forssell427

Part 21
原來係阿光打黎。我當然埋怨佢做咩甘夜打比我。但我聽到佢講比我知既野之後，我成晚都訓唔著。
「喂，你知唔知今日sandy見到你。」
「係咩，佢點知見到果個一定係我呀。」
「你唔信就算，不過我打黎唔單止同你講呢樣野。係yen比左你電話sandy。」
「有無攪錯呀，佢做咩比我電話佢呀，yen點解有我電話架。一定係你個衰仔出賣我拉。」
「喂，我都唔想架，所以未打黎同你講聲，等你有個心理準備囉。」
收左線之後，我不停係到諗佢點解要我電話呢，原來今日見到果個係佢，點解唔同我打個招呼呢。如果真係甘憎我，又點解要拎我電話呢。我係到不停甘望住個電話。個心入面又唔似唔想佢打黎，但又好似想個電話會響。增經听人講過。男人長情，女人絕情。我覺得呢句說話好岩。男人總係會拎返起以前女朋友既野。就算佢衣家對個女仔咩感情都無，但都會捻返起佢。(女的我不作解釋了，因這裡有女讀者)可能一直抱住呢種心態。話晒點都係自己曾經愛過既女人。就算做唔到情人，都可以做朋友姐。(但我到左家下都覺得呢樣野根本無咩可能。)成晚就甘諗埋d無謂野，攪到好夜先訓得著。第二日返工仲遲到，比cindy省左餐。放左工，同cindy一齊返屋企。果陣sara因為返學，夜晚同同學去左街。於是就同cindy講左件事出黎。
「你到呢刻仲對佢有感情。」cindy第一句就甘問我
「當然無拉，都過左去甘耐拉。況且佢都無打過比我。」
「甘佢打比你又點呀，你都話無野，甘有咩好煩呀。」
「甘假切個賤人失驚無神打比你，你會點呀。」指個pk大哥哥
「雖然我無在嬲佢，但佢對我做既野我永世難忘。」
「甘未係囉，我都一樣。有d野係忘記唔到，但記住又唔代表有感情存在。」
「甘如果佢自動送上門，話仲好鐘意你甘你點呀。」
「邊有可能呀。」(其實係我一直幻想既野)
「我話如果呀，他朝有一日佢真係打比你，甘你點呀。以你甘懦弱既性格，一定唔會say no。同埋你喊濕。」
cindy永遠都係最清楚我既人，我諗咩佢都一清二楚。所以有好多野sara唔知，但cindy會知。因為佢講過要我當佢係朋友，我做到，我真係覺得我做到。
cindy講既果一日終於黎到
「喂，阿輝。知唔知我係邊個呀。」
「sorry，你係」其實我又點會唔知呀，不過我果下我個心跳得好快。我知道再係甘落去一定會出事

forssell427

Part 21
「係我呀，sandy呀。你係到做緊咩呀。」
我唔知點解個心跳得好快。
「無呀，本來諗住訓架拉，好耐無見拉。你返左黎香港?」我扮到咩都唔知。
之後大家講一大輪癈話直到
「係呢，不如搵日出黎食飯飲野呀。」
「好，但呢幾日我都會好忙。不如甘拉，我得閒在約你拉。」
「乜你甘架，甘耐無見，就推人。」果然成個人唔同晒，以前佢唔會甘講野。
最後我就同佢第二日電聯，講下講下原來傾左成2句鐘..................
到左第二日，我完全唔記得左呢件事，因為真係好忙，今日sara都有返工，但佢又話約左同學傾學生會既野(有無甘多野傾呀。)，所以好早就走左。但我就慘，連飯都未食。差唔多9點到，我放工拉諗住叫sara同我食飯，佢又話仲傾緊。cindy又一早返左屋企。(高層係唔同d:smile_39: )呢個時間sandt打比我。
「喂，我諗呢個鐘數你放左工掛，得唔得閒出黎飲杯野呀。」
「我仲係公司呀，飯都未食呀。不過都差唔多諗住走。」
「甘未岩囉，我蝕低d陪你食拉。」
就係甘我地約左出黎見面。
我一見到佢，果然係上次同我眼定定對望果個人。佢真係完全唔同晒。無論外表，衣著都唔同晒。著衫好有女人味，仲ok sex。(大家唔好諗甘多，只係普通背心熱褲姐。)
我初初只係話求其食少少野，費事去咩餐廳拉。點知佢話帶我去一個好特別既地方。
佢帶左我去一間食私房茶既餐廳。果到好多人，但就留左一個2人位。我問佢係未一早訂左，佢話唔係。我岩岩坐地，佢就叫我等陣。
我四周望望，真係咩年齡既人都有黎食。(間野菜生都有去過架。)坐左一陣，我唔見sandy出黎，於是就問問d伙記見唔見佢拉。
「哦，你講阿詩呀(sandy個中文名)。佢係廚房喎你等等。」原來sandu係呢到打工，我聽到都覺得好出奇。
等左一陣，sandy就拎左好多送出黎。賣相都唔錯架。但我唔理，實在太肚餓。於是未等佢坐低就夾黎食拉。唔食由自可，一食就不得了。真係好好食。家下好小女仔識煮送既真係買少見少，仲要煮得甘好食既真係難得。我一路食，sandy就一路講呢d係咩送，點整點整。呢個時候有個女人走埋黎。望上去差唔多40到拉。不過我估佢後生都好多人追果隻既。然之後佢就同我講野。
「阿詩同我講今晚會同個朋友黎食飯，仲話要比佢親自落廚。我都估到係同男朋友黎架拉。」我聽到真係差d"續"死。
「芬姐，唔好亂講呀。佢係我朋友黎架咋，人地有女朋友架拉。」
「唉，後生仔女，一日未結婚，一日都仲有選擇既。0靚仔，阿詩人又生得靚，又煮得一手好煮，好野黎架。唔要你寶呀。」
我都唔知點答佢好。的而且確。sandy係幾靚女，但同sara比呢就仲差少少。但講到話煮野食拉喎，真係差成條彌敦道呀。
我地一路食，一路傾計。sandy講左佢去外國既野我聽，講佢同我散左後同左個abc一齊，最後比佢呃左，之後識左佢room-mate教識佢好多野，最後仲偷偷地同佢去左旅行。 連屋企都唔知。當然我唔會篤爆佢，佢講咩，我未聽咩囉。講左出黎大家都無隱。而我就講下我做野果d野。點樣識sara，點樣同佢起埋一齊。
「估唔到你甘耐都無咩點變，一樣對自己女朋友甘好。好羨慕你女朋友呀。」
「你覺得我對佢好姐，但佢唔係甘諗喎。」
「係未就係上次我見到果個?佢好靚女呀。」
「係呀係呀，不過就惡左少少囉，哈哈哈。」
呢個時候sara打比我。問我係邊。我講左比佢知後佢話佢都係付近。仲話要黎搵我。我叫佢唔好黎，又好似心有屎甘，叫佢黎我又驚大家好尷尬。但當然拉最後我都叫佢黎拉。
   新舊情人見面，我都係第一次。佢地每一句對話我都驚心動魄
「呢個 係sandy，佢係我女朋友。sara。」我同佢地介紹
「你就係輝既初戀女朋友sandy?」sara第一句就攪到甘激。
「係呀，上次我都見過你架拉。不過今日睇清楚好多。你真係好靚呀。」
「上次?」sara用一個好疑惑既眼神望住我。
sandy見到就出聲。
「上次我見到你地行街，不當時阿輝都認唔到我。」
呼~~~~一場世紀大戰即張爆發。
之後又到sara出招。
「唔怪得阿輝同你分手之後變左個癈人甘拉。原來係一個甘靚既女仔。我家下終於明白。」
「癈人?傻拉，我邊到靚呀，同你比簡直無得比拉。」
係一輪槍林彈雨下，sara開始放低左疑心，開始同sandy有講有笑。當然我做中間人，調節個氣氛拉。講講下，突然聽到電台播緊eason首"每一個明天"我同sandy都不其然苦笑左一下。而我地呢個動作，sara當然心中有數拉。
      首歌一路播，sandy好少出聲。之後佢突然一聲不響甘衝左入廚房。我知道佢喊緊。
「輝，首歌對你地好有意思架。」sara忍唔住問我。既然sara都知，暪都無謂。呢首歌係我同sandy一齊既時候，佢同我講佢好鐘意呢首歌。佢話如果有一日個男仔同佢唱呢首歌，真係會感動到即刻嫁比佢。於是係佢生日果一日，我親口就對佢唱左呢首歌
「你好浪漫喎，乜原來你好鐘意唱歌架咩。不過，我身為女仔，都明白佢依家既心情既。」
無耐，sandy出返黎。我地同sandy講左知道發生咩事。
「sorry呀，唔好意思。sara你唔好誤會呀。我對輝唔會有野架，不過有d觸景傷情姐。真係唔好誤會。」
「傻拉，我點會嬲呀。呢個人呀唔好話對我唱甘冧既歌，連同我唱k都未試過呀。」sara真識講笑，我點會無唱呀，不過佢叫我收聲姐。
之後sandy都講左佢比人搞大左個肚，又同左個女仔拍拖既野我地知。
「我今次返黎已經重 新 做人。希望你地唔好介意我既過去，i hope u　ｃａｎ　ｂｅ　ｍｙfriend。」
       連sara都好似比佢感動到甘，最後我地一齊撘的士返屋企，順路兜埋sandy。撘前，佢地仲叫我行後d，2個人係到密密針。事後sara先同我講 返內容
「sara，我真係好羨慕你。有個對你又好，又好愛你既人。我真係覺得 你好幸福。」
「係你唔要，我先有機會同佢一齊姐，不過佢的確的對我幾好既。」
「但我睇得出你都好愛阿輝。」sara只笑左一聲，無答到佢。
         當sandy到之後，sara仲叫我上佢上樓，佢係車到等我地。我送到佢係門口，佢對我講
「輝，我可以攬你嗎？」講完佢就攬住我
「都係攬住你既感覺最好，不過對唔住，我真係想親口同你講聲sorry。無左你先知你既好，果陣阿yen有同我講你放棄自己，都為你擔心過。返黎想同返你一齊，當係我對你既彌補。但見到你有個甘好既女朋友，我真係一d都比唔上，之不過，你果陣心里面果個人，我覺得唔係sara。」我笑笑口無答佢。只同佢 講
「以後我地都係好朋友。」
之後佢笑笑口甘望住我。呢個時候既sandy同以前一樣，一d都無變過。一樣係一個天真瀾漫既笑容，不過笑容里面帶左少少苦澀。
       「點呀，有情深甘一吻先走嗎？」sara冷冷地甘同我講。
「有呀，簡直難捨離，不過怕你等先落返黎。」sara無理我，不過佢冷靜得令人可怕。我又感到颱風即張黎臨

forssell427

Part 23
最近同sara同好少見面，佢入左大學之後好多活動，而我公司又到旺季。晚晚都ot，有時仲要放左工去cindy屋企到傾下第二日要做既野。其實呢段其間cindy有一段小插曲，就係有一間公司既太子爺追cindy。呢個太子爺唔係二世袓，佢係哈佛大學畢業，返黎已經係公司第二把交椅。自從呢個太子爺見到cindy後，開始追cindy。不過呢太子爺係私還私，工還工。有一次我同sara返屋企果陣見到呢位太子爺同cindy纏繞。我當然二話不說衝上前救美拉，但sara就獨自一個人返屋企。佢話呢d野見得多，家姐唔比人追先奇喎。不過甘又係，但我睇唔過眼嘛。於是cindy有時放左工就叫我陪佢返屋，當然呢個工作狂係唔會放過我拉，順邊叫我煮埋野比佢食。今晚連續第5晚去佢屋企傾野。
「輝，你好似好累甘喎，不如抖抖好無。」cindy見到我死下死下甘，便停低無講工事。
「係呀，可能呢排成日出入冷氣地方，一冷一熱。感親下掛。」
「甘你抖一陣拉，你唔好掛住做野先得架，你自己又唔顧，連sara都唔理。你地呢排攪咩呀。」
「無野呀，只係少見面姐，其實晚晚同你返黎都見到佢架拉。有咩野發生姐。」
「但你每晚都係訓廳喎，你地鬧左交?就算佢返到黎我都見你地好少傾計既。我就係見你地甘先成日叫你同我返黎。」
其實自從果晚我，sara同sandy食完野之後。佢開始對我冷淡左，初初我以為佢嬲我見sandy，但後來佢同sandy食日出街食飯。連我自己都唔知發生咩事。sandy有幾次同我講每次提起我，佢都好快講左第二個話題。(sandy係我卧底)
      cindy見我唔出聲再講落去。
「你知唔知呢排有個男仔搵得sara好密，有好多次仲查車黎接sara。你再唔緊d連個女朋友都無埋呀。」
「我知，我仲知果個男仔追緊sara tim。」
「甘你明知你都唔緊張下？唔通就就甘送左sara比人呀，等我仲指意你以後照顧我個妹。」
「cindy，唔係我唔緊張佢，係佢對我好冷淡，我自問到呢一刻都仲好鐘意佢，無諗過要同佢分開。但約親佢唔係話約左sandy就話約左人傾學生會既野，甘我可以點呀。我有問過果個男仔既野，但佢話學校有好多人追緊佢tim。仲話人地要鐘意佢，佢阻止唔到架喎。佢話我對自己無信心，成日都唔信佢。仲話自都好大方甘見sandy。」我講左果晚發生既野講左比cindy知。
      呢個時候我個身越黎越熱，頭又重，我知道自己發緊燒。之後我就話要返屋企抖。cindy當然有阻止我拉。但我費事一陣見到sara又鬧交。家下成11點幾，sara仲未返，我已經好嬲。我真係唔想見到佢，於是cindy就送我撘車。cindy叫我企埋一邊抖抖，佢話幫我截車。呢時候我見到sara係果個男仔架車到。當佢地出黎果陣我見到個男仔唔知同佢講左d咩，但 係講到好肉緊，但sara就好冷靜。當然cindy都見到拉，佢即刻走埋黎同我講叫我都係唔好返去。今晚係佢到過一晚野。
「cindy，算拉，我咩都睇到晒。不如我地一齊睇埋呢場戲拉。」
就係甘我地睇住sara比個男仔攬住，而sara仲岩岩好面向我地呢個方向，我地大家對望。如果我唔係病到死死下，我真係會第一時間衝埋去中佢幾拳。不過你唔要面，我都要面。通常搶人另一半果個都好想見到人地現任既戀人，擺明挑戰。
sara推開左果個男仔，然後走過黎我地到(個男仔跟住佢後面)。不過佢無停低，繼續向前行。
直到我地三個人返到屋企。
「你唔覺得有野要交待咩。」cindy忍唔住出聲
「我仲有咩好講，你地見到甘樣。我講咩你地都有定案架拉。」
「輝家下病到死下死下，佢都話要等到你返黎呀。你唔係甘講野呀。」
「係咩，無事嗎？不過我知你唔信我，一定覺得我移情別戀。你一直都唔信我架拉，既然有個甘既男朋友，不如唔好要。」
cindy聽到想一巴打落sara到。但我叫停左cindy。果陣我真係好想講"好呀"，但我忍住左。之後一個人走出門口。cindy跟左出黎留我，但我堅持要走。

forssell427

Part 24
我行到出lift口，個人己經無晒力，仲好鬼累，頭又痛。作個人挨左係地下。之後sara出到黎同我講

"你做咩呀，如果你發牌氣我諗家下未係時候囉，你死左係街頭都無人會可憐你呀"

"甘我家下唔舒服返屋企得唔得呀"

"妖"佢妖完之後就走左去。竟然掉低我一個人。原來佢同cindy出黎夾手腳的我返入屋~~~~

我返到入屋，佢地一個用冰同我敷面，一個餵我食藥，大家覺得我好似大爺甘呢。不過果一刻我好似昏迷左甘，原來我燒到103度@@
無奈我就訓著左。訓左唔知幾耐，有人旭我個頭攪到我醒左，原來係cindy。我訓左係佢大牌度。
"sara佢訓左覺，...."
"得拉，我明，唔通佢會照顧我咩。"
"你唔好甘講拉，我知佢頭先做既野好過份....."
"如果呢一刻你係sara你話幾好呢................."
"甘衣家我係未好 失禮你呀，我唔訓照顧你，你仲想點呀輝哥仔。"
"我唔係甘既意思呀，我意思係，如果你係我女朋友就好拉。"
"你係禾病傻左呀，亂甘講野。"
"我講真架，一直以為我同sara一齊之後我就可以忘記你，我初初都以為得。但原來唔係。"
"我同你講過，我地永遠都係好朋友。你唔好再諗甘多，唔通你同sara一齊係玩玩下，當佢後備?"
"緊係唔係，我係真心鐘意sara，但如果我一早知佢係你細妹，我未必會同佢一齊。因為心底鐘意果個係你。"
"夠拉，唔好再講。你同我乖乖地合埋眼訓覺。"之後佢推開左我。
"點解你係都要逃避我姐，我忘記唔到你就忘記唔到你架拉。"
cindy一巴打左落我到然後講
"我同你講多最後一次，我同你永遠都係好朋友.........."講完佢轉身就走，呢個時候我上前攬住左佢。同佢講
"我知我同你年齡差好遠，係你心目中我永遠都係細路仔。但每一次係我最失意最唔開心既時候，你都總係係我身邊。我唔expect你鐘意我，但無論點你都對我有感覺掛。"

我講完cindy轉身 望住我同我講
"答案重要咩，我同你係無可能架。我係係你身邊，我永遠都會支持你。但你真正需要既唔係我，而係sara。其實sara佢好鐘意你架，頭先你訓著左，佢見到你甘喊到收唔到聲呀。我見佢喊到好累先叫佢訓陣。我明白你心意，但係你要知道邊個先係你最需要既人。"
"我知道，雖然我係同sara一齊，但係我知道我心入面對我最重要果個係你"講完我就鍚左cindy
佢無避開，同好耐之前一樣，佢任我鍚。
"輝，我知你對我好好，對我一心一意。但其實sara係你心目中既地位唔會比我低。呢樣你最清楚。應承我，我地永遠都係知己，仲有，幫我乙水返sara。"
"2樣都好難喎。"
"我唔理，你一定要做到。我叫sara接班拉。"
之後佢返左入房。無耐sara出黎，我見到個眼好腫，眼袋又大既sara。佢仲怒bea我。
"最衰你呀，攪到我無得訓，你同我過黎呀"
我只好死死氣行過去。我過到去，佢挨住我同我講
"老公，對唔住呀".........我無聽錯掛，佢同我講sorry?

forssell427

Part 25
你琴晚係唔係好嬲我?覺得我有第二個?”

“我諗你段估我唔會開心掛，就算你要同我分手，我諗你都唔需要甘做呀，以你性格你唔會囉”
果條友原來係讀yr3既，係學生會幹仕。次次都借開會為名，約sara而實。當然以sara呢個”高鬥”型女仔又點會so佢呀。只係推完又推覺得唔好意思，先比佢送返屋企。

“我只係想知，你呢排點解對我甘冷淡?”

「從我見到sandy之後，我就有一種好不安既感覺。我唔知點解，你可以話我呷醋。果日我見到佢因為首歌而喊，覺得佢仲好懷念你地之間既感情。覺得你地以前係開心好幸福。係佢臉上，我發現佢可以再見到你佢好開心。我覺得我同你，永遠都唔會好似你同sandy以前一齊甘開心。我好野蠻，一d都唔溫柔。仲成日講好難聽既說話。知你好辛苦好唔開心，但你都一直甘就我，甘鍚我。但同sandy相比，我為你做覺d咩喎。我覺得自己好過份，好自私。我同你一齊我覺得你好辛苦，我都比唔到開心你。我真係好羨慕，好妒忌佢。覺得你愛佢多過愛我。果日我見到你同佢返上去，我不停甘同自己講，你地無野既。但我真係不停甘亂甘諗野，我唔係唔信你，但我真係想衝上黎睇你地做緊咩。之後每次見到你我都諗返起果晚既野。所以我唔搵你甘多，唔想見到你甘多。」

「我同sandy係無可能架。過左去既野就過左去。無論我地以前點都好，都無可能再返轉頭。你係你，佢係佢。無得比架，我鐘意既係sara你，唔係某一類型既sara呀。」

「你唔好”乙水”我拉，不如我地暫時分開一下呀。」

「你又講咩呀，既然知道問題未解決佢囉。做咩要做d甘笨既野姐，你覺得甘樣有用咩。」

「我知我係好自私，係我自己既問題。但分一段時間你就知你心入面最愛係邊個，但你可以放心，呢段時間我唔會避開你，但萬一最後你要離開我，千祈唔好話我知原因係同sandy係返埋一齊。就算你地真係一齊，都作個故仔同我講，留 返少少自尊我好嗎？」

「我唔會甘做架，咩叫暫時分開姐。你諗得太多拉，唔好鑽牛角尖好無呀，根本就無事發生。點解一定要攪到甘樣姐。我同sandy係無可能架，我鐘意果個係你呀。」

「如果你唔甘做，甘我地分手囉!我真係好驚你同sandy起返埋一齊，你明唔明呀，連你病左都照顧唔到你。你明唔明我感受呀。我真係好辛苦。我知你對我好，好鍚我。但我過唔到自己果關呀。」

講完佢一支箭甘返左入房。只有我一個人係到。我果陣腦海裏空白一片。係一晚里面同2個女人講我好鐘意佢，同時間2個都reject左我。究竟我係鐘意邊個，cindy係我心目中既地位不用懷疑，但sara我都好緊張佢，唔想無左佢。又可能又為甘，最初sandy到家下既sara都對我無信心，覺得自己始終唔係我既至愛。果一刻我覺得我好過份，一直我以為自己係一個好男朋友，但原來唔係。同一時間里面，心入面有2個人。果一刻覺得自己好對sara唔住，但自問我又可以做d咩呢。原來一直以黎，我以為自己好辛苦，好就sara。但其實一直就我既係sara，唔單止，sandy同cindy都係。
於是我走到去sara房門外，同佢講
「sara，我唔會放棄你架。我知你為我做左好多野，係我粗心發現唔到。你原諒我好無。我真係好愛你，我唔想同你分開，一日都唔想。」
我見到佢無理我，於是就推門入去

forssell427

Part 26
入到房，我見到sara係床上面，用張被蓋住自己。我拎開佢張被，sara係到喊緊，係喊得好厲害果隻。只若隱若現見到佢既眼淚好似水甘樣流落黎。果一刻我睇到心都酸，有一個女人因為你而落淚，其實我覺得係男人既一種福氣。證明我眼前既女人係有幾愛我。我上前攬住佢同佢講
"對唔住"
只係好簡簡單單既一句，佢既眼淚就更加瘋狂甘流落黎。我一直甘攬住佢，亦都唔知佢喊左幾耐，佢終於收左聲，我推開佢望一望佢，佢"dup"低頭唔比我望，我枱起佢既頭望住佢。
"嘩，你睇你仲話要同我分開，點知攪到自己眼袋大過我個肚腩"
sara聽到終於忍唔住笑左下。講真我真係唔識講野哄女仔，每一次我都係講笑甘等佢笑返。
"你幾時有肚腩架，你有肚腩我一定唔要你呀。
"唔要我?你得咩?"
"唔得，原來無左你我會甘傷心"
"我同你一樣"
"輝，你真係好愛好愛我?"
點解女人終係鐘意問呢d問題架。答案永遠都係得一個架拉。
"好愛好愛你"
"有時我覺得你真係好愛我，但有時我真係覺得我係你心目中可有可無。其實你心入面係未有第二個，你講出黎我一定唔嬲"
女人講親呢句無可能唔嬲~~~呃鬼咩。
"你話唔嬲架，甘我講"
sara聽到呢句即刻好大反應甘望住我。"邊個呀?"
"我老媽子囉"
"妖.......玩野呀死仔"佢笑笑口甘同我講
呢個時候，我見到cindy原來企左係出面，只係匿埋左。於是我話比sara知，我地2個人夾鬼出去嚇鬼佢。
"喂!!!!!!!!!!!"我同sara好大聲甘叫
"你兩個死架"我見到cindy真係好似好驚甘，望一望sara又好似面有難色甘。
"sorry囉家姐，係阿輝話要嚇你咋"
"你估我真係驚咩，我係比你個樣嚇親咋，你睇你，喊到隻眼腫到好似凸晒出黎甘你話驚唔驚拉。"
sara聽到一支箭甘去左洗手間，淨返我同cindy。
"家下你應該知道自己心入面鐘意果個係邊個拉。"
"2個我都鐘意，不過我會以sara為先。因為佢係我女朋友亦都係你個妹。"
"我都費事同你講，總知你要好好甘對我個妹。唔好再令佢喊到好似今晚甘"
"知拉"講完我就另轉身見到sara岩岩出黎"
但點知
"家姐!!!!!!!!!!!!"我回頭一望見到cindy成個人達左落地，佢好辛苦甘掩住自己心口

forssell427

Part 27
Cindy好辛苦甘，佢緊握住我仕手。但我都唔知點幫佢，佢突如其來既反應令我束手無策。但sara即刻好快甘衝左入房，拎左d藥比cindy食。Sara好似無比cindy既情況而嚇到，反而好冷靜甘處理成件事。慢慢，cindy都無咩野拉。我同sara就夫佢入房抖抖。成個過程，cindt隻手都無離開過我。
「你地唔使理我架拉，我無咩野架拉。輝你好似仲未好返架，你都要抖抖呀。」「要抖果個係你呀，你頭先做咩事呀。做咩無拉拉會甘架，你唔好話我知你無野呀，你係未有咩事呀。」
「我有咩事姐八卦，女人病囉，唔好甘多事拉。」
我知道cindy係到敷衍我，不過我知道依家唔係問佢既時候。
「你好好甘抖下，有咩事記得叫我地呀。」
於是我同sara就返左房，入到房我同sara都好靜。我地2個都無出到聲，果下靜得真係有d唔自然，但sara終於打破寧靜。
「你係未有野想問我。」
「係，但如果你唔想講既，我知我點問你都無用。」
「今日好在有你係到。」
「頭先我都幫唔到咩手。我都手忙腳亂。」
「今日有你係到，我先可以甘冷靜。」
Sara甘講，我肯定可以知道cindy今晚發生既野唔係第一次。於是我就諗計一步一步甘令sara自己講出黎。
「冷靜果個係你呀，一d騰雞都無。」
「你都唔知，我頭先都唔知幾驚，每一次家姐有事我都會好驚。」
「你家姐成日都係甘?」
「唔好問拉，訓拉。」
「sara，有咩野我係唔知得呀，唔通你家姐患左絕症?」
「我啋過你呀，唔係我唔想講，係家姐叫我唔好話比人知，包括你。」
其實Cindy唔想身邊其他知道佢有咩事而擔心佢。甘樣佢反而覺得好大壓力，佢只係想好好甘醫好自己個病。Sara最後都話我知，cindy好細個果陣心臟就有問題。不過當時都唔係咩大件事，一直到前幾年，問題開始嚴重左。最初sara見到佢家姐有事果陣，嚇到佢半死甘淨，以為cindy真係會死。但佢每一日都好驚，驚家姐會出事。我明白到sara果陣既心理壓力其實都好大。但最令我震驚既唔單止係cindy個病。
「其實家姐個病係遺傳架。」
「遺傳?」
「係呀，佢媽咪係家姐好細個果陣就唔係到架拉。」
「下?原來cindy媽咪已經……」
未住，既然cindy好細個果陣佢媽咪已經過左生，甘sara點出世呀。無錯，又係好似做戲甘，佢地係同父異母。唔好話你地，當時連我自己都唔敢相信自己既耳。點解好似粵語長片甘架。Sara仲講左好多野，話初初好唔鐘意cindy，因為爸爸同sara媽媽都好鍚cindy，(當時cindy爸爸係去左美國，識左sara媽。So sara係abc)覺得cindy係搶左佢parents。但cindy一直都好鍚佢，直到知道cindy有呢個病既時候，佢又覺得cindy好慘，於是感情慢慢變得好左。
我就好似睇緊連續劇甘。好專心甘听故仔，覺得識左佢地甘耐，都係第一次听佢地屋企既野。果一下真係黎得好震撼。
當我定神之後，我決定要好好照顧佢地2姊妹。因為一直以黎佢地照顧我多過我照顧佢地。但無奈我既努力係有限…………真到有一日，cindy親口同我講佢既病已經唔可以食藥維持落去，要到美國做生術

forssell427

Part 28
係cindy同我講要去醫病之前，我一直都好似貼身膏藥甘痴住cindy，有時同sara拍拖都好似三人行甘，雖然sara表面上好似無咩意見，但我知佢心入面點都唔係甘鐘意。但我地都就呢個問題傾過，佢明白我甘做既目的，不過佢就話我關心佢家姐多過關心佢。唉......點解要呷d甘既醋呢，真無謂。我心入面鐘意你緊張你就得拉(雖然心入面仲有第二個人~~)不過今日出奇地我地無在三人行拉。因為sara去左咩交流營，3日2夜果隻。於是放左工我就同cindy去左食飯。果日亦都係cindy係公司既last day。我同佢食完飯，佢話唔想返去住，於是我地睇左場戲拉。睇完戲都成11點幾，佢都仲話唔想返去，橫惦又唔使返工，甘我就同佢周圍行下。行行下，行到去海旁，一個充滿回憶既地方。呢到sandy，sara同cindy都有好深刻回憶既地方(因為係呢到追sara既)。行到呢到我同cindy講
「記唔記得呢到，你係呢到曾經好大力甘打過我。」
「乜你甘記仇架，不過當時你抵打架。」
「我知，不過果陣除左你，我諗無其他人可以打醒我。」
「你都知呢，知我重要呢，哈哈。」
「你不嬲都對我好重要架拉，係你唔認同姐。」
「喂喂喂，又講果d野。」
「我講事實姐，如果當初識唔到你，我都唔知今日既我會係點。因為你我改變左好多，因為你我識到sara，因為你我知道比人關心原來甘幸福架。」
「嘩~~~家下雖然好熱，但都唔使講埋d甘肉麻既野呀，我唔係sara，我听到唔會好冧架喎。」
「點解你有事，一直都唔話我知呀。」
「我唔想你擔心囉，而且我識你之前已經知道自己有呢個病。又唔係然之間有既。我知道你得悉我有呢個病，你會好義無反顧甘照顧我。再加上你同sara一齊之後我更加唔想講。」
「你驚我會同sara分手呀?」
「會因為你既行為攪到你地分手。你知你架拉又衝動又唔諗後果。我唔想因為甘我地連朋友都無得做。」
「原來你都會唔捨得我既。」
「你當我冷血架咩。識左你甘耐。」
「我真係好想時間停留係我岩岩識你果陣。」
「你個咸濕仔呀。」
「唔係呀，我唔係甘既意思呀。只係果陣我同你個關係好奇妙。我唔知點講，覺得果陣無甘多煩惱。我有一事，你第一個會出黎幫我。」
「甘如果有一日我唔係到，甘你點呀。」
「喂，你唔好亂講野好無呀。你唔會有事架，我一定唔會比你有事。唔該你唔好再甘講。」
cindy無出到聲，企左係到。
「其實如果果日唔係撞到你，我諗我真係會自殺。我都估唔到會比一個小朋友救左自己一命。所以不知不覺間甘好關心你，仲不自不覺，............仲同你識到家下。我都好意外。呢個月我知你好照顧我，其實已經夠架拉，我真係無諗過我身邊會有同自己無親無故既人甘關心自己。」
「喂，你又做咩講到甘感性呀。」
呢個時候，有一對侶行係我同cindy中間，我好自然甘拖住cindy拉過黎我呢邊。最憎d情侶已經攬到連體嬰甘架拉，仲要目中無，真過份。當對情侶走過之後，我無放開cindy隻手。而cindy都無fing開我隻手，我地一直拖住甘行。
「其實我甘多次同你講我鐘意你，你有無心動過架。」
「喂，唔好成機拖住我，你又同我講埋d甘既野呀。」
「你答我拉。」
「你自己諗下拉，女仔心意你感覺唔到架咩。」
「如果真係同你一齊，唔知會點呢。我以前成日諗架，會諗諗下係到傻笑。」
「傻仔，甘今晚比你感受下囉~~~」
哦?點係點呀，cindy竟然甘講既~~~~~不過我唔理拉。識左cindy甘耐，都係第一次拖住佢。果種感覺好奇妙，好難形容。如果時間停止就好拉。
「輝，記得應承我，你要幫我好好甘照顧sara。你記得呀。」
「呢個我一定會做到，但你都答應我，你都要應承比我照顧你一身一世。除非你嫁左人，同我講我地已經係好普通好普通既朋友。」
cindy听到，好感觸甘望住我。其實我講呢句說話係無陰謀架。只係心底既說話，無諗過話係男女朋友呀，什至係夫妻關係果隻。cindy眼定定甘望住我。我無理到我地身邊既人，之後就kiss左cindy到。cindy都無推開我，果刻個世界好似只有我地2個人甘。如果時間停止就好拉

forssell427

Part 29
我同cindy都唔知kiss左幾耐。但大家都意識到係公眾場所，我地好自然甘停左落黎。然後我地對望住係到傻笑~~好似2個細路仔甘。
之後cindy主動甘拖住我，我地又漫無目的甘行。行到某一個商場，我叫cindy等一等我，我話我去一去洗手間。
「喂，你去甘耐架，你去左邊呀。」
「人多嘛，嘿嘿~~~」
「你去女厠呀，人多。」
然之後我係褲袋拎左條手帶出黎，上面係用字串串左cindy個名出黎。之後我就幫cindy帶起佢，其實條手帶只係好普通。只係有一次我經過，見到廚窗放左出黎，上面就係寫住cindy~~所以今次甘岩經過，就決定買左佢送比cindy。其實cindy手上都帶左幾條手鍊，條條都唔知貴過我呢條幾多。
「都唔襯既，除左佢囉。」我听到真係有d心up架。
但原來cindy係除左佢手上果條白金手鍊~~~~~
「你睇，甘好睇好多。」cindy笑笑口甘同我講，果下佢笑到好似細佬女甘，我到呢家都仲好記得果個情景。之後cindy話要回禮，送左隻錶比我~~~上面刻住ce~~我同佢英文名既頭一個字，仲寫埋日期。佢話要記得係邊個送比佢，就算我第日押左，都有記認喎。真比佢吹脹~~
之後我地都覺得有d累，想屋企，呢個時候sara打黎。
「你去左邊呀~~~仲未返屋企既，你唔係親我唔係到想作反呀。」
「我同緊你家姐一齊呀，作咩反呀........」
「係呀妹，你放心拉，有我睇住你個白痴仔，你放心拉。」cindy一手搶左個電話，果一下好有偷情feel~~~
之後我地方到屋企，沖完涼，我係房到同sara報到。聽佢過個camp有幾煩，又聽佢講之前追佢果個男仔點追sara個friend。岩岩收線，cindy就敲門。我一開門，真係比佢嚇親。佢上身著住件好薄既睡衣，下身只係一對長長既白"光管"。
「姐姐呀，你有無當我係男仔架。」
「減濕仔，甘你仲望，我一時唔記得嘛~~~~快另返轉頭。」然之後彭彭聲甘返左房。
不過佢換左衫都唔係好好多，一條好短既短褲加一件over size既衫。
「喂，你訓未呀，雪櫃有啤酒，陪我一齊飲。」
「吾係甘好喎，你身體好似有事喎。」
「哎呀，難得我唔使再返工，甩難，一次半次姐。最多你飲多d我飲少d囉。」
我地由1點開始飲，初初講佢係公司做野既辛苦野，我地同一間公司，緊係大把野一齊索拉。唔覺唔覺就越飲越多，我見到cindy又飲，就唔比佢飲，連佢果份都飲埋。
「喂，你飲晒拉，我叫你陪我飲，唔係你自己飲呀。」
「邊個叫你唔飲得呀。」
「親你醉醉地，問你d問題先。」
「你想知咩呀，睇下我講唔講。」
「哈，好呀，甘你幾時攪我個妹架。」
我聽到真係酒都噴埋出黎。
「你甘想知，你問sara囉。」
「我有問過架，不過佢話我痴線咋嘛，你快話我知呀。」
係威迫下我講左出黎，當然我問返佢轉頭拉，第一次幾歲，係邊個，係邊到發生。(當然我唔會係到講出黎拉。嘿嘿嘿)
「甘最近果一次呢，係幾時呀，你唔好同我講得佢一個呀。」
cindy笑笑口甘同我講
「果個未你囉。」佢講完一大口飲左淡酒。
「你講真定假呀，好多年拉喎。」
「甘耐以黎你見到我有男朋友咩，定係你當我出去搵男人呀。」
「我無甘諗....既然你甘耐無黎，不如今晚我幫你拉，哈哈。」本來我諗住講笑姐。點知cindy眼定定甘望住我。
「咸濕仔，夠膽你就 試下，睇下我.....」佢未講完我已經一口kiss落佢到，可能果晚飲左酒，再加上，果一晚我真係當左佢係我女朋友

forssell427

Part 30
cindy見到我甘做，都嚇左一跳，但佢一樣無拒絕我，反而我覺得佢好投入。我地都鍚左好耐，我個心係到掙扎緊，究竟好唔好再進一步呢。係我猶疑之際，cindy推開左我。
「輝，我地唔好再咁拉，我地今日已經做得好過份。我覺得已經好對唔住sara。」
我聽到都唔知點答佢好。大家death air左一陣。我終於忍唔住出聲。
「今日我問 過你，有無鐘意過我。你叫我感覺下，我feel到拉。我今晚覺得呢個世界好似只有我同你甘，我好享受我地一齊既時間。好想時間停落黎。呢種感覺我同sara一齊係感覺唔到，我知道如果我單方面有感情既話，絕對唔會有甘既feel。」
「甘又點?我都講過答案重要咩。無論我地大家有無感覺，自從你同sara一齊開始，我地已經唔會有可能架拉。呢個都係我要撮合你地既原因。無論你同sara最後咩結果都好，我地都唔會有可能一齊到。因為就算我真係有幾鐘意你，幾愛你都好，你同sara都係我好重要既人。我唔想無左你地先但一個，但如果真係要揀，我始終會放棄你，你明唔明。所以你一定要好好對sara，甘樣你地就可以永遠係我身邊。」講到呢到，     cindy竟然流眼淚。我好耐都無見過佢喊，我睇到佢喊果個樣，令我心都酸埋。真係好楚楚可憐既樣。我上前一手攬住佢。
「對唔住，我以後都唔會再整喊我自己鐘意既人。無論我地有無機會都好，我一定唔會改變。我知我好過份，一個心同時存在2個人。但只要你願意既，我一定永遠都係你身邊。呢個都係我一直以黎既願望。」
「你今日送比我果條手鏈我好鐘意，你係sara身邊可以架拉。你就當條手鏈係你，一直陪住我未得囉。仲有，...你頭先果d說話，講一次好拉，我唔想再聽第二次。」
「點解呀?」
「因為我係女人黎架，我想呢d說話留返我真命天子同我講。」
「果個未我囉，我頭先講既野係100%認真架。」
「發夢無甘早，仲有，你想攬到我幾時呀。捨得放開我未。」
「唔捨得架，點會捨得呀。家下放手，唔知仲有無下次架拉。」
「好甘比你攬多陣.........」
就甘我攬一陣，攬住佢一齊訓。但我地成晚咩都無做過，而我都好守規矩。除左攬住佢條腰，我隻手都無亂甘摸。
「點解你今晚好似好唔同甘既。」我忍唔住問cindy
「我有咩唔同，未一樣。」
「但係你平時會比我攬住你，鍚你咩。」
「你話好想同我一齊嘛，今晚未比個機會你囉，當還你心願。」
「咩叫當還我心願呀，一晚甘少......」
「如果你真係甘鐘意我既，下世呀，下世早過我出世，早d識我。」
我聽到佢甘講都知佢敷衍我拉，但我睇住cindy個樣，佢講得好認真。不過當時我都無諗甘多野，同佢傾傾下計我地就訓著左。
到左第二朝，我聽到我電話響。
「輝，你係邊呀，我叫左你今日黎接我架嘛!!!!!!!!!!」
我一開眼，死火拉，我係cindy間房喎，正當我緊張之際。原來cindy已經唔係房。但呢個時候sara已經衝左入黎。
「你個白痴，點會自己反鎖左我房門架，你有無腦架。」
我聽到一頭霧水。
「妹算拉，呢個傻仔琴晚訓廳，我岩岩訓醒先叫佢入黎訓咋。等佢訓醒先再鬧佢拉。」
「無得你訓呀，快過黎幫我拎野呀。」
我望一望cindy，知道佢同我解左圍。跟住就跟左sara入房拉，不過佢出奇地無鬧我喎。仲買左野送比我。
「呢隻錶上次你話鐘意，我同學識人，有折頭。我送比你拉。」
唔知自己係未做左虧心事，總係覺得sara今日特別好。又話唔見我幾日﹐好掛住我，又問我有無掛住佢呀。呢d野平時sara好少講架，直頭唔會講甘淨。今日竟然甘小鳥依，果一刻真係覺得好內疚。就係甘，sara成日都痴住我。同我講下佢係camp發生既野，又講下果個男仔點追佢個fd呀。又話果個男仔比我細心唔知幾多倍，有幾識"乙水"女仔。
同sara一齊又有另一種感覺，唔知點講，好似有種puppy love既感覺。但同cindy一齊果種又剛好相反。就係甘我就穿梭係2個女人之間，當然我同cindy自從果晚都無再做d好過份既野。一直以為我地可以甘開心甘生活落去