似香港某d女仔(唔係話港女有咩唔好，無咩特別暗示)，個樣有幾分姿色，但個樣就惡到死，我諗男仔會明白我講咩囉。但佢同其他同事唔係架喎，除左我地果個陪門果d三姑女婆之外，隔離既sales department既男同事都會周不時走黎撩佢架。每一日如是，朝早拉，食飯前拉，放工前拉~~~~佢都一一有講有笑架。
黎黎去去都係試探佢有無男朋友呀，約佢食飯行街。但sara都一一好有技巧上推晒架喎，呢樣真係唔輪到你唔服。佢又唔係兜口兜面reject果隻，係笑笑口甘架喎。對住我就目口目面~~~
     cindy落左黎，問我同唔同佢去食飯，甘我一定唔會推架拉。佢順邊問埋sara拉，佢望一望我，然後say no。嘩，咩態度呀。不過唔去仲好，費事阻住我同cindy~~哈
「你好似同個新同事唔係幾傾得埋喎，你唔會只係識同d師奶溝通呀?」(因為我陪門好多都結左婚，成日同我講佢d仔仔女女既野)
「無咩所謂拉，工事上大家溝通到未得囉，不過我覺得佢好似針對我甘囉。」
「嘩，你對自己好有信心甘喎，人地做咩要針對你呀。人地要甘做令你注意佢咩，你又唔係靚仔過人。」
「喂喂喂，使唔使有位就係甘入我呀，我無講過喎。不過佢同甚他人唔係甘架，我都唔知點解。」
「一定係你個咸濕仔見人幾靚女，成日及人拉，如果唔係人地唔會甘對你既。」
「我邊有呀，佢有咩好及，要及都及你拉」
cindy又想打我，但我今次早有準備
「哈哈，無可能次次都比你打到既。」
「好呀，哎呀我唔記得帶銀包tim...」
「喂，你唔係甘呀，甘都要屈我請你。不過算，好男不還壞女人鬥。」
「你夠膽就講多次。」
呢個時候我見到一個奇景。sara同sales department既人食飯，奇就奇在全陪有13-4個人，得一個女仔。仲要連果個departmemt既阿head都係到。
「成班狗公開飯呀。好似前世未見過女人甘。」
「喂，你係我面前講好拉，比人听就唔好。你知拉你係我介紹黎架嘛。」
「超，仲以 為你緊張我，原來為自己。」
講完我望過去，心諗佢係好唔願意定係好享受既呢?
食到一半，我阿head打黎。我都知唔方有好野，佢叫我快d返上去，听佢把聲好似好大件事甘。我只好同cindy講我走先拉，臨出到門口我見到個男人走左去cindy果到。我睇唔清楚係邊個，不過算拉.......

forssell427

Part 14
當我返到上去，己經比我老闆 連返質問。原來有幾封emai send錯左原本比a公司既比左b公司，呢次真係大大獲。
「我唔理你地2個邊個做錯左，終之我要你今日之內攪惦晒佢。」
我當然就知道係邊個出錯拉，但既然都發生左，只有硬食架姐。sara食完飯上黎，見到我不停甘做都覺得好出奇，因為平時我都無甘準時返到黎。而佢就繼續同"狗公"吹水。本身我要做你咩呢單野已經好唔順，二來下午有好多野要做，我要同佢交帶聲，點知佢就係到同人吹水。
「唔好意思，阻阻你地，sara麻煩你張果到既文件..........」
果條友都好識做甘走左，而我就繼續講
「姐係要我做晒呢到所有野呀?」
「係呀，不過你可以繼續同人吹水既，收工前做晒就走得架拉。岩岩李小姐有d urgent既野要我做，所以其他野要麻煩你拉。」
「ok」~佢雖然ok得好爽呀，但一幅好唔順既既樣囉，但我都費事理佢。
不知不覺，就做到7:30，一早就過左收工時間。而sara成個下午都一樣未停過。
「喂，我今晚有事呀，可以唔可以听先做呀。」
「你鐘意拉，不過有事我唔會揹。」
「喂，你又唔係我阿head，大個甘高甘大咋，我揹未我揹囉。點解要係到受你氣呀。」
佢即時放低左手上既文件係我張枱，拎手袋走人
「呢d未我今朝send既文件.....................」
「係呀，係你今朝比xxx公司既文件。」
我講左個公司名之後，知道發生咩事拉。
呢個時候佢電話響起
「sorry呀，我今晚要ot黎唔到拉。你地玩得開心d拉。」
「唔緊要架喎，你可以去架，我今晚做晒佢未得囉。」
「真架?係未先？」
「係喎，做到今晚11點到姐，不過我听日一定請假，所以又要麻煩你拉。」
「妖......未姐係要我做晒，我今日行黎行去都就累死拉。」
就係甘佢留低左幫手。做到11點幾
「喂你仲唔走?」
「乜你甘笨架，ot到12點後可以calm車錢架嘛，緊係等到12拉。」
「全公司都走晒拉喎，得返我同你咋。甘你慢慢等拉，我走先。」
「喂，你唔係甘呀，要一個女仔係到你好唔好意思架。」(哈，我早知你會甘講)
「甘你姐係想我留低陪你等拉下話。」
「如果有得揀既話果個一定唔會係你囉。」
「甘又係呀，sales dep甘多人比你揀。」
「喂，你唔係甘講野呀。」我一講feel到個氣氛唔係甘好，知道自己講錯野。
「好拉好拉，我落去買野飲，你飲咩呀。」
「啤酒!」無野呀，飲beer@@~~好就同你傻一晚
好快我返到上黎，之後我遞左鑵比佢
「你做咩比我呀。」
「又係你話飲既。」
「邊個叫你頭先甘講野呀，甘賠罪緊係要飲酒架拉。」呢個時候我諗到個好主意哈哈,,,
我之後一口飲左一半
「你話架，賠罪要飲酒，甘今日我同你揹左果單野，係唔係你都要賠罪先。」
「第二樣拉，我唔識飲哂架。我未飲過。」
「唔係呀，甘大個都未飲過。女仔唔可以唔識飲架。如果唔係好蝕低下。」
就係甘大家一路飲一路傾計。佢就問我既情史，我只有張我同sandy既事好簡單甘講一次。
「估唔到你對女仔都幾好架喎，但你同得個女仔一齊心裡又有第二個，cheap左d喎。」
「你唔明架拉，果個女仔對我黎講好重要架。」
「甘你唔追佢，得個講字。」
「我有呀，但我地無可能架....甘你呢，你有無拍拖呀」
佢講到呢到停左無講，仲大啖中啖甘飲
「你唔想講算拉，當我無問過」
一個月前，sara岩岩考完a-lv，有一日同佢朋友行完街。諗住搵佢bf食飯。(佢bf係一個讀緊大學既師兄。之前係同一間中學架，佢話個師兄追左佢好耐，由佢中三追到中五。)點知佢bf話唔舒服。點知返到屋企附近，見到佢bf同個女仔一齊。佢即刻打電話比佢bf拉，佢bf話落左街食野。本來佢想上前問個清楚，但有第三者在場，而且又大街大巷。於是上左佢屋企門口等佢。等左一陣，佢聽到有人返黎，於是搵個地方匿埋(我都唔知點解佢要甘做。)佢睇到佢bf好親熱甘攬住個女仔，行到屋企門口仲鍚係上黎。呢個時候sara點忍都忍唔住，因為佢望到個女仔原來係佢同班既同學兼老死。三個對望，一句野都無講。sara只係一直甘怒"beer"住佢bf。
「對唔住呀sara，你聽我解釋呀。」(係唔係個個男人做錯野都甘講架呢)
之後sara無講野一巴打落佢男友到。但個女仔第一時間推sara落地下。
「你傻架，做咩打人呀。」
「你點解要同我個fd一齊。」
個男仔未講野個女仔已經搶住答
「我話你知拉，第三者係你先真呀。係我地讀中6既時候我地已經一齊左拉。只係之前我地嗌左交，分開左一陣。甘岩果陣你唔知醜甘受媾咋。平時你好巴閉架，扮晒高鬥。你估你係港姐呀，追你幾年都唔理人。但你知唔知點解佢要我唔要你呀。就係有d野我係同你唔同架。我願意比自己鐘意既人，但你呢，2年一齊，連摸都唔比摸。我地既野身邊好多人都知，係你唔知咋。」(呢段說話我完全無更改，全文照寫架。)
講到呢到佢已經講唔到落去，佢點死撐都只係一個女仔。由第一滴眼淚開始就好似收唔到制甘。不停甘喊。
呢個時候我有d不知所措。
「使唔使借個shoulder比你呀，硬就硬左d，不過都借黎喊都幾好架。」本來想講個爛gap出黎舒緩下。不過好似無咩用
於是一手推左佢係我胸口到。心諗死就死

forssell427

PArt 15
呢個時候，我個心跳得好快甘。好似做左虧心事甘。唔知係唔係睇得電視多，見人地係戲裡面甘做我又甘做。不過呢招真係萬試萬靈喎。佢唔單止無喊，反而仲笑喎。
「喂，你白痴架，講咩個膊頭好硬呀。人地好慘架拉，你識唔識"乙水"女仔架。」
「甘果下我唔知講咩嘛，甘未唯有講下笑，舒緩一下氣氛囉。至少你衣家無喊呀。」但我想佢喊多陣，甘至少可以攬多陣呀。
「你白痴就白痴拉，一句安慰都無。」
「你要人安慰有幾難姐，今日同你食飯果d人搶住安慰你拉。但我唔同喎，至少好專心甘听你訴苦呀。」
「喂，你做咩成日題果班人?哦，我知拉，你係唔係呷醋呀。」
「哈哈，呷醋，呷咩醋呀，你真識講笑。」
「好，甘你答我，你有無諗過追我?!」
我望住佢好認真個樣，一時之間比佢大到我tim。但我點會甘失威呀
「無呀，真係無，排隊都未論到我拉。」
「真係無?你唔好迴避我眼光先得架，你敢膽就望住我黎講。」
「唔係敢唔敢膽既問題.......」
「無膽就無膽拉，無膽鬼。」
喂人踏到上心口，點忍呀
「喂，我都講呢個唔係膽量問題.......」
呢個時候，佢雙手捉住我塊面，我地既塊面近到個鼻尖差唔多惦到甘淨
「好依家講，有無諗過追我。」
我望左佢，佢塊面好紅，平時好高傲既佢變得好小鳥依人甘。我個心跳到好似想跳出黎甘，我心諗，佢係未係到玩緊我呢，我地維持左住呢個動作甘耐，佢個樣都好認真架喎。我地越控越埋，我心諗，唔通唔想鍚我因為我見到佢合埋左眼。既然有甘既機會我點會放過呢，死就死拉。
呢個時候，佢雙手垂低左，成個人軟左甘挨左係我身上。原來，佢醉左%^%$&^%&%&^^%
望望個錶都成12點幾，我只好做護花使者拉。好彩係calm公司架者，因為住香港果邊架，撘的士要成百幾蚊。係的士到佢旭都無旭過，一直挨住我黎訓。一落車，佢己經忍唔住係甘湯。我就同佢講不如返屋企先拉。點知佢話佢未醒，我未同佢係路邊坐囉。佢飲左一罐到姐，就醉到甘，如果遇到今日班狗公我諗溶左佢都唔知點事呀。佢係甘嘔，嘔到無野好嘔既時候。終於醒左d拉，不過我就好似阿4甘，行左好遠先搵到間7仔同佢買水買紙巾~~唉，欠佢甘。
「我無野拉，唔該晒你。」
「唔該就算，至少請我食飯拉下話。」
「請未請囉~~~喂呢件事我無同人講過架，應該話無人可以比我講。你唔好話比人知呀。不過家下講左出黎，舒服晒。」(我可以話比邊個知呀@@?!~)
「ok拉，我咩都唔會講既。」
「甘..............」
「哦?」
佢攬住我條頸，又控到好埋
「甘頭先係公司你想做既野做唔到，衣家比個機會你做埋佢好無?」
喂，你唔係又話玩我呀~~~~~係我遲疑諗緊呢個係唔係trap既時候
「係，白痴仔真係白痴仔。諗下好拉。」
之後一句bye都無講就走人。真係呢個咩女人黎架~~~~~~~
不過算，至少我地關係由惡劣變普通掛，我諗

forssell427

Part 16
經過上一 次件事之後，我地當然無初初甘一句起兩句止拉。最後我仲成功追到sara。(有機會先再講一講我同sara點走埋一齊拉)
雖然我地一齊左，但我地都無同人講，始終係office係事非之地。我連cindy都無講，但始終紙包唔住火。
「今晚放工有無地方去呀。」sara問我
「無呀做咩呀。」
「甘得拉，上黎我到食飯。」高傲既sara完全無問我yes or no，只係order我去佢屋企食飯。
「做咩無拉拉去你屋企食飯呀。」
「你係未唔願意呀?」
「甘又唔係，只不過..」
呢個時候，sara由好高傲既樣變左做一個楚楚可憐既樣，可愛到呢.............
「得拉得拉，我今晚黎拉。」我講完之後即刻打回完形
「甘就得拉，白痴仔真係白痴仔。」唉....我點解會有個甘既女朋友架呢
於是收左工，我就同左sara去超級市場買野。佢買左好多野呀，好似完全唔使睇價錢甘。
「喂，你買甘多，我地點食得晒呀。」
「買定囉，又唔係全陪買比你食既。」
「okok，甘你買呢d做咩呀，你識煮架拉?」
「邊個話我煮呀?」
「甘你又叫我黎食飯，甘邊個煮呀。」講完呢句我知拉，唉......
買完之後，我就同一個郵差無咩分別，拎住一袋二袋甘去佢屋企。
上到去，原來佢屋企都好大下@@~~
「你屋企人呢。」
「未返掛~~」
我無再問落去，只埋頭苦幹甘開工，好在sara換完衫出黎都有幫我手。原本只要一個鐘頭完作既工作，要用左3個鐘。因為sara又唔識，又要問，又要爭住做，最後又要我執手尾。最後終於大功告成~~~~~~
於是我就張d野拎出廳拉。我就見到一個只著一件over size既t-shirt既女仔係房到行出黎。果陣有少少嚇左跳。
「真好岩岩訓醒有野食拉~~~」
再望真d，係半夜三更見到羅蘭姐都無甘驚既事發生拉。雖然我第一次見素顏既佢(但一樣清秀可人) 但化左灰我都可以肯定，佢就係cindy。
我差d張手上既野都整跌。
「你點解會係到架!!!!!!!!!」
「我點解唔係到呀。呢到我屋企黎架，白~痴~仔~今晚輪到sara煮飯，我諗佢唔想煮所以叫左你上黎囉。」
「家姐，你真醒目，但唔好篤爆我好無。」
「家姐?!~~~~~~~~有無甘橋呀?」
「呃你做咩姐。」佢地2個人一齊講，但我覺得我落左一個世紀大騙局甘。
一路食，佢地一路彈，一個話淡，一個話重味。但我一於好少理，一直唔出聲
「喂，小氣鬼，係未甘呀，有咩好嬲呀，叫你煮飯姐，最多我洗碗拉。」
「sara，唔使理佢架，d細路仔係甘架拉。」
「喂，點解~~~」
「唔好問住，等我地食完野先拉。」
cindy講完同我打左個眼色，雖然我唔知咩事，但佢總有佢原因既。

p.s:大家睇到呢到係未覺得同我一樣，好似跌左落個騙局甘。有無甘岩呀。做戲咩?!冷靜d先。我初初都係甘諗。但當然唔係拉，下回听听cindy點講

forssell427

Part 17
食完野，sara好自動自覺甘去洗碗。而呢個時候我緊係即刻扮幫手拉。入到廚房我從後面攬住佢講
「喂，使唔使幫手呀?」
「你指既幫手係幫手洗碗定係幫手攪亂檔呢？」
「我邊有攪亂檔姐，我真係入黎想幫你手架。」
「出返去拉，阻住晒~~」sara極力甘想鬆開我隻手，但點夠我大力呀
「咳咳~~~2位小情人，請問我方唔方便入黎飲杯水甘呢。」我地卿卿我我既場面比cindy睇到晒。
「最衰你呀，阻住晒。」sara扮晒可憐甘埋怨我。於是我就順勢甘跟住cindy出去拉。
基本上我有好多野問，但我唔知從邊到問起，定係我心中有愧呢？之前就同人講我有幾鐘意人家下就有女朋友仲要係cindy個妹。
「喂，你對我妹係未認真架？」
「你覺得我玩玩下咩？」
「你係未玩我唔知呀，不過我驚你太過認真，到最後又走左去借酒消愁呀。」
「你講咩呀?」
「我意思係我妹唔知係未認真架喎。」
「吓?!~~~」
「我阿妹由細到大都唔怕無男仔追既，當中樣好過你，學歷好過你大有人在，但佢偏偏同你一齊。所以我先為你擔心姐。」
「喂，甘踩我呀。家下我好失禮咩。甘未姐係證明我有我既優點拉。」
「我就係知你既優點，所要先叫你同sara黎公司做。」
我聽到即刻滿頭問號呀。
「其實sara一早就知有你呢個人既存在。佢一直都唔明點解我同你會做到朋友，於是我間唔中都會講下你既野比佢知。但佢死都話你其實係對我有企圖。直到前幾個月，我唔知佢發生咩事，成個人落晒形。問佢咩事又唔講，成日匿係間房到。於是我未諗到有一個傻瓜應該可幫到我。」
「甘姐係話我拉。」我怒beer住cindy
「我妹性格好勝，又唔衰得。由細到大都比人縱慣晒。基本上同大小姐無咩分別，但為人好細心。而你呢白痴不在話下拉，做人又衝動，做事又唔經大腦。但你地2個既性格正好可以互相填補。」
「姐係話你有心撮合我地2個拉喎。」
「我甘做一來係想佢知我同你做到朋友既原因唔係佢甘諗，二來，我點知我妹會甘無taste揀左你先得架。再加上我覺得你可以幫sara忘記唔開心既事，但你地一齊都好呀。至少證明你唔會對我有非份之想。」
原來佢甘做真係有目的。不過呢個時間我真係噁口無言。無可否認，自從果晚我同sara打開話題之後，我好少再諗起cindy。基本上每一日都係見住sara，再加上sara對我由冷淡，到同我熱戀。呢個時候我真係過得幾開心，什至唔記得有cindy既存在。
「你同第二個一齊，會唔會再追第二個我管唔到。但你家下同sara一齊，唔論到我唔管。除左佢你唔可以有第二個，諗下都唔得。」
表面上，佢係話我知唔可以傷害sara，但其實我知佢同我講，唔好再對佢存在任何感情。
「但有時有d野控制唔到，有d角色係我心入面係永遠都動搖唔到架。唔係我話要忘記就忘記。」
「甘你明白到只有sara先係你心入面既女主角就得拉，有時d野可以維持到就唔好刻意改變。明唔明白。」
cindy講到甘玄我一時又點明白呀，我只係知道無論我點講我都無point。因為我已經揀左。
cindy見我諗得入神
「輝，我地永遠都係好朋友，應承我，好好甘對sara。」我除左點頭我唔知可以比到咩反應佢。我聽到佢甘講總係覺得cindy話中有話，但係咩野我又估唔到。
呢個時候廚房傳來尖叫聲~~~唉，sara呢位大小姐，驕生慣養。一係唔做野做野打爛野。洗碗都可以整到自己流血，真係要比個叻佢。
甘我緊係同佢包紮拉。cindy見到甘又成機窒我
「估唔到輝甘細心，以前識佢都係唔甘架。」
「係喎，家姐呀，我以前問你點識佢你死都唔肯講，其實你地2個點識架。」平時一世英明既cindy，比sara突如其來一問，我同佢都一時唔知點答好。
「你2個做咩呀，快d話我知拉!

forssell427

Part 18
呢個時候，我同cindy你眼望我眼，都唔知點答好。
「甘耐既事我都唔記得拉，你問輝仔拉。」cindy竟然聲都吾聲張個波掉個黎。於是我以牙還牙
「係甘既，有一日我放返屋企，經過樓梯。」講到呢到，cindy個樣好似想食左我甘。
我:之後我見到佢係到喊喎，於是便比張紙巾佢，仲問下佢咩事囉。
c:係呀，我記得拉，之後呢個喊濕仔不單止無走呀，仲坐左係我則邊，眼金金甘望住我喎
我:係呀，不單止無叫我走，仲叫我留低陪你喎，听你訴苦。
c:但有人就成機抽水囉，初初撘下膊頭，之後就攬住人條腰。
我:好似係有人自動挨埋黎我到架喎。
c:係呀係呀，我cheap到自動獻身，比你攪埋呀

呢次真係玩出鍋拉。唔覺唔覺間接講左個事實出黎。我地一齊望住sara，見到佢好似想殺人甘望住我。今次死拉
「好好玩呀呵，家下你當我白痴架!!!!!!!!!家姐呀，你又同佢傻都有架。」講完之後，sara不停甘追打我，不過總算涯過一劫。
「輝呀，出面落甘大雨，不用你今晚係到訓拉。我同你打比伯友講聲。」cindy甘講算 係補償嗎
而sara聽到後，佢既追殺行動停左落黎拉。
「你家姐叫架咋，今晚我要同你訓拉。」
「你就想，你訓廳拉。」sara講完一支箭甘入左房。
「輝，甘你自便拉，我同你媽咪講左拉。我訓拉。」我都唔知前世係唔係欠左佢地2姊妹。甘對我，話晒都客呀。
雖然，張梳化都幾舒服既，但始總唔係自己張床嘛。由12點，坐到2點都無睡意。
「訓唔著呀。」cindy係房到出黎。不過我見到佢更加訓唔著，點解?因為cindy著左件黑色吊帶既睡衣出黎。見到果下我真係目定口呆呀。
「小姐呀，話晒我都 係一個正常既男仔黎架。你著到甘。」
「既然訓唔著，不如我地................」cindy張佢塊面哄到好埋，差唔多鍚到佢
「喂喂喂，你玩還玩呀，如果sara呢個時候出黎我死人架。」
「甘你唔想咩?甘算囉。」佢講完佢左係我則邊。
「頭先你甘講，差d嚇死我呀。」
「邊個叫你掉個波比我呀，求其講個原因未算囉。」
「不過，唔好話sara，連我自己都唔係好信果日發生既事。」
「如果唔係甘，我就識唔到你，更加識唔到sara拉。」
「就算時光倒流一次，我都可能會甘做。」
「點解呀」
「唔知呢，我果刻只係想有人安慰我，有人陪下我，仲諗過想自殺，甘岩你又出現左。」
「你講真定假架。」講到呢到，cindy攬住我隻手，挨左落我到。
「甘我都係一個女人仔黎姐，有時都好想有個人鍚下我，比個好硬既膊頭我挨下。」
點解甘熟既呢句@@?!~~~
「係未似曾相識呢，sara同我講既，佢已經講晒你地既野我知，包括你點追佢。今晚都係我叫佢叫你上黎既。」
講講下，我地越講越大聲。
「喂，其實sandy同sara，你鐘意邊個多d。」
「喂，無得比架喎，一個過去式，一個現在式。」
「但你為左sandy，走去虐待自己，放棄自己喎。佢甘對你，你係未好憎佢呀。」
「甘我又無，佢其實對我真係已經好好，只係我無珍惜過姐。我地分手都預左架拉。不過，如果唔係佢我唔知咩叫愛，點做一個男朋友。到左衣家知道點同sara相處。」
「真係大個仔左喎，但聽到你甘講我都放心，sara同你一齊我都唔使驚。我訓拉。」講完佢鍚左我一下，之後係我耳邊講
「其實sara未訓架，我諗你頭先講既野佢聽到。」之後佢斯斯然甘方左入房..........
        如果sara聽到，佢會唔會亂諗野呢~~~~~~~無耐，sara就走左出黎，佢個樣唔係嬲，但都唔係好心情果隻。我走埋去，拖住佢問佢咩事。佢一直都無出聲，直到我雙手feel到佢既眼淚。
「輝，你話我知，果陣你同我講對你有個好重要既人，究竟果個係邊個呀？」唉，女仔真係好好記性架，所以各位男仕，以後同女朋友講野記得三思呀

forssell427

Part 19
「過去左既野就算拉，唔好再記住拉。但我可以同你保證，唔會再有甘既事係我地之間發生。」
「我擔心既驚你會變心，我知我唔溫柔，有時對你好惡，但你都對我好好，好就我。應承我唔好離開我，我真係好愛你。」
我愛你三個可能好難講，亦都可以好易講出口。但聽果個可以真心feel到呢句說話有幾真就真係一d都唔易。我聽到之後緊緊甘攬住sara，我知道我眼前既女人係全心全意甘愛著我。
「我都好愛你，永遠都只係愛你一個。」
「真既，如果你今晚想............我唔介意，因為我知道你真係好愛我。」
我輕輕甘笑左一笑，之後鍚左sara一下。(之後有無下文，你地自己諗下拉，我唔會寫拉。估唔到我寫到一半，個個都話我食人隻豬，我諗就算我點寫，你地心中都有自己既答案架拉。)
第二朝訓醒，望住sara，有種好幸福既感覺，呢個時候sara都醒左，打開左一隻眼同我講
「你個白痴仔變態架，眼甘甘望住人。」講完就另轉身繼續訓，琴晚柔情似水既sara去左邊呀。唔通我發夢~~~   ~
出左房見到cindy係到睇緊電視。
「早晨...」
「仲早!!!你知唔知依家幾點呀」我望一望個鐘~~~~2:30pm@@~~
「你地琴晚好夜訓咩~~~~訓到甘晏。」
「你仲好講，如果唔係你引我講sandy，sara會聽到咩，差d比你類死呀。」
「差d姐係無事拉，公主，奴婢~~~~~你講d野肉唔肉麻呀。我聽到打晒冷震~~~~」
「咩呀，唔抵得呀，你無人同你講咋嘛，羨慕唔到甘多。」
「死0靚仔，我唔想今日開殺戒呀，你精就講野小心d。」
而我既代價就係要煮野比呢個女王食拉，2姊妹真係當我係奴婢呀
我地一路食，cindy就一路眼甘甘望過黎，攪到我周身都唔自在。
「做人要老實呀，琴晚有無對我個妹做過咩黎。」
「多得你，我未用有牛二虎之力去"乙水"佢囉。」呢個時候緊係要扮下野拉
「你知我講咩就唔好扮傻呀，如果唔係我真係要你做太監。」
「咩呀，我真係唔知喎，你想問乜不如照直講拉。」
cindy忍唔住又係到追打我。
「你地嘈完未呀，知唔知有人訓緊覺架!!!!!!!!!!!!!!!!!!」sara一聲咆吼我同cindy都乖乖甘返埋去食野。
「我唔記得同你講，sara訓覺大個天，邊個嘈醒佢連我都唔比面架，你好好記住拉。」
點解我會同左個甘"厲害"既女人一齊既@@~~~隔左一陣，cindy繼續追問，而我當然耍太極拉。
「你2個呀，又嘈，攪到人訓唔著。」sara行過黎我到，撟住我隻手，挨左落我到。
呢個時候cindy陰陰咀甘笑，然後扮口型甘同我講。
「你唔講我知，我問sara~~~哈哈哈。」我又點會示弱呀
「sara，你家姐話有野問你喎。」
「妹呀，琴晚呢個咸濕仔有無多手多腳呀。」
「妖，痴線...........家姐，你都係唔好近佢甘多拉。」果然係sara一貫性格
「不過你唔講，我都估到拉，一訓醒就痴住呢個傻仔。通常情侶纏情完都係甘。」
「費事同你講。我刷牙。」臨走仲叫我整定野比佢食......唉....真係當我阿4。
「阿輝，我認真甘同你講呀，你唔好玩玩下呀。sara玩你就得。」
聽到真係o晒咀

forssell427

Part 20
有一日，我阿光約左我出去野飯。但今次既飯局唔係得我地2個，而係4個。因為我地大家都有女朋友。我係電話到話佢知係condy個妹，佢都覺得好出奇。當然佢有問我有無cindy甘靚，我就答佢出到黎就知。其實我地真係好耐都無見拉。佢就讀緊大學，努力讀書(溝女)家下仲係間好有名既公司到做緊野。邊讀邊做。而我就專心甘工作，因為我由part time轉左做長工，當然有cindy推薦拉。
      一出到黎見面坐低，我同佢都有同一個反應。就係唔敢相信眼前既野。先講阿光，佢見到sara之後簡值係可以用目定口呆形容，好似唔相信眼前既野。(唔單止係SARA靚，大既原因係佢覺得我點解SARA會同我一齊。)不過佢好快就扮到無野甘。而佢既眼神話我知係
「衰仔，竟然有個甘正既女朋友。仲要收埋甘耐，唔講我知!!!!!」我地呢種對話方式已經由大家係讀書果種開始架拉。
而我點解望到阿光女朋友會甘大發應呢。因為佢女朋友係阿YEN~~~~~(如果唔記得邊個就睇返之前既故仔拉。)我初初都唔認得係佢，因為佢變左好多。只係我記得佢個眼神，好不友善既眼神。我一坐低佢就怒"BEA"住我。阿YEN比以前更有女人味，識得打扮左。經大家介紹後，阿光得知SARA張同佢同一間大學，唔知佢有心定無意甘不停甘同佢講大學既野。而阿YEN都係大學生，所以佢地三個有好多話題，但我就一可都接唔到。
「我地唔好抵掉阿輝拉。轉話題拉，如果吾係阿輝會悶死架。」
都唔知個死仔係潤我定幫我。呢個時候阿YEN又踩多一腳
「甘又係呀，我地個個都係讀緊大學，但阿輝就已經出黎做野拉，可能覺得我地仲好幼稚呢。所以佢以同SARA溝通我都覺得佢好勁。」
呢個女人繞甘大個圈黎串我。
「佢雖然蠢就蠢D，但佢好聽話架，好似阿4 甘。如果佢唔聽話我一腳踼佢走架拉。」
唉..............我覺得我唔應黎呢個飯局囉。做左中矢之的。之後佢地繼續講佢地既話題。直到SARA去左洗手間。阿YEN突然出聲。
「其實係你地黎之前，我地見過SANDY。」
「原來佢返左黎呀。」我聽到反應好平淡。
「我真係替SARA擔心，既然同呢D人一齊。都唔明點 解甘有質數既女仔會同你D甘既人一齊。」
「係呀係呀， 我都好唔明。」我暗串返點解阿光會同巨一齊。
「我有同佢講約你，但佢話唔想見你，你睇你果陣對人幾衰呀。」
我由始至終都無同人講過我地點解分手。因為真正既原因連我自己都唔知。我唔知YEN聽到D咩拉，横惦都分左手，誰錯誰對都唔緊要拉。何必同佢婦孺之見。原來sandy同阿yen都一唔多無聯絡，只係sandy返黎前先搵返阿yen。阿yen話佢返到黎都覺得同佢好陌生，雖然我無見過sandy，但聽佢地講都知道sandy已經唔係以前天真爛漫既女仔。原來SANDY同我散左之後，同左個abc一齊。當然以佢甘蠢，緊係比人呃拉。最後仲比人攪大左個肚，而個abc仲唔理佢，同左第二個一齊。之後佢屋企人知道緊係拆天拉。不過果陣好在佢room-mate(女仔)一直陪佢。安慰佢，好快就無野。仲因為甘，令到sandy好似變左第二個人甘。開始去浦，去"界"仔。同埋佢地都覺得唔一定要有男朋友，女仔單身仲自由。可以享受比人追既感覺。最後佢地2個仲因為甘係埋一齊。原來佢room-mate 係lesbian。最後仲有為甘同個room-mate私奔。激同佢屋企人死甘淨。最後自己知錯所以返黎同父母道歉，從新正正經經甘讀書。我聽到好似聽故仔甘，覺得好有趣味。但阿yen講到好似sandy變成甘都係因為我。
呢個時候sara都返黎拉。佢地都停止再講落去，算佢地識做。之後我地分開走左。
「點解你朋友既女朋友好似好唔鐘意你甘既，我真係好想話返佢，甘話我男朋友。」
「乜原來你甘緊張我架。」
「唔好誤會，我只係保護我自己既野姐。」
真比佢激奀...............不過算拉，sara就係口不對手既佼佼者。
我同sara之後去左行街。我地同其他情侶拍拖好唔同架。因為我可以共然甘"及"女。點解?因為sara同有此好。唔係佢鐘意女仔。只係鐘意睇人既打扮。
「點阿，果個女仔好靚阿呵。~~」sara知道望個女仔。
「自從同你一齊之後，我發過呢個世界都無靚女lu。」
「係囉，所以你望人個胸囉。不過佢又真係幾唔得，如果唔係都唔使著到衫甘低拉。」
而且我地又唔會話成日拖住手呀，攬住呀。好似連體嬰甘。你串下我，我串下你甘。我反而幾enjory甘既拍拖方式。覺得好free~~~成日我愛你你愛我甘，悶悶都死拉。都唔會係大庭廣眾講好親暱既稱呼，列如老婆仔老公仔呀，豬豬，我真係聽到有對情侶甘講架。
行行下我就同sara行左去陪佢 睇衫，好多男仔都唔會甘做。但我就唔係拉，好鐘意架。因為佢實問你好唔好睇架，甘自己想睇到佢著乜就叫佢買咩，幾好呀。不過行行下。係sara去左試衫既時候，我就緊係無枉管甘"及"女拉。望望下，不經意甘同左個女仔對望，eye contart左幾下。佢初初好似定左型甘望住我。我都覺得好奇。直到sara出黎佢就行開左無望拉。sara仲問我係未識得果個女仔。
      係當晚我甩到身唔使去sara屋企陪佢，返左自己屋企。真好可以放假。想訓覺既時間，電話響起~~~~~~
「喂.............」........

[ 本帖最後由 forssell427 於 2009-12-20 06:05 AM 編輯 ]